ASTANA. 20 naýryz. Búgin Parlament Májilisi men máslıhattar depýtattyǵyna merziminen buryn ótip jatqan saılaýda Qarýly Kúshteriniń barlyq áskerı qyzmetshileri tańǵy saǵat 7-den bastap ashyq jáne jabyq saılaý ýchaskelerinde daýys berdi. Bul týraly egemen.kz tilshisi habarlady.
Bıylǵy jyly barlyq áskerı qyzmetshiler daýys berýge alǵash ret áskerı kıimmen bardy.
Tańsáriden bastap QR QK Qurlyq áskerleriniń bas qolbasshysy general-leıtenant Murat Maıkeev, Áskerı-teńiz kúshteriniń bas qolbasshysy kontr-admıral Jandarbek Janzaqov jáne Áýe qorǵanysy kúshteriniń bas qolbasshysy avıasııa general-maıory Nurlan Ormanbetov saılaý ýchaskelerinde óz tańdaýlaryn jasap, daýys berdi.
Áskerı bólimder men mekemelerdiń aýmaqtarynda 20 saılaý ýchaskesi quryldy.
Kezekten tys saılaýda daýys berýge QR Qarýly Kúshteriniń ókilderi men olardyń otbasy músheleri qatysýda. Olardyń arasynda Qorǵanys mınıstrligi, Bas shtaby men QR Qarýly Kúshter qurylymdyq bólimsheleriniń, ortalyq baǵynystaǵy bólimder men mekemelerdiń, QR QK Qurlyq áskerleri, Áýe qorǵanysy kúshteri, Áskerı-teńiz kúshteri áskerı bólimderiniń, áskerı oqý oryndary men jergilikti áskerı basqarý organdarynyń áskerı qyzmetshileri bar.
Dastan Kenjalın.
Derek, sýret: Qorǵanys mınıstrligi.
