Elbasy «Birikken kúres álemi» federasııasynyń prezıdentin qabyldady

ASTANA. 18 naýryz. Elbasy «Birikken kúres álemi» halyqaralyq federasııasynyń prezıdenti Nenad Lalovıchti qabyldady. Bul týraly akorda.kz habarlady. Memleket basshysy kúres túrleri boıynsha Azııanyń Olımpıadalyq biliktilik týrnırin ótkizý maqsatymen Astanaǵa kelgen Nenad Lalovıchtiń saparyna rızashylyq bildirdi. «Kúres – qazaqtar úshin tarıhı sport túri. Bizdiń elde ejelden-aq balýandar kúresinsiz birde bir mereke ótpegen. Búginde memleket sporttyń osy túrin jastar arasynda tanymal etý úshin zor kúsh-jiger jumsap otyr, sonyń arqasynda Qazaqstan halyqaralyq arenada joǵary nátıjelerge qol jetkizdi», – dedi Nursultan Nazarbaev. «Birikken kúres álemi» halyqaralyq federasııasynyń prezıdenti Astanada ótetin týrnırdi uıymdastyrýǵa qoldaý kórsetilgeni úshin alǵys aıtty. Sondaı-aq, kezdesý barysynda Nenad Lalovıch Nursultan Nazarbaevqa «Birikken kúres álemi» halyqaralyq federasııasynyń qurmet ordenin tapsyrdy. Elaman Qońyr. Derek, sýret: akorda.kz.