Reseı prezıdentiniń baspasóz hatshysy Dmıtrıı Peskov Sırııada qaza tapqan reseılik áskerılerdiń sany týraly aıtýdy jón kórmedi. «Men bul suraqqa jaýap bermesem deımin. Sizderge mundaı saýaldy qorǵanys mınıstrligine qoıýdy usynamyn», – dedi ol.
Peskov, sondaı-aq, 17 naýryzda Kremlde áskerılermen kezdesken kezinde prezıdent Vladımır Pýtın Sırııada qaza tapqan 4 ofıserdiń atyn atady. Olardyń aty-jónderi belgili, ózgeler týraly eshteńe aıtylǵan joq», – dep atap ótti ol. Al qazirgi tańda Sırııada 5 reseıliktiń qaza tapqany belgili. Biraq resmı túrde olardyń tórteýiniń ǵana attary atalyp otyr.
Trampty kóp el halqy jaqtyrmaıdy
AQSh prezıdenttigine kandıdat mıllıarder Donald Tramp «Feısbýk» áleýmettik jelisiniń tarıhynda eń kóp qaıta jarııalaýlarǵa ıe bolǵan. 4 kún ishinde mátinge qatysty mıllıonnan astam paıdalanýshy pikir bildirgen. Hattardyń astyna olar shamamen 65 myńdaı pikir jazypty.
Mıllıarderdi synǵa alǵan post Humans of New York fotoblogynyń paraqshasynda jaryq kórgen. Joba avtory Brendon Stenton sońǵy 2 jylda ol kóptegen Irannan, Irak pen Pákistannan shyqqandarmen suhbat júrgizgenin jáne kóptegen musylman bosqyndarmen kezdeskenin jazypty. Avtordyń pikirinshe, bul oǵan álemdegi eń jaǵymsyz jáne jekkórinishti adam Tramp dep qorytyndy shyǵarýǵa múmkindik beredi.
Saýd Arabııasy munaıdan bas tartpaq
Saýd Arabııasynyń ókimeti basty tabys kózi jáne energııamen qamtamasyz etý resýrsy retindegi munaıdan bas tartpaq pıǵylda. Bul týraly osy eldiń munaı mınıstri Álı ál-Naımı Bloomberg agenttigine habarlaǵan.
Koroldik energııanyń jańǵyrmaly kózderine baǵyt ustanýǵa nıetti. Men jańǵyrmaly energııa úshin Saýd Arabııasynan artyq el bar dep oılamaımyn, dep málimdegen mınıstr. Ol óz pikirin Koroldiktegi jarqyrap turatyn kúnniń kózimen, paıdalanylmaı jatqan aýqymdy aýmaqtarmen, sondaı-aq, qumnyń kóptigimen túsindirgen. Osynyń bári kún elektr stansalaryn salý úshin óte qajet. Sonymen berge, Naımı elderdiń taıaýdaǵy 50 jyldyń ishinde munaıdan basybútin bas tarta qoıatynyna da onsha senbeıdi. Sóz retinde Saýd Arabııasynyń óz ekonomıkasyn ártaraptandyryp, munaı eksportynan táýeldilikti tómendetý týraly alǵash ret málimdep otyrmaǵanyn da aıta ketý qajet.
Qysqa qaıyryp aıtqanda:
- Polıseıler AQSh-tyń Kalıfornııa shtatynda saýsaǵyn shoshaıtqan adamdy atyp tastaǵan. «Ol bizge qarý jumsaıtyn sekildi kórindi. Sondyqtan onyń aldyn orap, birinshi bolyp oq jumsaýdy jón kórdik» – deıdi polıseıler. Al atyp óltirilgen adamnyń keıin saýsaq shoshaıtqany ǵana belgili bolyp otyr. О́ıtkeni, odan qarý tabylmaǵan.
- Reseıdiń Dondaǵy Rostov qalasynyń Pervomaı aýdandyq soty jergilikti týrıstik fırmany Túrkııaǵa joldamalar satýdy toqtatýǵa mindettegen. Túrkııaǵa qatysty sanksııa týraly jarlyqqa Reseı prezıdenti V.Pýtın ótken jyldyń 28 qarashasynda qol qoıǵany belgili.
- Ulybrıtanııada temir dáýirinde ómir súrgen 75 jaýyngerdiń qorymy tabylǵan. Olardyń arasynda osydan 2,5 myń jyl buryn jerlengen áskerı kósem de bar kórinedi. Bul oqıǵa sońǵy onjyldyqtardaǵy asa uly jańalyq dep baǵalanyp otyr. Al kósemniń jasy shamamen 17 men 23-tiń aralyǵynda eken.
- Reseıde Bashqurtstannyń astanasy – Ýfa qalasynan Ekaterınbýrgke 20 tonna araq ákelýge tıisti bolǵan alys qashyqtyqqa júk kóligin júrgizýshi joǵalyp ketken. 54 jastaǵy Iýrıı Ojerelev baılanysqa 4 naýryzdan beri shyqpapty.
Beseský Moldavııa azamattyǵyn almaqshy
Rýmynııanyń burynǵy prezıdenti Traıan Beseský Moldavııa azamattyǵyn alý úshin qujattaryn ótkizgen. Bul týraly keshe «Moldavan bıznesi» basylymy jarııalady. Atalǵan saıasatker men onyń zaıyby Marııa ótinishterin Moldavııa prezıdenti Nıkolaı Tımoftıdiń atyna joldasa kerek.
Basylymnyń derekterine qaraǵanda, bul aqparatty Moldavııa prezıdentiniń baspasóz qyzmeti qýattaǵan. Osy naýryz aıynyń basynda Rýmynııanyń burynǵy prezıdenti Moldavııanyń Rýmynııamen birigýi tıistigi jóninde másele kótergen edi. Onyń sózine qaraǵanda, bulaı jasalmaǵan jaǵdaıda Moldavııa Eýroodaq pen NATO-ǵa múshelikke ótý múmkindikterinen aıyrylady.
Jırınovskııdiń túsiniksiz ustanymy
Reseı lıberal-demokratııalyq partııasynyń serkesi, atyshýly Vladımır Jırınovskıı ajyrasý áreketimen júrgen depýtattardy jer-kókke syıǵyzbaı maqtady. Onyń pikirinshe, ajyrasqannan keıin áıeldiń rólin parlamenttegi jumys atqaratyn bolady.
Reseı Memlekettik dýmasy jumys ornyna kelmegen depýtattardy mandatynan aıyrý týraly zań jobasyn qaraǵan kezde jumys ornynda halyq qalaýlylarynyń úshten ekisi bolmaı shyqqan. Degenmen, zań jobasy birinshi oqylymda qabyldanypty. Al V.Jırınovskıı áıeldi jumys almastyrady dep depýtattardyń osyndaı jaýapsyzdyǵynan keıin aıtyp otyr.
Naǵyz «ilkimdilik» dep osyny aıt
Ispanııa polısııasy Pıneda-de-Mar qalasynda paıdalanylýdan qalǵan qonaqúıde kóknár ósirýmen aınalysqan eki reseılik áıeldi tutqynǵa aldy. Plantasııa Jerorta teńiziniń jaǵalaýynda, Barselonadan shamamen 60
shaqyrym jerde ornalasqan eski qonaqúıdiń bes qabatynyń úsh qabatyn alyp jatsa kerek.
Reseılik áıeldermen qatar, taǵy eki er adam – Ispanııa azamattary qamalǵan. Olar kórshiles Blanes jáne Loret-de-Mar qalalarynyń turǵyndary eken. Operasııa barysynda quny shamamen 60 myń eýro turatyn 2,5 myńǵa jýyq kóknár túbiri tárkilengen. Al ustalǵandarǵa qandaı jaza qoldanylatyny týraly naqty eshteńe aıtylmaıdy.
Internet materıaldary negizinde ázirlendi.
