El senimine ıe naǵyz halyqtyq partııa

Keshe Ortalyq kommýnıkasııalar qyzmetinde Astana qalasy «Jasyl El» jastar eńbek jasaǵynyń basshysy Mereı Sháripbaev jalpyulttyq jastar qozǵalysy atynan Elbasy Nursultan Nazarbaevty jáne barsha qazaqstandyqtardy «Nur Otan» partııasynyń jeńisimen quttyqtaýyn jetkizdi. Bul rette, M.Sháripbaev Májilis jáne máslıhat depýtattaryn saılaýda № 24 saılaý ýchaskesiniń tóraǵasy mindetin atqarǵandyǵyn jáne de atalǵan mindettiń zor mártebe men jaýapkershilik júktegendigin tilge tıek ete ketti. «Osy jaýapkershilikti sezine otyryp, men tóraǵalyq etken saılaý ýchaskesinde daýys berý prosesi halyqaralyq jáne elimizdiń saılaý týraly normalaryna saı ótkenin nyq senimmen aıta alamyn. Saı­laý kezinde eshqandaı zań buzýshylyqtar tir­kel­gen joq. Baıqaýshylardyń óz jumysyn er­kin júrgizýine, daýys berý barysyn jiti qa­da­ǵalaýyna barlyq jaǵdaı jasaldy», dep atap ótti Mereı Erboluly. Ol, sonymen qatar saılaý ýchaskesinde bıýlletender sany daýys berýshilerdiń tizimine tolyq sáıkes kelgendigimen de bólisti. Saılaý jáshigi talapqa saı mórlenip, baıqaýshylar­dyń qadaǵalaýy úshin jáne azamattardyń daýys berýine yńǵaıly jerde ornalastyrylypty. Saılaý barysynda azamattardyń tańdaý qupııalyǵy qatań saqtalyp, olardyń óz úmitkerlerine erkin daýys berýine esh kedergi keltirilmegen. M.Sháripbaev teń básekede «Nur Otan» partııasynyń jeńiske jetýi onyń el senimine ıe naǵyz halyqtyq partııa ekenin kórsetkendigin alǵa tartty. Sondyqtan da ol halyqtyń senim mandatyna ıe bolyp, Parlamentke joldama alǵan ózge de partııa­lardy jetistikterimen quttyqtap, isterine sáttilik tiledi.