Qazaqstan Respýblıkasy Investısııalar jáne damý mınıstrliginiń buıryǵy  №74

2015 jylǵy 30 qańtar, Astana qalasy Kemelerdegi qyzmet jarǵysyn bekitý týraly Jańa «Ishki sý kóligi týraly» 2004 jylǵy 6 shildedegi Qazaqstan Respýblıkasynyń Zańy 9-baby 1-tarmaǵynyń 26-24) tarmaqshasyna sáıkes buıyramyn: 1. Qosa berilip otyrǵan Kemelerdegi qyzmet jarǵysy bekitilsin. 2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A.Asavbaev): 1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin, buıryqtyń kóshirmesin kúntizbelik on kún ishinde buqaralyq aqparat quraldarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy «Ádilet» respýblıkalyq memlekettik kásipornynyń aqparattyq-quqyqtyq júıesine resmı jarııalaýǵa jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalar týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý birinshi vıse-mınıstri J.M. Qasymbekke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV. «KELISILDI»: Qazaqstan Respýblıkasynyń Densaýlyq saqtaý jáne áleýmettik damý mınıstri ____________ T.Q.DÚISENOVA 2015 jylǵy 13 aqpan Qazaqstan Respýblıkasy Investısııalar jáne damý mınıstriniń 2015 jylǵy 30 qańtardaǵy №74 buıryǵymen bekitilgen Kemelerdegi qyzmet jarǵysy 1. Jalpy erejeler 1. Osy Kemelerdegi qyzmet jarǵysy (budan ári - Jarǵy) «Ishki sý kóligi týraly» 2004 jylǵy 6 shildedegi Qazaqstan Respýblıkasy Zańynyń (budan ári - Zań) 9-baby 1-tarmaǵynyń 26-24) tarmaqshasyna sáıkes ázirlendi jáne Qazaqstan Respýblıkasynyń ishki sýlarynda júzetin kemelerdegi qyzmetti uıymdastyrýdyń negizgi erejelerin aıqyndaıdy. 2. Osy Jarǵynyń talaptary olar kemede bolǵan kezde de, sol sııaqty olardyń jaǵada qyzmettik fýnksııalaryn oryndaǵan kezinde de keme ekıpajy múshelerimen, sondaı-aq kemede ýaqytsha bolatyn jáne onda qyzmettik fýnksııalar men jumystar oryndaıtyn basqa adamdarmen saqtalynady. 3. Keme ekıpajynyń barlyq músheleri kemege kapıtannyń jazbasha kelisimimen taǵaıyndalady. 4. Ekıpaj músheleriniń osy Jarǵyǵa kirmegen laýazymdyq fýnksııalary keme kapıtanynyń kelisimi boıynsha keme ıesiniń laýazymdyq nusqaýlyqtarymen belgilenedi. 5. Ekıpajdyń eńbegin qoldanystaǵy eńbek zańnamasyna, Zańǵa jáne osy Jarǵyǵa sáıkes keme kapıtany uıymdastyrady. 6. Barlyq ekıpaj músheleriniń, sondaı-aq jolaýshylar retinde kemede ýaqytsha bolatyn adamdardyń fýnksııalaryn belgileıtin keme kesteleri kemelerdegi qyzmetti uıymdastyrýdyń negizi bolyp tabylady. 2. Keme ekıpajy 7. Keme ekıpajynyń músheleri tıis: 1) sý kóligi qyzmetkerleriniń abyroıy men namysyn saqtaýǵa; 2) kommersııalyq qupııany saqtaýǵa; 3) memlekettik menshikti saqtaýǵa; 4) Qazaqstan Respýblıkasy zańdarynyń, osy Jarǵynyń, buıryqtardyń, qaǵıdalar men nusqaýlyqtardyń talaptaryn oryndaýǵa; 5) turaqta jáne júrý kezinde vahtada bolýǵa jáne atqaratyn qyzmetine sáıkes keme jumystaryn oryndaýǵa; 6) sypaıy, tártipti bolýǵa, laýazymy boıynsha úlkenderdiń nusqaýlaryn jedel jáne dál oryndaýǵa; 7) óziniń fýnksııalaryn bilýge, adal jáne yntamen oryndaýǵa, materıaldardy únemshildikpen jumsaýǵa, keme múlkine uqypty qaraýǵa, óndiristik josparlar men reıstik tapsyrmalardy oryndaýǵa belsene qatysýǵa; 8) kemeniń qurylymyn, óziniń mamandyǵyn, ony meńgerýdi jáne olarǵa qatysty termınderdi bilýge; 9) ózderiniń kásibı bilimderin udaıy jetildirip otyrýǵa; 10) óziniń meńgerýindegi jumysty jaramdy kúıde ustaýǵa jáne ony úzdiksiz qamtamasyz etýge; 11) eńbek qaýipsizdigi jáne eńbekti qorǵaý, órt qaýipsizdigi erejeleriniń jáne sanıtarlyq erejelerdiń talaptaryn bilýge jáne qatań saqtaýǵa; 12) dabyl boıynsha óziniń fýnksııalaryn bilýge jáne dál oryndaýǵa, avarııalyq-qutqarý jáne órtke qarsy múlikti, qural-saımandarmen, jeke jáne ujymdyq qutqarý quraldaryn paıdalana alýǵa jáne olardyń ornalastyrylǵan jerlerin, apat sıgnaldaryn bilýge, ishki baılanys jáne dabyldar boıynsha sıgnal berý júıelerin paıdalanýǵa; 13) taza jáne uqypty kıinýge, nysandy kıimmen júrý erejesin saqtaýǵa; 14) kemede tazalyq pen tártipti saqtaýǵa; 15) lastanýyna jol bermeı, tabıǵı ortany qorǵaýǵa. 8. Ekıpajdyń árbir múshesi kemeniń qaýipsizdigi týraly qamqorlyq jasaýǵa tıis jáne kemege, adamdarǵa, júkke tónetin qaýipti anyqtaǵan kezde bir mezgilde ony joıý jóninde sharalar qabyldaı otyryp, bul týraly vahtalyq bastyǵyna shuǵyl habarlaıdy. 9. Kemedegi nemese turmystyq tehnıkany (onyń kimniń meńgerýinde ekendigine qaramastan) paıdalanatyn adamdar onyń maqsaty boıynsha paıdalanylýy úshin jaýap beredi, al jumysynda jaramsyzdyqtardy anyqtaǵan kezde, ol osy tehnıka meńgerýinde turǵan adamǵa dereý habarlaıdy. 10. Kemeniń adamdardyń úlken toby paıdalanatyn tehnıkalyq jáne turmystyq quraldary ózderiniń meńgerýindegi ekıpaj músheleri árbir qural boıynsha onymen jumys isteý nusqaýlyǵy bolýyn qadaǵalaıdy. 11. Ekıpaj múshelerine vahta bastyǵynyń ruqsatynsyz, keme tehnıkasynyń ýaqytsha isten shyǵýyna baılanysty jóndeý jumystaryn júrgizýge tyıym salynady. 12. Kemeni tıisti jaı-kúıde jáne jaramdylyqta ustaý úshin korpýs pen qondyrmanyń barlyq elementteri, keme ǵımarattary, tetikteri, júıeleri, qurylǵylary, qosalqy bólshekteri, qural-saımandary, aspaptary men jabdyqtary meńgerilýi jónindegi kestemen ekıpajdyq ádis kezinde keme ekıpajynyń múshelerine nemese brıgadalyq ádispen jumys isteý kezinde bir mezgilde kemede bolatyn brıgadalar (brıgada) múshelerine bekitiledi. 13. Keme ekıpajynyń músheleri ózderine senip tapsyrylǵan qundylyqtardyń saqtalýyn qamtamasyz etedi. 14. Ekıpajdarsyz, ózi júrmeıtin kemelermen jumys isteıtin, ózi júretin keme ekıpajyna osy kemelerdi qaýipsiz paıdalanýdy qamtamasyz etý úshin qosymsha fýnksııalar júkteledi. 15. Ekıpaj músheleri kapıtan jarııalaǵan avarııalyq jáne qaýyrt jumystardy oryndaıdy. Avarııalyq jumystarǵa kapıtannyń qalaýy boıynsha kemede ýaqytsha bolatyn adamdar da tartylýy múmkin. 16. Qyzmettik fýnksııalardy atqarý kezindegi ózara qarym-qatynas resmı bolýǵa tıis. 17. Qyzmet boıynsha ókimderdi buıryqtar túrinde beredi. Buıryq naqty jáne qysqa bolýǵa tıis. Buıryqty berýshi onyń durys túsinilgenine kóz jetkizedi. Buıryqty alýshy ony oryndasymen, sol sııaqty ony oryndaý múmkindigi bolmaǵan kezde buıryq berýshi adamǵa habarlaıdy. 18. Komandalyq quramnyń basqa tulǵasynan oryndalýy birinshini oryndaýǵa kedergi keltiretin jańa buıryq alǵan jaǵdaıda, oryndaýshy bul týraly ekinshi buıryqty bergen adamǵa málimdeıdi jáne odan ári onyń nusqaýy boıynsha áreket jasaıdy. 19. Laýazymdardy (mamandyqtardy) qosa atqarý ádisi boıynsha jumys isteıtin ekıpaj músheleri osy laýazymdar (mamandyqtar) úshin osy Jarǵyda belgilengen mindetterdi oryndaıdy. 3. Kemelerdegi qyzmetti uıymdastyrý negizderi 20. Keme kapıtany mynadaı negizgi kestelerdi bekitedi: 1) meńgerýler jónindegi keste; 2) vahtalar men keme jumystarynyń kestesi; 3) kemedegi kún tártibi; 4) jıystyrý jónindegi keste; 5) dabyldar boıynsha keste. Keme ıesi shtat kestesin bekitedi. 21. Kemeniń túrine jáne maqsatyna baılanysty qosymsha basqa da kesteler jasalýy múmkin. 22. Barlyq kestelerdi (shtat kestesin qospaǵanda) kapıtannyń birinshi kómekshisi (shtýrmannyń birinshi kómekshisi), al shtatta ol bolmaǵan kezde - kapıtan mehanıkpen birlesip, kemeni paıdalanýǵa tapsyrǵanǵa deıin jasaıdy. 23. Táýlik boıy jumys isteıtin, ózi júretin kemelerde komandalyq quramnyń adamdaryna vahtany atqarý ýaqyty osy Jarǵyǵa 1-qosymshaǵa sáıkes ishki keme qatynasy joldarynda ony paıdalaný kezinde ózi júretin keme (júırekten basqa) komandalyq qurammen belgilenedi. Komandalyq jáne qatardaǵy quramnyń qalǵan músheleri úshin vahtany atqarý jáne keme jumystaryn oryndaý ýaqytyn kapıtan belgileıdi. 24. Laýazymdardy (mamandyqtardy) qosa atqarǵan kezde komandalyq quram vahtany keme júrgizý mamandyǵynyń adamdary úshin belgilengen saǵattarda atqarady. 25. Kemede kapıtannyń (mehanıktiń) jáne aýysym kapıtanynsh (aýysym mehanıginiń) bir mezgilde bolýy kezinde sońǵysy vahtany ózi aýystyratyn adam úshin belgilengen saǵattarda atqarady. 26. Tert aýysymdy keste boıynsha jumystyń ekıpajdyq ádisi kezinde vahtalardy atqarý jolaýshylar kemelerinen basqa barlyq kemelerde uıymdastyrylýy múmkin. Bul jaǵdaıda úshinshi shtýrman vahtany kapıtanmen birge saǵat 00:00-den saǵat 03:00-ge deıin, al mehanıktiń úshinshi kómekshisi mehanıkpen birge saǵat 21:00-den saǵat 24:00-ge deıin atqarady. 27. Osy Jarǵyǵa 1-qosymshaǵa sáıkes úsh aýysymdy keste boıynsha vahtalar atqarý: 1) úshinshi shtýrmannyń jáne mehanıktiń úshinshi kemekshisiniń laýazymdary shtatta kózdelmegen júk jáne tirkep súıreý kemelerindegi ekıpajdyq jumys ádisi kezinde; 2) jolaýshylar kemelerinde. Bul rette úshinshi shtýrman jáne mehanıktiń úshinshi kómekshisi vahtany kapıtanmen jáne mehanıkpen birlesip atqarady; 3) kemede úsh brıgada bolǵanda brıgadalyq jumys ádisi kezinde uıymdastyrylady. 28. Osy Jarǵyǵa 1-qosymshaǵa sáıkes eki aýysymdy keste boıynsha vahtany atqarý árbir brıgadanyń kemede 15 táýlikten aspaıtyn ýaqyt bolýy brıgadalyq jumys ádisi kezinde uıymdastyrylady. 29. Bortynda kapıtan (kapıtannyń aýysym kómekshisi) basshylyq etetin bir brıgada bar ekıpajdardyń ishki keme qatynasy joldaryndaǵy jáne teńiz sýlaryndaǵy brıgadalyq ádis boıynsha jumysy kemelerde 12 saǵattan aspaıtyn aýysym uzaqtyǵy jaǵdaıynda uıymdastyrylady. 30. Brıgadalardyń aýysym tártibin keme ıesi belgileıdi. 31. Bir táýlikten az jumys isteıtin kemelerdi (shapshańdaryn qosa alǵanda) jumystan keıin túngi turaq pýnktiniń jaýapty kezekshisine kúzetýge tapsyrýǵa bolady. Turaq tártibin keme ıesi belgileıdi. 32. Ishki keme qatynasy joldarynda, teńizdegi jáne jaǵalaýdaǵy júzýde paıdalanylatyn shapshań kemeler ekıpajdarynyń jumysy brıgadalyq ádis boıynsha uıymdastyrylady. Eger kemeniń bortynda bir brıgadanyń bolýy kezeńinde jol ýaqyty 8 saǵattan aspasa, shapshań kemeniń bortynda kapıtan (kapıtannyń aýysym kómekshisi) basshylyq etetin bir brıgada bola alady. Bul jaǵdaıda qozǵalys kestesimen árbir 2 saǵat saıyn aıaldamalar kózdeledi, demalys jáne tamaqtaný úshin arnalǵan aıaldamalardyń biriniń uzaqtyǵy keminde 30 mınýt bolyp belgilenedi, bul rette kórsetilgen aıaldamaǵa deıingi jáne odan keıingi jol ýaqyty ádette 4 saǵattan aspaýǵa tıis. 33. Eger júzý sharttary boıynsha keme bortynda bir brıgadanyń bolýymen paıdalanyla almasa, sondaı-aq jol ýaqyty 8 saǵattan asyp ketse jáne brıgadalardyń aýysymyn júrgizý múmkin bolmasa, bortta eki brıgada bolady, olardyń birine kapıtan (kapıtannyń aýysym kómekshisi) basshylyq etedi. 34. Basqarý beketinde ekıpaj músheleri kezekshilikteriniń aýysymy birdeı, biraq 4 saǵattan aspaıtyn ýaqyt aralyqtary arqyly júrgiziledi. 35. Jol ýaqytyn aralyq pýnktterdegi uzaq emes aıaldaýlardy (30 mınýtqa deıin) eskere otyryp anyqtaıdy. 36. О́zi júretin jáne ózi júrmeıtin jer snarıadtarynda lone túbin tazartqysh snarıadtarda komandalyq quramnyń adamdaryna vahtalar atqarý jáne jumystardy oryndaý ýaqytyn keme ıesi, al qatardaǵy quramǵa - komandır belgileıdi. 37. Shalandalardyń, shalandalaýshylardyń, zákir aýystyryp qoıýshylardyń, brandvahtalardyń, barjalardyń jáne jer kerýeniniń quramyna kiretin basqa da kemelerdiń komandalyq quramy óndiristik-tehnologııalyq qyzmet máseleleri boıynsha komandırge (komandırdiń aýysym kómekshisine) baǵynady. 38. Ekıpaj múshelerin jumysqa qabyldaý jáne jumystan bosatý (kemeniń tirkelgen jeri boıynsha kadr bóliminde keıinnen resimdeý arqyly), demalys berý, kemeni paıdalaný kezeńinde marapattaý, jazalaý kapıtannyń usynysy boıynsha keme ıesiniń buıryqtarymen resimdeledi. 39. Kapıtan naqty jaǵdaılarǵa nemese kemeniń erekshelikterine jáne shtat kestesine baılanysty ekıpajdyń jekelegen músheleri arasynda mindetterdi ishinara qaıta bólýdi júrgizedi. 40. Úsh aýysymdy keste boıynsha (1-qosymshaǵa sáıkes) vahtalar atqarý: 1) júk, tirkep súıreý jáne jolaýshy kemelerinde, sondaı-aq tehnıkalyq flottyń kemelerinde ekıpajdyq jumys ádisi kezinde; 2) kemede úsh brıgada bolǵanda brıgadalyq jumys ádisi kezinde uıymdastyrylady. 4. Komandalyq quram 1-paragraf. Jalpy erejeler 41. Kemeniń komandalyq quramyna baǵynyshtylarǵa basshylyq etý jáne kemeni basqarý men ony paıdalanýǵa jeke óziniń qatysýy júkteledi. 42. Komandalyq quram tıis: 1) baǵynyshtylardyń eńbegin durys uıymdastyrýǵa, eńbek ónimdiligin ósirý úshin, sondaı-aq ekıpaj músheleriniń kemede óndiristik mindetterdi sheshýge qatysýyn qamtamasyz etetin jaǵdaı jasaýǵa; 2) óziniń eńbegimen jáne tártibimen ekıpajdyń barlyq músheleri úshin úlgi qyzmetin atqarýǵa, kemede tártipti saqtaýǵa; 3) óziniń baǵynyshtylarynyń jeke bastarynyń jáne iskerlik sapalaryn jan-jaqty bilýge jáne zertteýge, olarǵa ózderiniń kásibı bilimderi men tájirıbelerin berip otyrýǵa; 4) baǵynyshtylaryna qamqorlyq jasaýǵa jáne kún saıyn olardy erlik, adaldyq, eńbek súıgishtik, sanaly tártip, bastamashyldyq, tehnıkany meńgerýge umtylýshylyq, flotqa degen súıispenshilikke tárbıeleýge; 5) kemege ekıpajdyń jańa múshelerin taǵaıyndaǵan kezde baǵynyshty adamdardy olardyń jumys jáne dabyldar jónindegi fýnksııalarymen, keme kestelerimen, eńbek qaýipsizdigi, órt qaýipsizdigi jáne sanıtarııa erejelerimen jáne nusqaýlyqtarymen tanystyrýǵa; 6) baǵynyshtylardyń keme kesteleri boıynsha mindetterin bilýge; 7) baǵynyshtylardan Qazaqstan Respýblıkasynyń zańdaryn, osy Jarǵyny, ózderiniń fýnksııalaryn, qoldanystaǵy erejelerdi, olarǵa qatysty bóliginde tálimderdi, nusqaýlardy jáne ókimderdi dál oryndaýdy talap etýge jáne olardyń oryndalýyn baqylaýǵa; 8) óziniń baǵynyshtylaryn aldaǵy reıstiń mindetteri men erekshelikteri týraly habardar etýge; 9) ekıpaj múshelerimen tehnıkalyq oqý ótkizýge; 10) keme tehnıkasyna josparly tehnıkalyq qyzmet kórsetýler júrgizýdiń kúntizbelik kestelerin jasaýǵa jáne bekitýge usynýǵa jáne olardyń oryndalýyn qamtamasyz etýge; 11) aldyńǵy qatarly ekıpajdardyń jumys tájirıbesin zertteýge, qorytýǵa ony óz kemesinde engizýge. 43. Komandalyq quram adamdarynyń aýysymy kezinde tapsyrýshy qabyldaýshyǵa akt boıynsha qujattamany, is qaǵazdaryn, eseptilikti, meńgerýshilikti jáne ózinde esepteletin materıaldyq qundylyqtardy tabystaıdy. Aktini kapıtan bekitedi. 2-paragraf. Kapıtan 44. Kapıtan keme ekıpajynyń basshysy, keme ıesiniń kemeniń saqtalýy, ondaǵy adamdardyń ómiri jáne tasymaldanatyn júk úshin jaýap beretin senimdi adamy bolyp tabylady. 45. Kemeni basqarýdy dara basshylyq negizinde júzege asyrady jáne tikeleı keme ıesine baǵynady. Keme qyzmetine qatysty barlyq nusqaýlar olardyń oryndalýy úshin jaýap beretin kapıtanǵa beriledi. 46. Kemeniń bortynda joǵary laýazymdy tulǵalardyń bolýy kapıtannan óziniń mindetterin oryndaý úshin oǵan júktelgen jaýapkershilikti alyp tastamaıdy. 47. Kapıtannyń ókimderi onyń ókilettikteri sheginde kemedegi barlyq adamdardyń sózsiz oryndaýyna jatady. 48. Kapıtan ekıpaj múshelerin irikteýge jáne ornalastyrýǵa qatysady, kemede kadrlardy bekitýge sharalar qabyldaıdy. 49. Kemedegi adamdardyń áldebiri kapıtannyń ókimderin oryndamaǵan jaǵdaıda ol bári adamdarǵa qatysty ózine berilgen quqyqtar sheginde qajetti sharalar qabyldaıdy. 50. Kapıtan qajetti jaǵdaılarda ekıpajdyń kez kelgen múshesin qyzmettik fýnksııalaryn oryndaýdan shettetedi, ony kemeniń esebinen shyǵarady jáne kadrlarmen jumys jónindegi bólimge jiberedi. 51. Kapıtan: 1) kemede Qazaqstan Respýblıkasynyń zańdary men basqa da normatıvtik quqyqtyq aktileriniń, sondaı-aq Qazaqstan Respýblıkasy qatysýshysy bolyp tabylatyn halyqaralyq konvensııalar men kelisimderdiń saqtalýyn; 2) qorshaǵan ortany qorǵaý jónindegi is-sharalardyń oryndalýyn; 3) óndiristik qyzmetti, kemeni jáne keme tehnıkasyn tehnıkalyq paıdalanýdy, kemeniń, adamdardyń, júkterdiń qaýipsizdigin qamtamasyz etý jónindegi qaǵıdalardyń, nusqaýlyqtardyń, buıryqtardyń, nusqaýlardyń jáne basqa da normatıvtik qujattardyń saqtalýyn; 4) qyzmettik jáne kommersııalyq qupııany saqtaý jóninde qajetti sharalar qabyldaýdy; 5) tárbıelik jumystyń jáne ekıpajdyń moraldyq jaı-kúıiniń joǵary deńgeıin; 6) kemeniń óndiristik josparynyń, qozǵalys kestesiniń jáne berilgen jumys kórsetkishteriniń oryndalýyn; 7) júzý qaýipsizdigin qadaǵalaý organdarynyń jáne basqa da baqylaý organdarynyń nusqaýlary men talaptarynyń oryndalýyn; kemeniń baıqaýlar men kýálandyrýlarǵa ýaqytynda usynylýyn; 8) eńbek tártibiniń saqtalýyn jáne jalpy kemelik jáne vahtalyq qyzmetterdi uıymdastyrýdy; 9) ekıpaj múshelerin buıryqtarmen, ókimdermen, nusqaýlyqtarmen, sondaı-aq reıske berilgen tapsyrmalarmen jáne aldaǵy reıstiń erekshelikterimen ýaqytynda tanystyrýdy; 10) ekıpajdyń tehnıkalyq oqýyn, komandalyq jáne qatardaǵy quram adamdarynyń biliktiligin arttyrýdy uıymdastyrýdy jáne baqylaýdy; 11) ekıpajdy kemeniń ómirsheńdigi úshin kúreske, sýda qutqarý jónindegi is-qımyldarǵa daıarlaýdy, sondaı-aq osy daıarlyqty baqylaýdy uıymdastyrýdy; 12) eńbek zańnamasyna jáne osy Jarǵyǵa sáıkes ekıpajdyń eńbek jáne demalys rejımin; 13) kemede jumystyń ozyq tájirıbesin engizýdi jáne ony jetildirýdi; 14) keme ekıpajyn ujymdyq tamaqtandyrýdy uıymdastyrýdy; 15) kýrsanttardyń, stýdentter men oqýshylardyń praktıkasyna jalpy basshylyqty jáne keme júrgizý mamandyqtary adamdaryn synaq merziminen ótkizýge tikeleı basshylyqty; 16) keme kestelerin tekserýdi jáne bekitýdi; 17) komandalyq quramnyń qyzmetine basshylyqty; 18) vahtanyń (biryńǵaı kezekshilik, kemelik), mashınalyq jáne basqa da belgilengen jýrnaldardy, sondaı-aq keme baıqaýlarynyń biryńǵaı kitabyn, is qaǵazdaryn, eseptemelik jáne basqa da qujattamany ýaqytynda jáne durys júrgizýdi; 19) aýyz sý qabyldaýdy, sharýashylyq-turmystyq jáne fekaldyq sýaǵarlaryn, qurǵaq qoqys, tamaq qaldyqtary bar konteınerlerdi jáne quramynda munaı bar qospa sýlardy tapsyrýdy tirkeıtin keme jýrnaldaryn ýaqytynda jáne durys júrgizýdi; 20) tehnıkalyq ádebıetti, júzý qaýipsizdigi, eńbek qaýipsizdigi, tehnıkalyq paıdalaný jónindegi normatıvtik qujattardy, losman kartalaryn (shemalaryn), navıgasııalyq quraldardy jáne túzetýlerdi (ózgertýlerdi) ýaqytynda alýdy; 21) keme qujattarynyń, mer men mórtabandardyń saqtalýyn; 22) kemede jazataıym oqıǵa bolǵan kezde zardap shekkenderge qajetti medısınalyq kómek kórsetý jóninde sharalar qabyldaýdy, bolyp ótken jazataıym oqıǵa týraly keme ıesine habarlaıdy jáne belgilengen tártippen tekserý júrgizedi; 23) kemeniń, adamdardyń nemese júktiń qaýipsizdigine qaýip tóndiretin jaǵdaılar týyndaǵan kezde bul týraly keme ıesine habarlaıdy jáne alynǵan nusqaýlar men usynymdarǵa, jaǵdaılarǵa sáıkes is-áreket jasaıdy; 24) kemeniń avarııalyq jaǵdaıynda, júk, bagaj búlingen nemese zaqymdanǵan jaǵdaıda, sondaı-aq uqsas jaǵdaılarda bolǵan oqıǵa týraly tıisti organdarǵa habarlaıdy, bir mezgilde oqıǵanyń saldarlary men sebepterin joıýǵa sharalar qabyldaıdy jáne belgilengen tártippen qajetti qujattardyń resimdelýin; 25) ekıpajdyń kemeniń ómirsheńdigi úshin kúres jáne sýda adamdardy qutqarý jónindegi is-áreketine basshylyqty; 26) basqa kememen soqtyǵysqan, basqa kemege, quramǵa, salǵa soqqy bolǵan jaǵdaıda eger bul óz kemesine, ekıpajyna jáne jolaýshylaryna eleýli qaýip tóndirmese, kómek talap etý-etilmeýin suraıdy, qajet bolǵan kezde ony kórsetedi, odan keıin onymen soqtyǵysý bolyp ótken keme kapıtanynan kemeniń ataýy, tirkelý, shyqqan jáne baratyn pýnktteri, alynǵan zaqymdanýlardyń sıpaty týraly suraıdy, al budan keıin óz kemesi boıynsha osyndaı málimetterdi onymen soqtyǵysý bolyp ótken keme kapıtanyna habarlaýdy jáne qajetti qujattardy resimdeýdi qamtamasyz etedi. 52. Kapıtan mehanıkpen birlesip, zaýyt nusqaýlyqtarynyń, basshylyqtarynyń jáne basqa da normatıvtik qujattardyń talaptaryna sáıkes olardyń jaı-kúıin jáne ustalýyn baqylaý maqsatynda kemege, keme tehnıkasyna jáne onyń jabdyqtalýyna tekserý júrgizedi. 53. Keme jáne ondaǵy adamdar úshin qaýiptilik jaǵdaıynda ne basqa kemege nemese adamdarǵa kómek kórsetý úshin kapıtan bul rette berilgen buıryqty kórsete otyryp, keme jýrnalynda jazba jasap, kemeniń basty qozǵaltqyshtarynyń nemese basqa tetikteriniń belgilengen normalardan asyp túsetin jumys rejımin belgileı alady. 54. Kemede adamnyń týý nemese qaıtys bolýynyń árbir jaǵdaıy týraly kapıtan eki kýániń qatysýymen sáıkes erkin nysanda akt jasaıdy. Kemede adam qaza bolǵan jaǵdaı kapıtan dereý keme ıesine habarlaıdy jáne onyń nusqaýlary boıynsha áreket jasaıdy. 55. Kapıtan qylmys jasaýda kúdikti adamdy nemese onyń is-áreketinde qylmystyq jazalanatyn áreket belgileri joq, biraq kemeniń nemese ondaǵy adamdardyń nemese múliktiń qaýipsizdigine qaýip tóndiretin adamdy erekshe úı jaıǵa oqshaýlaıdy jáne alǵashqy múmkinshilik kezinde ony tıisti bılik oryndaryna tabystaıdy. 56. Búkil ekıpajdyń nemese onyń eleýli bóliginiń qatysýyn talap etetin jumystardy oryndaý qajettigi kezinde kapıtan keme ıesi bekitken onyń tizbesine sáıkes qaýyrt jumystardy jarııalaýǵa quqyly. 57. Aýyrǵan jaǵdaıda kapıtan onda kapıtan dıplomynyń bolý-bolmaýyna qaramastan kemeni basqarýdy kapıtannyń aǵa kómekshisine tabystaıdy, ol týraly keme ıesine dereý habarlaıdy. Keme jýrnalyna basqarýdy tabystaý kúni men ýaqyty, kemeniń ornalasqan jeri jáne onyń jaı-kúıi, basqa da qajetti málimetter jazylady. 58. Kapıtan dıspetcherlik baılanys quraldaryn paıdalanady. 59. Kapıtan kemeniń tirkelý portynda keme ıesiniń buıryqtarymen resimdeletin, keme ekıpajynyń múshelerin marapattaý jáne tártiptik jazalaý sharalaryn qoldaný týraly keme ıesine usynystar engizedi. 60. Paıdalanýdaǵy kemeni qabyldaý kezinde, kapıtan: 1) ekıpajben tanysady; 2) keme qujattaryn, mórdi, mórtabandardy, aqsha somalaryn jáne aqsha qujattaryn qabyldaıdy; 3) kemeni tapsyrýshy kapıtannan kemeniń qurylymdyq erekshelikteri, onyń paıdalaný jáne teńizde júzý sapalary, júk operasııalarynyń barysy jáne kemeniń aldaǵy reıske daıyndyǵy (jóndeý barysy), bolǵan avarııalyq jaǵdaılar jáne olardyń saldarlary týraly qajetti derekter alady; 4) kemeniń óndiristik josparymen jáne onyń oryndalý barysymen tanysady; 5) kemeni tapsyrýshy kapıtanmen birlesip, kapıtannyń birinshi kómekshisiniń (aýysym kapıtanynyń) jáne mehanıktiń erip júrýimen kemeni qaraıdy, qajetti túsindirmeler men málimetter alady; 6) ekıpajdyń keme dabyldary boıynsha is-qımyldaryn jetildirýdi tekseredi; 7) qajet bolǵan kezde keme ıesinen kemeniń korpýsyna, qozǵaýshylaryna, meńgerikti basqarý organyna jáne basqa da bort syrtyndaǵy qurylǵylaryna tekserý júrgizýdi talap etedi. Kemeni tapsyrý jáne qabyldaý nátıjeleri boıynsha sáıkes aktini erkin nysanda jasaıdy, onyń birinshi danasy keme ıesine jiberiledi. 61. Tapsyrý-qabyldaý jáne taǵaıyndalǵan kapıtannyń fýnksııalaryn atqarýdyń bastalý ýaqyty tapsyrýshy jáne qabyldaýshy kapıtandardyń qoldarymen Zańnyń 23-babynyń 1-tarmaǵyna sáıkes keme jýrnalynda tirkeledi. Jańadan taǵaıyndalǵan kapıtan fýnksııalaryn atqarýdyń bastalýy týraly keme boıynsha buıryqpen jarııalaıdy. 62. Kemeni tapsyrýdy jáne qabyldaýdy tyǵyz merzimderde júrgizgende eki kapıtan da kemeni, aqsha somalaryn, mórlerdi, mórtabandardy jáne qujattardy tapsyrý-qabyldaý týraly akt jasaıdy jáne oǵan qol qoıady. Aktide tapsyrý kezinde qabyldanbaǵan obektiler kórsetiledi. Kemeni basqarýdy tapsyrý-qabyldaý kúni men ýaqyty kemeni tapsyrǵan jáne ony qabyldaǵan kapıtandardyń qoldarymen Zańnyń 23-babynyń 1-tarmaǵyna sáıkes keme jýrnalynda tirkeledi, odan keıin jańadan taǵaıyndalǵan kapıtan kememen tanysady. 63. Kemeni jasaýshy zaýyttan, sondaı-aq turaqtan, jóndeýden paıdalanýǵa qabyldaǵan kezdegi kapıtannyń is-áreketteri keme ıesiniń tıisti qujattarymen belgilenedi. 64. Portqa kelisimen kapıtan kemeni jáne qajetti qujattamany port ákimshiligine jáne baqylaýshy organdarǵa kórsetý úshin daıyndaıdy. 65. Keme portta turǵan kezde kapıtan kemeniń qaýipsiz turaǵyn qamtamasyz etý boıynsha, júk operasııalaryn jáne kemeni jabdyqtaý men jóndeý jónindegi jumystardy oryndaýǵa sharalar qabyldaıdy, sondaı-aq ekıpajdyń jergilikti (porttyq) erejelerdi oryndaýyn qamtamasyz etedi. 66. Keme portta turǵan kezde kapıtan portta nemese oǵan japsarlas aımaqta bolǵan apat jaǵdaıynda port ákimshiliginiń talap etýi boıynsha órt sóndirý nemese kómek kórsetý úshin ekıpaj ben keme quraldaryn (keme qaýipsizdigi úshin zalalsyz) beredi. 67. Júkti kemege qabyldaý aldynda kapıtan tıeý shemasyn belgileıdi nemese alǵashqy júk josparyn (teńizge shyǵatyn kemeler úshin) qaraıdy jáne belgilengen tıeý nusqasy júzý qaýipsizdigin, kemeniń tıisti teńizde júzý sapasyn jáne júktiń saqtalýyn qamtamasyz ótetindigine kóz jetkize otyryp, ony bekitedi. Eger tasymaldaý Zańnyń 9-babynyń 1-tarmaǵynyń 26-18) tarmaqshasyna sáıkes bekitilgen ishki sý kóliginde júkterdi tasymaldaý erejesine qaıshy kelse nemese kemeniń ne adamdardyń qaýipsizdigine qaýip tóndiretin bolsa, kapıtan jekelegen júkterdi qabyldaýǵa jol bermeıdi. 68. Júk operasııalaryn oryndaý barysynda kapıtan belgilengen tıeý shemasyn (júk josparyn) negizge ala otyryp jáne júkterdi aýystyryp tıeý jumystarynyń erejelerine, tepe-teńdikti saqtaý týraly aqparatqa, júkterdi tasymaldaý erejelerine jáne basqa da erejelerge sáıkestendire otyryp, júkterdi trıýmderge jáne palýbalarǵa salýdyń jáne bekitýdiń durystyǵyn, ballastyń jáne otynnyń ornalastyrylýyn, sondaı-aq palýbalarǵa túsetin júkteme ruqsat etiletin normalardan aspaýyn baqylaýdy qamtamasyz etedi. Eger olardy júrgizý tehnologııasy buzylatyn bolsa nemese joǵaryda atalǵan qujattardyń talaptarynan aýytqýǵa jol beriletin bolsa, kapıtan júk operasııalaryn toqtatady. 69. Kapıtan jaǵaǵa kóterde birinshi kómekshisine nemese vahta bastyǵyna qajetti jumystardy oryndaý jáne keme qaýipsizdigin qamtamasyz etetin sharalar qabyldaý týraly aýyzsha nemese jazbasha ókim qaldyrady jáne óziniń bolatyn jerin habarlaıdy. 70. Kapıtan kemeniń reıske shyǵýyna deıin: 1) reıstik tapsyrma alǵan kezde komandalyq qurammen aldaǵy reıstiń erekshelikterin talqylaıdy; 2) navıgasııalyq kartalar jáne quraldar boıynsha komandalyq quramdy júzý aýdanymen tanystyrady; 3) komandalyq qurammen bolýy múmkin qıyndyqtardy qarastyrady; 4) komandalyq quramǵa túrli júzý jaǵdaılary kezindegi sol nemese ózge is-qımyldardyń qajettigin túsindiredi; 5) komandalyq quramǵa reıstiń negizgi mindetteri men erekshelikterin ekıpajdyń qalǵan múshelerine jetkizý týraly nusqaýlar beredi; 6) kemeni júzýge daıyndaý barysyna basshylyq jasaıdy; 7) eger vahtaǵa kiriserdiń aldynda qyzmettik fýnksııalaryn oryndaýmen aınalyssa nemese keme boıynsha jumys oryndasa, vahtadaǵylarǵa demalys beredi; 8) teńiz aýdandaryna shyǵatyn kemelerde aldyn ala keme jolyn salýdy oryndaıdy (eger ony kapıtannyń nusqaýy boıynsha onyń kómekshileriniń biri oryndasa, aldyn ala salynǵan joldy tekseredi). 71. Kemeniń júrip ketýi aldynda kapıtan aýa raıy boljamdarymen tanysady jáne belgilengen ýaqytta birinshi kómekshisinen, mehanıkten jáne keme radıostansııasynyń bastyǵynan (radıooperatordan) kemeniń reıske daıyndyǵy týraly, bortynda ekıpaj músheleriniń bolýy jáne kemede bógde adamdardyń joq ekendigi týraly baıanattar qabyldaıdy. 72. Ekıpaj múshelerinen nemese ekıpaj shtatyna kirmeıtin, biraq kemede kele jatqan adamdardan áldekim (laýazymdy tulǵalar, jolaýshylar) júrip ketý úshin belgilengen ýaqytqa kelmeı qalǵan jaǵdaıda, kapıtan bul týraly port ákimshiligine nemese keme ıesine, al shetelde - kelmeı qalǵan adamdardyń tegin, atyn jáne ákesiniń atyn (bolǵan jaǵdaıda), laýazymyn jáne kemeden ketken ýaqytyn kórsete otyryp, Qazaqstan Respýblıkasynyń konsýlyna habarlaıdy. Bir mezgilde kapıtan bul adamdardy kemege qaıtarýǵa barlyq múmkin sharalardy qabyldaıdy. 73. Kapıtan myna jaǵdaılarda: 1) eger keme qujattarynyń júzýge jaramdylyǵynyń qoldanylý merzimi reıs aıaqtalýynyń belgilengen kúninen buryn aıaqtalsa jáne onyń reıste uzartylýy múmkin bolmasa; 2) eger kemeni jabdyqtaý, onyń jaı-kúıi, júktemesi tıisti qujattardyń talaptaryn qanaǵattandyrmaıtyn jáne júzý qaýipsizdigin qamtamasyz ete almaıtyn bolsa; 3) eger kemede eńbek qaýipsizdiginiń talaptary qamtamasyz etilmese reıske shyqpaıdy. Kórsetilgen barlyq jaǵdaılar týraly kapıtan port ákimshiligine, keme ıesine jáne tıisti qadaǵalaý organdaryna ýaqtyly habarlaıdy. 74. Júzý kezinde kapıtan: 1) júzý sharty men barlyq jaǵdaılardyń ózgerýin baqylaý jáne ony ýaqytynda saqtandyrý sharalaryn qoldaný, navıgasııalyq, gıdrometeorologııalyq jáne basqa da anyqtalǵan aqparat túrin qabyldaýdy árdaıym baqylaýda ustaý; 2) ishki keme júzý qozǵalysy kezinde keme júrgizý jaǵdaıynyń asa kúrdeli nemese qaýpine baılanysty kúzet bastyǵynyń shaqyrýy boıynsha dereý minbege shyǵý jáne jaǵdaı talap etkenshe jedel túrde sol jerde bolý; 3) júzý aýdanynyń arnaýly losııasyn zertteý jáne osyny shtýrmandardan talap etý; 4) kabeldiń zákirmen kóterilý jaǵdaıynda kólik baqylaý ınspeksııasynyń jaqyn ornalasqan bólimshesine jáne keme ıesine kóterilý ýaqyty men ornyn kórsetý jáne berilgen tapsyrmalarǵa sáıkes áreket etedi. 75. Mindetti losmandyq ótkizý aýdanynda júzgen kezde kapıtan losmandy alýǵa tıis. Losmandyq ótkizý min­det­ti bolyp tabylmaıtyn aýdandardy etken kezde, eger qajet dep tapsa, kapıtan losmandy alýyna bolady. Keme­de los­mannyń bolýy kapıtannan losmandyq ótkizý ýaqytynda kemeni basqarý jónindegi fýnksııalardy alyp tastamaıdy. 76. Kemeni losmandyq ótkizý kezinde kapıtan: 1) kezdesýdi, losmandy bortqa qaýipsiz qabyldaýdy jáne ony kemeniń bortynan qaýipsiz túsirýdi qamtamasyz etedi, losmanǵa úı-jaı jáne taǵam usynady; 2) losmanǵa kemeni ótkizý úshin qajetti derekterdi habarlaıdy, kemeni basqarý erekshelikterimen tanystyrady; 3) minbeden keterde losmanǵa kapıtan minbede bolmaıtyn kezde kemeni basqarýǵa jaýapty tulǵany kórsetedi; 4) kemeni ótkizý ýaqytynda júzý qaýipsizdigin qadaǵalaıdy. Losmannyń usynymdarynyń durystyǵyna kúdiktengen jaǵdaıda kapıtan onyń kórsetetin qyzmetterinen bas tartatyndyǵy týraly habarlaıdy, bul rette mindetti emes losmandyq ótkizý aýdanynda onsyz júze alady, al mindetti losmaıdyq ótkizý aýdanynda basqa losmandy shaqyrady. 77. Kapıtan óz kemesi, ekıpajy jáne jolaýshylary úshin qaýiptilik týdyrmaı, kez kelgen kemege jáne sýda tabylǵan, ólim qaýpi tóngen adamǵa kómek kórsetedi. Apatqa ushyraǵandarǵa kómekke barlyq. 78. Eger kapıtannyń pikiri boıynsha onyń kemesine bolmaı qalmaıtyn opat bolý qaýpi tónse, ol kemedegi adamdardy qutqarý úshin barlyq sharalardy qabyldaıdy. Jolaýshylardy qutqarý sharalaryn qabyldaǵannan keıin kapıtan ekıpajǵa kemeni tastap shyǵýǵa buıryq beredi. 79. Adamdardy qutqarý kezinde kapıtan birinshi kezekte balalardy, aýrýlardy, áıelderdi jáne qarttardy qutqarýdy qamtamasyz etedi. Kapıtan keme, mashına jýrnaldaryn, losman kartalaryn (shemalaryn), qujattar men qundylyqtardy qutqarýǵa barlyq múmkin sharalardy qabyldaı otyryp, kemeni sońǵy bolyp tastap shyǵady. 80. Reıs aıaqtalǵan soń, kapıtan keme ıesi belgilegen tártippen keme ıesiniń aldynda esep beredi. 81. Kemeni jóndeýge qoıýdyń aldynda kapıtan jóndeý jumystarynyń kólemin naqtylaıdy jáne normatıvtik qujattarda kózdelgen, jóndeýdi daıyndaý jáne júrgizý jónindegi is-sharalardyń oryndalýyn qamtamasyz etedi. 82. Jaǵalaý qyzmetteriniń tehnıkalyq qyzmet kórsetý, navıgasııalyq kezeńdegi jóndeý jáne kemeni jaýapty saqtaýǵa qabyldamaı jóndeý kezeńinde, kapıtan jóndeý jumystarynyń barysyn turaqty baqylaýdy jáne kemeniń órt qaýipsizdigin qamtamasyz etedi. 83. Kemeni slıpke kótergen (dokqa qoıǵan) jáne ony slıpten túsirgen (doktan shyǵarǵan) kezde kapıtan ekıpajdyń jumysyna ózi basshylyq jasaıdy. Slıpte (dokta) turǵan kezde kapıtan slıptiń (doktyń) ákimshiligine barynsha járdem kórsetedi, sondaı-aq kemelerdiń slıpte (dokta) turý erejesin saqtaıdy. 84. Kemeni slıpke (dokqa) qondyrǵannan keıin kapıtan mehanıkpen jáne basqa da mamandarmen birlesip korpýsty, túpki-borttyq armatýrany, qozǵaýshy-meńgeriktik keshendi syrttaı baıqaý júrgizedi jáne olardyń jaı- kúıi týraly akt jasaıdy. Kemeni slıpten túsirý (doktan shyǵarý) aldynda osyndaı baıqaýdy qaıtadan júrgizedi. 85. Oryndalǵan jumystardy qabyldaý jáne jóndeýdi aıaqtaý sáıkes aktilermen erkin nysanda resimdeledi. 86. Aýysym kapıtany kapıtan joq kezde kapıtannyń mártebesin paıdalanady jáne onyń mindetterin oryndaıdy. 87. Kemede kapıtan jáne aýysym kapıtany bir mezgilde bolǵan kezde sońǵysy ózi almastyratyn tulǵanyń fýnksııalaryn oryndaıdy jáne onyń ókilettikterin paıdalanady. 3-paragraf. Kapıtannyń aǵa kómekshisi (birinshi shtýrman) 88. Kapıtannyń aǵa kómekshisi (birinshi shtýrman) (budan ári - kapıtannyń aǵa kómekshisi): 1) kapıtanǵa tikeleı baǵynady jáne onyń birinshi orynbasary bolyp tabylady; 2) ákimshilik jaǵynan búkil ekıpajǵa basshylyq etedi; 3) keme reıste bolǵan kezde kapıtan óz fýnksııalaryn oryndaýy múmkin bolmaǵan jaǵdaıda, kapıtannyń aǵa kómekshisi keme ıesi belgileıtin pýnktke deıin kóshý kezeńine (10 kúntizbelik kúnnen artyq emes) keme basqarýdy qabyldaıdy. 89. Kapıtannyń aǵa kómekshisiniń ekıpajdyń osy Jarǵyda kózdelgen jalpy fýnksııalaryn oryndaýǵa qatysty ókimderin (jalpy keme qyzmetin uıymdastyrý, ýaqyt kestesi, kemede tártip saqtaý, sondaı-aq qaýyrt jumystar, keme dabyldary, kemeni tıisti sanıtarlyq jaǵdaıda ustaý, kıim nysanyn jáne onyń uqyptylyǵyn saqtaý, kapıtannyń buıryqtary men nusqaýlaryn oryndaý jóninde) keme ekıpajynyń barlyq músheleri oryndaıdy. 90. Kapıtannyń aǵa kómekshisiniń qaraýynda mynalar bolady: 1) korpýs, palýbalar, qondyrmalar, rangoýt, takelaj, lıýktik jappalar, sý tankileri jáne qyltalary, ólsheý jáne aýa qubyrlary; adamdar turatyn, turmystyq jáne palýbalyq qyzmettik bólmeler, traptar; 2) júk, zákirlik, shynjyr arqandy, tirkep súıreıtin, qutqarýshy qurylǵylar; 3) órtke qarsy sý magıstrali, turmystyq tehnıka: 4) palýbalyq bóliktiń avarııalyq, qutqarý, órtke qarsy, shkıperlik jáne sharýashylyq-turmystyq jabdyqtaý (qural-saıman jáne materıaldar). 91. Kapıtannyń aǵa kómekshisi: 1) tehnıkalyq paıdalaný erejelerine, jasap shyǵarýshy zaýyttardyń nusqaýlyqtaryna, ishki sý kóligi salasyndaǵy ýákiletti organ jáne keme ıesi basyp shyǵaratyn basqa da normatıvtik-tehnıkalyq qujattarǵa sáıkes óziniń meńgerýindegilerdi tehnıkalyq paıdalanýdy jáne ustaýdy; 2) ózine baǵynyshty ekıpaj músheleriniń eńbek tártibin saqtaýyn; 3) palýbalyq bóligi boıynsha keme jumystaryn josparlaýdy, uıymdastyrýdy jáne júrgizýdi; 4) kemede keminde aıyna bir ret úlken jıystyrý ótkizýdi; 5) óziniń meńgerýindegileri boıynsha tirkelimdik jáne basqa da tehnıkalyq qujattamany saqtaýdy; palýbalyq bólik boıynsha jóndeý vedomostaryn ýaqytynda jasaýdy; 6) tamaq ónimderin, aýyz sýdy ýaqytynda alýdy, durys saqtaýdy, jumsaýdy jáne esepke alýdy; ekıpajdyń tamaqtaný mázirin bekitýdi; 7) adamdar turatyn jáne qyzmettik bólmelerde sýaǵarlardaǵy jáne paıoldar astyndaǵy sý deńgeıin baqylaýdy; 8) óziniń meńgerýindegiler boıynsha is qaǵazdaryn jáne eseptilik júrgizýdi; 9) palýbalyq jumystarmen aınalysatyn ekıpaj músheleriniń eńbek qaýipsizdigi jóninde nusqama ótkizýdi; 10) ekıpaj músheleriniń eńbek qaýipsizdigi jáne palýbalyq bóliktiń órt qaýipsizdigi erejelerin, sondaı-aq sanıtarlyq erejelerdi saqtaýyn baqylaýdy; 11) adamdardy kemege otyrǵyzý jáne olardy kemeden túsirý qaýipsizdigin; 12) ekıpajdy kemeniń ómirsheńdigi úshin kúreske, órtke qarsy qorǵanysqa, adamdardy qutqarýǵa ýaqytynda jáne jan-jaqty daıyndaýdy; 13) qutqarýshy quraldardyń shuǵyl paıdalanýǵa turaqty daıarlyǵyn, olarǵa udaıy erkin qol jetimdilikti, tıisti jabdyqtarmen tolyqtyrylýyn; 14) onyń meńgerýindegi palýbalarda jáne bólmelerde, sondaı-aq palýbalyq bóligi boıynsha jumystardy oryndaǵan kezde órt qaýipsizdigi sharalaryn saqtaýdy; 15) kambýzda, adamdar turatyn jáne qyzmet bólmelerinde tártipti; 16) ekıpaj múshelerin jáne kemede ýaqytsha bolatyn adamdardy turǵyn bólmeler boıynsha ornalastyrýdy; 17) ekıpaj músheleriniń belgilengen merzimderde medısınalyq baıqaýlar men egýlerdi ótýin; qajet bolǵan jaǵdaılarda alǵashqy dárigerge deıingi kómek kórsetýdi; kemeniń dári qorabyn tıisinshe ustaýdy, sondaı-aq kemeniń deratızasııadan jáne dezınseksııadan etýin; 18) qurǵaq qoqys pen tamaq qaldyqtaryn tapsyrýdy; 19) barlyq keme bó