Ystambulda otandastarymyz daýys berýde belsendilik tanytty

ASTANA. 20 naýryz. Túrkııadaǵy saılaý ýchaskelerinde daýys berýshilerdiń 70 paıyzy daýys berdi. Bul týraly 24.kz-ke silteme jasaǵan egemen.kz tilshisi habarlady. Ystambuldaǵy №205-shi saılaý bóimshesine 575 azamat tirkelgen. Olardyń basym bóligi joǵary oqý ornynyń stýdentteri. Sondaı-aq, Túrkııada saparmen júrgen otandastarymyz ben konsýldyq qyzmetkerleri jáne olardyń otbasy músheleri Ata Zańda belgilengen quqyqtaryn paıdalanyp, óz daýystaryn berdi. Túrkııadaǵy qazaqstandyqtar úshin Ankara, Ystambul men Antalıa qalalarynda 3 saılaý ýchaskesi jumys isteıdi. Qazaqstannyń Túrkııadaǵy elshiligi taratqan málimetke sáıkes, bıylǵy Parlament Májilisi depýtattarynyń saılaýyna daýys berýge 1 myń 313 otandasymyz tirkelgen. Bul kúnderi Ystambulda saılaýshylardyń júrip-turýy úshin arnaıy avtobýs jumyldyryldy. Sondaı-aq Ankara men Ystambuldaǵy sońǵy lańkestik oqıǵalarǵa baılanysty saılaý bólimshelerinde qaýipsizdik sharalary erekshe qadaǵalanýda. «Saılaýǵa Ystambulda ekinshi ret qatysyp turmyn. Qazaqstanymyzdyń bolashaǵy ádiletti ári turaqtylyǵy úshin daýys berýdemiz. Sebebi, bul saılaý jastarǵa da óte mańyzdy. Keleshegimizdi ózimiz belgileý úshin barlyǵymyz túgeldeı qatysýdamyz», – dedi Túrkııadaǵy qazaqstandyq stýdentter qaýymdastyǵynyń tóraǵasy Erkeǵalı Eltaı. «Ystambul qalasyndaǵy №205 saılaý ýchaskesinde belsendilik óte joǵary dep aıtýǵa bolady. Qazirgi tańda tizimdegi saılaýshylardyń 70%-y kelip óz daýystaryn berdi. Jalpy Bas konsýldyq tarapynan saılaýshylar úshin barlyq jaǵdaı jasalyndy», – deıdi Ystambul qalasyndaǵy №205 saılaý ýchaskesi komıssııasynyń hatshysy Maqsat О́tenov. Aıan Ábdýálı. Derek, sýret: 24.kz.