«Astana» syrt alańda «Ordabasy» komandasyn jeńdi

ASTANA. 20 naýryz. Búgin Qazaqstan premer-lıgasynyń 2-týry sheńberinde eki oıyn oınaldy. Bul týraly egemen.kz tilshisi habarlady. «Ordabasy» (Shymkent) – «Astana» (Astana) 1:3 Goldar: Edın Iýnýzovıch 15 – Djordje Despotovıch 10, Aleksandr Sımchevıch 43 (avtogol), Marın Anıchıch 45 «Astana» qatarynan ekinshi oıynda jeńiske jetti. Elordalyqtar alǵashqy 45 mınýtta-aq matchtyń taǵdyryn sheship qoıdy. «Ordabasyǵa» qarsy ótkizgen kezdesýde komanda sapyna jańadan qosylǵan Djordje Despotovıch bir gol soǵyp, esep ashsa, araǵa birneshe mınýt salyp, alań ıelerinen Edın Iýnýzovıch tarazy basyn teńestirdi. Alaıda, alǵashqy taımnyń bitýine eki mınýt qalǵanda, qorǵaýshy Aleksandr Sımchevıch óz qaqpasyna gol soǵyp aldy. Taǵy eki mınýttan keıin «Astana» oıynshylary alań ıeleriniń qaqpasyna úshinshi dopty soqty. Goldyń avtory – Marın Anıchıch . «Shahter» (Qaraǵandy) – «Jetisý» (Taldyqorǵan) 0:0 Ekinshi kezdesý Temirtaý qalasynda ótti. Qarsylastar qansha shabýyldasa da bul oıynda esep ashylmady. Nátıjesinde «Shahter» bıylǵy maýsymdaǵy alǵashqy upaıyna qol jetkizdi. Ázirge eki týrdyń qorytyndysy boıynsha kósh basynda 6 upaımen Pavlodardyń «Ertisi» keledi. Dál sondaı upaıy bar «Astana» dop aıyrmasymen ǵana atalǵan komandany alǵa jiberip, ekinshi satyǵa taban tiredi. Úzdik úshtikti 4 upaıy bar «Taraz» túıindep tur. Aıta keteıik, úshinshi týrdyń kezdesýleri 2-3 sáýir kúnderi ótedi. Ol oıyndarda myna komandalar kezdesedi: 2 sáýir «Jetisý» (Taldyqorǵan) – «Ordabasy» (Shymkent) «Ertis» (Pavlodar) – «Atyraý» (Atyraý) «Astana» (Astana) – «Aqtóbe» (Aqtóbe) 3 sáýir «Aqjaıyq» (Oral) – «Qaırat» (Almaty) «Taraz» (Taraz) – «Oqjetpes» (Kókshetaý) «Tobyl» (Qostanaı) – «Shahter» (Qaraǵandy) Aıan Ábdýálı. Derek: egemen.kz. Sýret: vk.com.