Azamattyq belsendilik aıtarlyqtaı artty

Saılaýdy baıqaý jónindegi respýblıkalyq qoǵamdyq komıssııanyń Shyǵys Qazaqstan oblysy boıynsha óńirlik ortalyǵynyń jetekshisi Lıýdmıla GEISMANMEN áńgime. – Lıýdmıla Evaldovna, eli­miz úshin mańyzy zor saılaý barysyn qalaı baǵalar edińiz? – Biz – Saılaýdy baıqaý jónin­degi respýblıkalyq qoǵamdyq komıssııanyń óńirlik fılıalymyz. Bıyl bizdiń ortalyqta Shyǵys óńiri boıynsha 1004 táýelsiz baıqaýshy jumys istedi. Bul baıqaýshylar eshbir saıası partııa men kandıdattardyń múddesin qorǵamaıdy. Olar Qazaqstannyń ár azamatynyń quqyǵyn qamtamasyz etýge, saılaý naýqanynyń zańnamaǵa sáıkes ótýine qyzmet etedi. Májilis pen máslıhat saılaýynda óte aýqymdy jumys atqaryldy. О́ńirlik ortalyq baıqaýshylary óz jumystaryn tańǵy saǵat 6.00-de bastady. О́ıtkeni, daýy­s berý bastalǵanǵa deıin bıýl­letenderdi esepteýge jáne saılaý ýchaskeleriniń ashylýyna qatysýymyz kerek boldy. Al saǵat 7.00-de daýys berý bastalǵanda biz baqylaýǵa kóshtik. Táýelsiz baıqaýshylardyń málimeti boıyn­sha aıtar bolsaq, bıylǵy saılaý óńirimizde óte uıymdasqan deńgeıde ótti. Shyǵys óńiriniń halqy demokratııalyq úderiske barynsha jarqyn túrde qatysqanyn ańdaýǵa bolady. – Shyǵysqazaq­standyqtar daýys berýge qanshalyqty atsalysty? Qan­daı da bir zań buzý­shylyqtar baı­qal­dy ma? – Táýelsiz baı­qaý­­shyla­rymyzdyń 17.00-degi málimetine súıensek, oblys saı­laýshylarynyń 78-80 paıyzǵa jýyǵy daýys berdi. О́reskel zań buzýshylyqtar tirkelgen joq. Degenmen, baıqaý­shylarymyz keıbir ýchaskelerde quqyq buzý­shylyqtardyń aldyn aldy. Iаǵnı, jeke kýálik qujatynsyz kelgen daýys berýshi baıqaýshy men saılaý komıssııa­sy tóraǵasynyń qatysýymen toqtatylyp, qujatyn alyp kelýge jiberildi. Jáne arnaıy hattama toltyrylyp, azamattyń qujat arqyly daýys berýi qadaǵalandy. Biz osyndaı jaǵ­daılarǵa kezdesken baıqaýshylarǵa der kezinde keńes be­rip otyrdyq. Baı­qaýshylardyń saılaý ýchaskesinde daýys berý úderisi aıaq­talǵanǵa deıin otyryp, daýys nátıjesin sanaýǵa kýá bolýy mindettelgen. Sondaı-aq, saılaý ýchaskesiniń daýys berý qorytyndysy týraly hattamasynyń kóshirmesin alýy tıis. Iаǵnı, saılaý ýchaskesiniń jumysy aıaqtalǵanǵa deıin tolyǵymen qatysady. Bıylǵy saılaýda halyq­tyń orasan belsendiligin baıqadyq. Táýelsiz baıqaýshy joǵary deńgeıdegi azamattyq ustanymdardy anyqtaýymen erekshelenedi. Bul rette saıası nemese azamattyq turǵydan bolsyn, qazaqstandyq qoǵamnyń aıtarlyqtaı alǵa jyljyǵanyn aıtar edim. О́ıtkeni, kóptegen azamattar bizdiń óńirlik ortalyqqa kelip, táýelsiz baıqaýshy bolýǵa ynta bildirdi. Osylaısha, kon­s­­tıtýsııalyq quqyqqa qaıshy áre­ketterge tosqaýyl bolǵysy ke­letinin kórsetti. Sondaı-aq, dit­tegen údeden tabyla bildi. Áńgimelesken Dýman ANASh, «Egemen Qazaqstan». О́SKEMEN.