Salalyq jármeńke bos jumys oryndaryn usyndy

Qazirgi kezde, ásirese, jas­tar jumys tabý oraıynda qıyn­shy­lyqtarǵa kezdesip jatatyny bar. Mamandarǵa jumys berýshiler tarapynan barǵan saıyn jańa talaptar qoıylýda. Atap aıtqanda, básekege qabilettilik, kásibılik, eńbek ujymyna beıimdele bilý, aınalasyndaǵy adamdarmen til tabysýy jáne basqa qabilet-qasıetter jumys izdeýshige aýadaı qajet ekendigi jasyryn emes. Sondyqtan, túlekterdiń eńbekke ornalasý problemasy óte ózekti bola túsýde. Joǵary oqý oryndarynyń stýdentteri men bitirýshileri úshin bos jumys oryndarynyń jár­meńkelerin uıymdastyryp ótkizý osy máseleniń ońynan sheshilýine kómektesip te júr. Jaqynda «Qazaqstan-2020: bolashaqqa jol» jastar saıasaty aıasynda L.N.Gýmılev atyndaǵy Eýrazııa ulttyq ýnıversıtetinde tehnıkalyq saladaǵy bos jumys oryndarynyń jármeńkesi bolyp ótti. Jármeńkeni Astana qalasy ákimdiginiń «Astana jastary» kommýnaldyq memlekettik mekemesi uıymdastyrdy. Atalmysh jármeńkede talapta­nýshylarǵa jumys oryndarynyń 200-den astam vakansııasy usy­nyldy. Jumys berýshiler izdený­shi­lerge bos jumys oryndary jaıyn­da jan-jaqty málimetter berip, ol jumystyń erekshelikteri men sharttaryna nazar aýdardy, ózderiniń mekemeleri týraly áńgimeledi. Jármeńke beıresmı dostyq ráýishtegi jyly shyraıly jaǵ­daıda ótti. Árbir izdenýshi ózin qyzyqtyrǵan suraǵyna tolyq jaýap alyp, óziniń eńbekke ornalasý ornyn qalaýynsha tańdaý múmkindigine ıe boldy. Izdenýshiler úshin – laıyqty jumys tabýǵa, al mekemelerdiń ókil­derine – bilikti kadrlar tań­daýǵa kómektesetin osyn­daı jár­­meńkelerdiń mańyzy zor eken­digin atap ótýimiz kerek. Bul jár­meńkege 42 kásiporynnyń ókilderi qatysty. Nazar QASYM.