Shymkentte «Altyn shańyraq» atty oblystyq baıqaý ótti. Oblystyń barlyq aýdan, qalalarynda báıgege qatysyp, aqtyq synǵa alqynbaı jetkenderdiń qatarynda kentaýlyq Ysqaq Jumashev qarııanyń otbasy bas júldeni jeńip aldy.
Qazylar alqasynyń quramynda boldyq. Usynylǵan úmitkerlerge taldaý jasap, óz upaılarymyzdy qoıdyq. Bir qyzyǵy sol, bas júlde men birinshi oryndarǵa baǵa berýde barlyq qazylardyń upaıy birdeı shyqty.
Nege Jumashevtar otbasy bas báıgege laıyq?!
Úmitkerlerdiń kórmesin aralap júrgenimizde bir kartına eriksiz nazar aýdartqan. Aıqara ashylǵan qaqpa aldynda erli-zaıypty tur. Orta jastaǵy jigit aǵasynyń eki qoly keýde tusyna jaıylyp, óńinde tańdanys pen sharasyzdyq baıqalady. Qosaǵy belin búgip jerden áldeneni alǵaly jatyr.
Iá, alǵaly. Shaqalaqty. Jaıalyqqa oralǵan, óz kókek anasynyń óz baýyr eti balasynan bas tartyp, ózge adamnyń esiginiń aldyna tastap ketkenin ázirge túısinbeıtin shaqalaq.
Sýretshi bul oqıǵany oıdan alǵan joq. Portrette beınelengen er adam Ysqaq Jumashev, qosaǵy Gúljahan Kerimbaıqyzy bolatyn. Búginde seksendi alqymdaǵan Ysqaq aǵamyz da, Gúljahan apamyzdyń da mamandyǵy dáriger bolǵan.
Táýelsizdiktiń alǵashqy jyldarynda turmys-taýqymettiń qıyndyǵyna shydamaǵandar nárestelerin balalar úıine ótkize bastady. Memlekettik mekeme balanyń keregin túgendegenimen, ata-ananyń aıaly alaqanynyń ornyn basa almaıdy. Osynyń bárin júrek eleginen ótkizgen Ysqaqovtar «ArNur» atty otbasylyq balalar úıin ashqan. Sol kezde osy otbasy 13 tastandy sábıdi qabyldaǵan. Onyń segizi besiktegi shaqalaqtar bolsa, qalǵany jasqa tolmaǵan búldirshinder edi.
Kókek degen aılaker qus ózi týǵan jumyrtqasyn basyp, balapan ashýdyń qıyndyǵyn aýyrsynyp, ózge uıaǵa tastap ketedi eken. О́z sábıinen bas tartqandardy «kókek analar» deıtin sebep osy. Alaıda, bárin birdeı bezbúırek deýge kelmes, jaǵdaıy ońalǵannan keıin sábıin qaıta áketkender de barshylyq.
«ArNur» balalar úıinen ketkisi kelmeıtinder de bar eken. Sonyń biri qarasań kóz toımaıtyndaı ásem qyz bala oıyn bylaı tolǵaıdy. «Anam keldi. Biraq oǵan degen kóńilim qaraıyńqyrap qalǵan eken. Es bilgenimde ózimniń tastandy ekenimdi bilip, týǵan anamdy kún sanap kútken edim. Eshteńeden tarlyq kórmedik, biraq anam barlyǵynan artyǵyraq kórinetin. Qatty saǵynatynmyn. Biraq ol kelgende mendegi saǵynysh sarqylyp bitken edi. Týǵan anam qansha qushaqtap, qansha aımalaǵanymen, qansha keshirim suraǵynymen meniń júregimdegi muzdy erite almady. Meniń aldymda bóten adam turdy. Men onyń qyzy emes, Ysqaq atam men Gúljahan apamnyń týǵan qyzy ekendigimdi sol sátte sezindim».
Qabyldaýǵa aýyr bolǵanmen, shyndyq osylaı shyryldaıdy.
Ondaǵan jetim balalardy qatarǵa qosqan, olardy óz balalarynan esh kem kórmeı aıalap ósirgen, jan jylýyn aıamaǵan Ysqaq Jumashev otbasynyń ónegeli «Altyn Shańyraq» otbasy baıqaýynda bas báıgeni qanjyǵaǵa bókterýiniń, qazylar alqasynyń biraýyzdy bolýynyń sebebi osy.
El bolǵan soń teli men tentekter bolady. Talapkerlerdiń ishinde «Men nege báıge almadym» dep talaǵy tars aıyrylyp júrgenniń adamı qundylyqtardyń qadirin bilerine kúmándanasyń. Bir mezgilde segiz besik terbetken Gúljahan ananyń qasıeti «Bala – tapqandyki emes, baqqandyki» degen ata-baba ósıetin eske salatyndaı.
Búginde seksenniń seńgirine shyqqan Ysqaq aqsaqal eshkimge qol jaımaı tabys tabýdyń da úlgisin kórsetip otyr. 2012 jyly bes or qoıan asyraǵan qarııa búginde olardyń sanynan shatysady. Eti dárýmen qoıan degenińiz óte ósimtal. Baby kelisse kójekti úıip tastaıdy. Etiniń kelisi myń teńgege tartatynyn eskerseńiz, Jumashevtar otbasylyq bıýdjetiniń qanshalyqty ekendigin shamalaı berińiz. Úlpildegen qoıan terisi de bir qystyqqa ábden jaraıdy. Jańa jobalarǵa bólinetin memlekettik granttan 2 mln. teńge qaıtarymsyz qarjy alǵan Ysqaq aqsaqal teri ıleıtin sehyn iske qosyp jatyr. Dızaıner-tiginshi de óz úıinen shyqty. Balalarynan bólek, nemereleri qoıan baǵýdyń tájirıbesine jetik.
Kásipkerlerge qyzmet kórsetý ortalyǵynda oqyp, qoıan ósirýdi qolǵa alǵan qarııanyń isi tepse temir úzetin, alaıda, «jumys joq» dep júnjip júretin jastarǵa úlgi bolsa eken dep tiledik.
Ankaradan kelgen bir kásipkerdiń «Túrkııada bes saýyn sıyryń bolsa, sen – mıllıonersiń» degenin estigen edik. Mal – baqqanǵa bitedi. Al otbasy baqyty men jeke bıznesti úılestirgen Ysqaqovtar otbasy kedeıshilik degendi túsinbeıdi.
Baqtııar TAIJAN,
«Egemen Qazaqstan».
Ońtústik Qazaqstan oblysy.
Shymkentte «Altyn shańyraq» atty oblystyq baıqaý ótti. Oblystyń barlyq aýdan, qalalarynda báıgege qatysyp, aqtyq synǵa alqynbaı jetkenderdiń qatarynda kentaýlyq Ysqaq Jumashev qarııanyń otbasy bas júldeni jeńip aldy.
Qazylar alqasynyń quramynda boldyq. Usynylǵan úmitkerlerge taldaý jasap, óz upaılarymyzdy qoıdyq. Bir qyzyǵy sol, bas júlde men birinshi oryndarǵa baǵa berýde barlyq qazylardyń upaıy birdeı shyqty.
Nege Jumashevtar otbasy bas báıgege laıyq?!
Úmitkerlerdiń kórmesin aralap júrgenimizde bir kartına eriksiz nazar aýdartqan. Aıqara ashylǵan qaqpa aldynda erli-zaıypty tur. Orta jastaǵy jigit aǵasynyń eki qoly keýde tusyna jaıylyp, óńinde tańdanys pen sharasyzdyq baıqalady. Qosaǵy belin búgip jerden áldeneni alǵaly jatyr.
Iá, alǵaly. Shaqalaqty. Jaıalyqqa oralǵan, óz kókek anasynyń óz baýyr eti balasynan bas tartyp, ózge adamnyń esiginiń aldyna tastap ketkenin ázirge túısinbeıtin shaqalaq.
Sýretshi bul oqıǵany oıdan alǵan joq. Portrette beınelengen er adam Ysqaq Jumashev, qosaǵy Gúljahan Kerimbaıqyzy bolatyn. Búginde seksendi alqymdaǵan Ysqaq aǵamyz da, Gúljahan apamyzdyń da mamandyǵy dáriger bolǵan.
Táýelsizdiktiń alǵashqy jyldarynda turmys-taýqymettiń qıyndyǵyna shydamaǵandar nárestelerin balalar úıine ótkize bastady. Memlekettik mekeme balanyń keregin túgendegenimen, ata-ananyń aıaly alaqanynyń ornyn basa almaıdy. Osynyń bárin júrek eleginen ótkizgen Ysqaqovtar «ArNur» atty otbasylyq balalar úıin ashqan. Sol kezde osy otbasy 13 tastandy sábıdi qabyldaǵan. Onyń segizi besiktegi shaqalaqtar bolsa, qalǵany jasqa tolmaǵan búldirshinder edi.
Kókek degen aılaker qus ózi týǵan jumyrtqasyn basyp, balapan ashýdyń qıyndyǵyn aýyrsynyp, ózge uıaǵa tastap ketedi eken. О́z sábıinen bas tartqandardy «kókek analar» deıtin sebep osy. Alaıda, bárin birdeı bezbúırek deýge kelmes, jaǵdaıy ońalǵannan keıin sábıin qaıta áketkender de barshylyq.
«ArNur» balalar úıinen ketkisi kelmeıtinder de bar eken. Sonyń biri qarasań kóz toımaıtyndaı ásem qyz bala oıyn bylaı tolǵaıdy. «Anam keldi. Biraq oǵan degen kóńilim qaraıyńqyrap qalǵan eken. Es bilgenimde ózimniń tastandy ekenimdi bilip, týǵan anamdy kún sanap kútken edim. Eshteńeden tarlyq kórmedik, biraq anam barlyǵynan artyǵyraq kórinetin. Qatty saǵynatynmyn. Biraq ol kelgende mendegi saǵynysh sarqylyp bitken edi. Týǵan anam qansha qushaqtap, qansha aımalaǵanymen, qansha keshirim suraǵynymen meniń júregimdegi muzdy erite almady. Meniń aldymda bóten adam turdy. Men onyń qyzy emes, Ysqaq atam men Gúljahan apamnyń týǵan qyzy ekendigimdi sol sátte sezindim».
Qabyldaýǵa aýyr bolǵanmen, shyndyq osylaı shyryldaıdy.
Ondaǵan jetim balalardy qatarǵa qosqan, olardy óz balalarynan esh kem kórmeı aıalap ósirgen, jan jylýyn aıamaǵan Ysqaq Jumashev otbasynyń ónegeli «Altyn Shańyraq» otbasy baıqaýynda bas báıgeni qanjyǵaǵa bókterýiniń, qazylar alqasynyń biraýyzdy bolýynyń sebebi osy.
El bolǵan soń teli men tentekter bolady. Talapkerlerdiń ishinde «Men nege báıge almadym» dep talaǵy tars aıyrylyp júrgenniń adamı qundylyqtardyń qadirin bilerine kúmándanasyń. Bir mezgilde segiz besik terbetken Gúljahan ananyń qasıeti «Bala – tapqandyki emes, baqqandyki» degen ata-baba ósıetin eske salatyndaı.
Búginde seksenniń seńgirine shyqqan Ysqaq aqsaqal eshkimge qol jaımaı tabys tabýdyń da úlgisin kórsetip otyr. 2012 jyly bes or qoıan asyraǵan qarııa búginde olardyń sanynan shatysady. Eti dárýmen qoıan degenińiz óte ósimtal. Baby kelisse kójekti úıip tastaıdy. Etiniń kelisi myń teńgege tartatynyn eskerseńiz, Jumashevtar otbasylyq bıýdjetiniń qanshalyqty ekendigin shamalaı berińiz. Úlpildegen qoıan terisi de bir qystyqqa ábden jaraıdy. Jańa jobalarǵa bólinetin memlekettik granttan 2 mln. teńge qaıtarymsyz qarjy alǵan Ysqaq aqsaqal teri ıleıtin sehyn iske qosyp jatyr. Dızaıner-tiginshi de óz úıinen shyqty. Balalarynan bólek, nemereleri qoıan baǵýdyń tájirıbesine jetik.
Kásipkerlerge qyzmet kórsetý ortalyǵynda oqyp, qoıan ósirýdi qolǵa alǵan qarııanyń isi tepse temir úzetin, alaıda, «jumys joq» dep júnjip júretin jastarǵa úlgi bolsa eken dep tiledik.
Ankaradan kelgen bir kásipkerdiń «Túrkııada bes saýyn sıyryń bolsa, sen – mıllıonersiń» degenin estigen edik. Mal – baqqanǵa bitedi. Al otbasy baqyty men jeke bıznesti úılestirgen Ysqaqovtar otbasy kedeıshilik degendi túsinbeıdi.
Baqtııar TAIJAN,
«Egemen Qazaqstan».
Ońtústik Qazaqstan oblysy.
Sońǵy jańalyqtar
Pedagogterdi attestasııalaý júıesi jańartylady
Bilim • Keshe
Atyraý oblysynda jer ýchaskeleri memleketke qaıtaryldy
Aımaqtar • Keshe
Atom energetıkasy salasy: Uzaq merzimdi baǵdar aıqyndaldy
Energetıka • Keshe
Japonııada 7,7 baldyq jer silkinisi tirkeldi
Tabıǵat • Keshe
