Elden jyraq júrse de

Malaızııada oqyp júrgen qazaqstandyq jastardyń qaýymdastyq quryp, qazaq gazetin shyǵaryp otyrǵanyna súısinesiń Búgingi kúni Malaızııa memleketi Ońtústik-Shyǵys Azııa aıma­ǵyn­daǵy ekonomıkasy, mádenıeti, bilim berý salasy, týrızmi, aq­pa­rattyq jáne ınnovasııalyq teh­no­logııasy órkenıet úrdisine saı jaqsy damyǵan, elektrondyq úki­met baǵdarlamasy tolyq múm­kin­di­ginde jumys istep jatqan qýat­ty elderdiń qataryna ja­tady. Son­dyqtan da bizdiń elimizdiń syrt­qy saıası jáne basqa da ma­ńyzdy úılestirý júıesinde Malaızııa ózindik orny bar memleket bolyp tabylady desek qazirgi ýa­qytta bizdiń elimiz ben Malaızııa arasynda saıası, mádenı-eko­no­mı­kalyq baılanystardyń bet alysy kúnnen-kúnge jaqsy úrdispen da­myp keledi. Sonyń bir dáleli retinde atalmysh eldiń joǵary oqý oryndarynda oqıtyn qazaq­stan­dyq stýdentterdiń sany myńnan asyp ketkenin maqtanyshpen aı­týǵa bolady. Jýyrda osy elde bilim alyp jat­qan elimizdiń jastary Qa­zaq­stan stýdentteriniń Malaı­zııa­da­ǵy qa­ýym­dastyǵyn qurdy. Qa­ýym­das­tyqtyń prezıdenti bolyp HELP ýnıversıtetiniń bıznesti bas­qarý magıstri Abzal Ospanov saılandy. Qaýymdastyqtyń qu­ry­lýyndaǵy ne­gizgi maqsat – stýdentter arasynda aýyzbirlik pen yntymaqtastyqty qalyptastyrý arqyly olardy eki el arasynda bolyp jatqan barlyq qoǵamdyq-mádenı sharalarǵa belsene qa­tys­tyrý, jaǵdaıy qıyn stýdentterge kómek kórsetý, hal­qy­myzdyń má­de­nıeti men salt-dás­túrin álemge tanytý, boılaryna otansúıgishtik qasıetti sińirý, eki eldiń ara­syn­daǵy ózara  baılanysqa  dáneker bolý. Qaýymdastyq qurylǵan az ǵa­na ýaqyttyń ishinde birneshe qo­ǵam­dyq-saıası mańyzy bar sha­ra­lardy uıymdastyryp úlgerdi. Atap aıt­saq, stýdentterdiń aýyz­bir­­liginiń arqasynda Qazaqstan Res­pýb­lı­kasynyń Malaızııadaǵy elshi­li­giniń qoldaýymen Táýel­siz­dik kúni saltanatty túrde atalyp ótildi. Sondaı-aq Ramazan aıynda 400-ge jýyq adamǵa konserttik baǵdar­lamamen qosa aýyzashar berildi. Buǵan qosa ótken jyldyń qazan aıynda «Sports Planet Subang Grang» sport kesheninde Malaı­zııanyń joǵary oqý oryn­darynda oqıtyn qazaq­standyq stýdentter fýtboldan on úsh komanda quryp, ózara jarys ót­kizdi. Jarysta jeńimpaz bolǵan ko­mandaǵa ja­ńadan shańyraq kó­ter­gen qaýym­dastyqtyń atynan kýbok jáne aqshalaı syıaqy berildi. Eń bastysy, jýyrda qaýym­das­tyqtyń muryndyq bolýymen qazaq-aǵylshyn tilinde on alty bet bolyp «MýKaz» gazeti jaryq kórdi. Redaktory – HELP ýnı­ver­sıtetiniń bıznesti basqarý magıstri Tilek Temirbekov. Gazettiń atynyń ózi aǵylshyn tilinen aý­dar­ǵanda «Malaızııa – Qazaqstan» nemese «Meniń Qazaqstanym» degen eki túrli maǵynany bildiredi. Malaızııadaǵy stýdentter qa­ýym­dastyǵynyń demeýshileriniń biri – Almaty qalasynda jaqyn arada shańyraq kótergen jaýapkershiligi shekteýli «KMV Group» seriktestigi bolyp tabylady. Seriktestik qyzmetiniń bir tarmaǵy Malaızııa memleketiniń joǵarǵy oqý oryndarymen jáne ondaǵy qazaq stýdentteriniń qaýymdas­ty­ǵymen tikeleı baılanysty. So­ny­men qatar seriktestik qyz­metkerleri boıaýy keppegen jańa gazettiń Qazaqstanda taralýyna da atsalysady. Gazet túrli-tústi boıaýmen, sa­paly qaǵazben jáne tartymdy maqalalar berý arqyly búgingi kún talabyna saı bezendirilgen. Ga­zettiń negizgi avtorlary – sol eldiń ártúrli oqý ordalarynda bilimin jetildirip jatqan óz jerlesterimiz. Atalmysh gazet Qa­zaq­stan Respýblıkasynyń Malaı­zııa­daǵy Tótenshe jáne ókiletti elshisi Beıbit Atamqulov jáne Malaızııanyń basqa da joǵary oqý oryndary basshylary tara­py­nan joǵary baǵa aldy. Osylaısha, atalmysh gazetpen tyǵyz baılanysta jumys isteýge nıet bildirgen joǵary oqý oryn­darynyń sany da, jarnama berýge yqylas tanytqan azamattardyń qarasy da kóbeıip keledi. Sondaı-aq gazette jarııalanǵan maqa­la­larda egemendi el retindegi ult­tyq bet-beınemizdi jáne elimizdiń jetistigin tanytýǵa basty nazar aýdarylyp otyrady. Bul gazetti álemniń ár túpkirinen kelip oqı­tyn basqa elderdiń stýdentteri de kórip, onda aǵylshyn tilinde jazylǵan materıaldardy oqyp, qazaq jastarynyń aýyzbir­lik­te­ri­ne tań qalyp, jaqsy pikir aıtyp jatqandary da jeterlik. Osy oraıda aıta ketetin bir jáıt, osy gazet arqyly búkil álem jastary qazaq degen qonaq­jaı halyqtyń jáne bizdiń egemendi elimizdiń jarqyn kelbetin jete tanı tústi, Qazaqstanǵa degen qyzyǵýshylyqtary da arta bastady dese de bolady. Jýyrda ga­zettiń úshinshi nómiri on myń danamen jaryq kórdi. Ol Malaı­zııa­nyń barlyq joǵary oqý oryn­darynda jáne óz elimizde tara­tyl­dy. Osyndaıda, rızashylyq sezimmen: «Iske sát, elin súıgen azamattar» degiń keledi. Merýert NURAHMET, Malaızııadaǵy «Limkokwing» ýnıversıteti magıstratýrasynyń túlegi, «KMV Group» jaýapkershiligi shekteýli seriktestiginiń dırektory.