Saıt sózi

Baýyrjan TО́LEGENOV, «Sayasat.org» ınternet basylymynyń shef-redaktory: – Saıası partııalardyń árqaısysy ózderiniń saılaý aldyndaǵy úgit-nasıhat jumystarynda túrli ádisterdi qoldandy. Endi búgin, qoryta aıtatyn bolsaq, eń aldymen áleýmettik jeliler belsendi paıdalanyldy. Sondaı-aq, árbir partııa tek qana ortalyqta ǵana emes, aımaqtarda da jumys istep, el azamattaryna óz baǵdarlamalaryn túsindirýge barynsha tyrysty. Erlan SAIROV, Mádenı damý ınstıtýtynyń dırektory: – Saılaý naýqanyn saraptaý arqyly biraz nátıjege kóz jetkizýge bolady. Birinshiden, partııalardyń barlyǵy óziniń saılaýaldy baǵdarlamasyn elektoratqa jetkize bildi. Ekinshiden, partııalardyń barlyǵy saılaý quqyǵy aıasynda jumys istedi. Úshinshiden, saılaýaldy naýqany bitken kúni búkil partııa saıttaryn óshirdi. Osynyń barlyǵy saılaýda partııalardyń belsendiligin arttyryp, olardyń saıası mádenıetiniń ósip kele jatqandyǵyn kórsetedi. Botagóz RAQYShEVA, «Qoǵamdyq pikir» zertteý ınstıtýtynyń dırektory: – Saıası partııalar turǵyndardy árdaıym aqparatpen qamtamasyz etip otyrdy. Barlyǵynyń múmkindikteri teń bolǵandyǵyn atap ótý kerek. Partııalar tarapynan quqyq buzýshylyq bolmady. Jarqyn TÚSIPBEKULY, saıasattanýshy: – Barlyq saıası partııalar saılaýshylarmen dástúrli kezdesýlerden bólek, halyqtyń elektoratty belsendiligin arttyrý maqsatynda birneshe is-shara ótkizdi. Olardyń ishinde saılaý tehnologııasy boıynsha eń tanymal bolǵan sýretter baıqaýy men posterler konkýrsyn aıtýǵa bolady. Sondaı-aq, bizdegi saıası partııalardyń barlyǵy ınternet resýrstardy belsendi paıdalandy.