Zań buzýshylyq tirkelgen joq

Saılaý ýchaskelerin aralaý kezinde jaýapty naýqandy qadaǵalaýshylar qatarynan Saılaýdy baıqaý jónindegi respýblıkalyq qoǵamdyq komıssııanyń jergilikti ókilderin jıi ushyrattyq. Onyń sebebin bilý maqsatymen qurylymnyń Soltústik Qazaqstan oblysy boıynsha ortalyǵynyń tóraǵasy Sergeı HÝDIаKOVTY sózge tartqan edik. – Onyń eshqandaı qupııasy joq, – dep bastady sózin Sergeı Gerol­dovıch. – «Erte turǵan erkektiń yrysy artyq, erte turǵan áıeldiń bir isi artyq» demekshi, Par­lament Májilisi men jer­­gilikti máslıhattar saı­laýynyń elimizdiń jar­qyn keleshegi úshin mańyz­dylyǵyn se­zin­gen qoǵamdyq qada­ǵa­laý­shylar tas-túıin ázirlikpen kelip, quramyna bilikti de bilimdi, saıa­sı, quqyqtyq jaǵynan saýatty 600-ge jýyq adam tartyldy. Aralarynda jastar kóp. Semı­narlarda qosymsha bilim berý mindetteri júktelip, ná­tıjesinde saıası naýqandy bastan-aıaq bilgirlikpen atqara biletin kásibı mamandar shoǵyry daıyndaldy. Ol úshin oblystyq, aýdandyq, qalalyq máslıhattarǵa – 615, saıası partııalar atynan – 214 , ózin-ózi usyný jolymen 401 úmitkerdiń tirkelgeni, olardyń arasynan 217 adamnyń ǵana elekten ótkendeı depýtattyq mandat alatyny, tartys asa kúshti bolatyny aldyn ala boljanyp, saılaý, zań normalaryn jetik bilýleri, ara-jigi aıyryp túsindirildi. 15 aýmaqtyq, 217 okrýgtik, 697 ýchaskelik saılaý komıssııa­lary sheńberinde 391320 saılaýshy, onyń ishinde 146 myńnan astamy Petropavl qalasynda shoǵyrlanǵany eskerilip, negizgi kúsh-j­i­­­ger oblys ortalyǵyna ju­­myldyryldy. 929 saılaý komıssııalary qu­ramyndaǵy 6,5 myńǵa jýyq belsen­dilermen, sondaı-aq, saıa­sı partııalardyń se­nim­di ókilderimen, jas­tar uıymdarymen, qoǵamdyq birles­tiktermen tyǵyz qarym-qatynas ornata otyryp, bar nazar demokratııa qundylyqtaryn saqtaýǵa aýdaryldy. Budan tysqary, ár ýchaskede 50-den 2500-ge deıin, al orta eseppen alǵanda 560 saılaýshydan keletini de eskerilip, árkimniń óz mindetine jaýapkershiligi barynsha arttyryldy. Táýelsiz Memleketter Dostas­tyǵy atynan at izin salǵan (Reseı) 17 já­ne Danııadan /EQYU/ kelgen 1 baıqaý­shymen iskerlik baılanys ornatylyp, barlyq deńgeıdegi saılaý ýchaskelerine ókilderimiz jiberildi. Osylaısha, Qazaqstannyń saılaý júıesin jetildirýge barynsha kúsh sa­lynyp, saıası naýqanǵa ázirlik qaı­naǵan qyzý is ústinde synalyp, tań­daýdan qatelespegenimizdi kór­setti. Saılaý ýchaskelerinde oryn alǵan olqylyqtar tıisti oryndarǵa ile habarlanyp, olardyń tize qosýymen aldyn alý sharalary qoldanyldy. Aryz-shaǵymdar kóbine bir jerde turaqty tirkeýde alynyp, biraq basqa mekenjaıda turatyn azamattar tarapynan týyndaǵanyn aıtqan jón. Bul olqylyqtar je­ke tulǵalar kinásinen bolsa da, olar dereý túzetildi. Sóıtip, adamdardyń alańsyz tańdaý jasaýlaryna to­lyq múmkinshilik berildi. Den­saýlyǵy dimkás, júrip-turýy qıyn jandardyń úılerinde daýys berý jaıy da qadaǵalanyp, olarmen birge ókilderimiz ilesip júrdi. О́reskel zań buzýshylyq faktileri oryn alǵan joq. О́rkenıetke bet al­ǵan memlekette zań ústemdik qurady. Saılaýdy baıqaý jónindegi respýb­lıkalyq qoǵamdyq komıssııasy jer­gilikti fılıalynyń saılaýdyń ádil de joǵary deńgeıde ótýine úles qosqany tıisti oryndar tarapynan laıyqty baǵasyn alǵany qýantady. Eń bas­tysy, saılaýǵa qatysqan barlyq par­tııalarǵa teń múmkindik berildi. Parla­mentke isker, kásibı biliktiligi joǵa­ry adamdardyń kelýine bárimiz de tilek­tespiz. Jazyp alǵan О́mir ESQALI, «Egemen Qazaqstan». Soltústik Qazaqstan oblysy. Sýretti túsirgen Amangeldi BEKMURATOV.