Júzdesýler men áńgimelesýler

Keshe Qazaqstan Respýblıkasy Ortalyq saılaý komıs­sııasynyń tóraǵasy Q.Turǵanqulov Shanhaı yntymaqtastyq uıymy Baıqaýshylar mıssııasynyń basshysy A. Nosırovpen kezdesti. Kezdesýge, sondaı-aq, Shanhaı yntymaqtastyq uıymy Hatshylyǵynyń bas sarapshysy M.Aseıınov qatysty. Kezdesý barysynda Ortsaı­laýkom tóraǵasy mıssııa basshysyn Ortalyq saılaý komıssııasynyń Qazaqstan Respýblıkasy Parlamenti Májilisiniń depýtattaryn jáne máslıhattarynyń depýtattaryn saılaýdy ázirleý men jumysymen tolyq tanystyrdy. «Elektorattyq naýqan kezeńderi zańnamada kózdelgen tártipte ótýde. 18 naýryz kúni saǵ.24:00-de saıa­sı partııalar men máslıhattar depýtattyǵyna kandıdattardyń saılaý aldyndaǵy úgiti aıaqtalady. BAQ-qa monıtorıngtiń aldyn ala qorytyndylary kórsetkendeı, tutas alǵanda, biz saılaýǵa qaty­sýshy saıası partııalardyń barly­ǵyna buqaralyq aqparat qural­daryna teń qol jetkizýin qamta­masyz ete aldyq. Keshe Ortalyq saılaý komıssııasy bekitken reg­l­amentke sáıkes alty saıası partııa teledıdarlyq pikirsaıysqa qatysty. Úgit jumysynyń mundaı nysany saılaý týraly zańda kózdelgen», – dep atap kórsetti Q.Turǵanqulov. Qazaqstan Respýblıkasy Parlamenti Májilisiniń depýtattaryn saılaýdy baıqaý boıynsha ShYU Mıssııasynyń basshysy ShYU Mıssııasy osy uıymnyń bedeldi múshesi bolyp tabylatyn Qazaqstandaǵy saılaýǵa monıtorıng júrgizýge belsendi qatysýǵa nıet bildirdi. A.Nosırov, sondaı-aq, saılaýdy uıymdastyrý deńgeıine jáne qazaqstandyq BAQ-tardyń saılaý naýqany kezindegi qyzmetine baǵa berdi. «Biz daıyndyq rásimderiniń mańyzdylyǵy men muqııattylyǵyn atap óttik. Bizdiń mıssııa saılaýdy baıqaýdy qazaqstandyq zańnama sheńberinde jáne halyqaralyq ólshemder negizinde júrgizedi», – dedi ol kezdesý sońynda jáne Ortalyq saılaý komıssııasy men Qazaqstandaǵy saılaýdy uıymdastyrýshylardyń barlyǵyna sáttilik tiledi.