Bolashaq bastaýy

Búgingi tańda Qazaqstan halqy­nyń aldyna qoıǵan basty maqsaty álemdegi damyǵan otyz eldiń qata­­­­ry­na qosylý bolyp otyr. Bul tý­raly Elbasy Nursultan Nazar­­­baev burynnan aıtyp kele­di, al, «Ult Jospary – qazaq­stan­dyq armanǵa bastaıtyn jol» ma­qa­lasynda da keńinen toqtalyp ótti. Memleket basshysynyń aı­qyn­dap bergen árbir naqty tap­syr­masy barlyq salany qam­tı­dy. Máselen, ekonomıka, bilim, densaýlyq, mádenıet, qoǵam, sony­men qatar, saıası qarym-qaty­nas, memlekettik basqarý sa­la­laryna qatysty naqty qadam maqsatyn metallýrgter Prezı­dent­tiń tikeleı tapsyrmasy dep biledi. Áleýmettik salany damytý úshin ozyq úlgilerdi usyndy. Osynyń barlyǵy keleshek urpaq úshin jasalyp jatqany túsinikti. Jastar – óndirisimizdiń jar­qyn bolashaǵy, Otanymyz­dyń tiregi. Biz árdaıym bolasha­ǵy­myz­dyń jarqyn bolashaǵy jas­tar­dyń qolynda dep esepteımiz. Sondyqtan da, óndiriste jastary­myz­dyń bilimdi, bilikti maman, óz isin jetik meńgergen myqty metal­lýrg bolyp qalyptasýyna biz sııaq­ty aǵa býyn ókilderi kóp jyl­ǵy is-tájirıbemizben bólisip, ómirden úırenip, túıgenderimizdi úıretip otyramyz. Biz, metallýrgter, elimizdiń ekonomıkasynyń damýyna, damyǵan elderdiń qa­ta­ry­nan kórinýine árdaıym eseli eń­bek­terimizben úles qosyp kelemiz. Elbasy N.Nazarbaevtyń «Qa­zaq­­stan jańa jahandyq naq­ty ahýalda: ósim, reformalar, damý» atty bıylǵy Joldaýynda  eńbek adamyna erekshe kóńil bóli­nip, onyń qoǵamdaǵy rólin jete baǵalaǵany belgili. Aldaǵy jyl­dan bastap elimizde mektep túlekteri úshin kásiptik-teh­nı­kalyq bilim berý isi tegin j­ú­ze­ge aspaqshy. Munyń ózi ju­mys­shy mamandyǵynyń bede­lin burynǵydan da kóterýge jáne kadr­lardyń sapaly daıarlanýy­na múmkindik bermekshi. Bul biz eń­bek etetin metallýrgııa sala­sy­na da qatysty. Bizdiń ujym­da burynnan qalyptasqan jaq­sy dástúrler bar. Máselen, tálimgerlik qozǵalysy, jas jumysshylar arasynda ótki­ziletin kásibı sheberlik konkýrs­tary, ǵylymı-tehnıkalyq konferensııalar, sondaı-aq, úzbeı uıym­dastyrylatyn sporttyq shara­lar, osynyń barlyǵy eńbek ónimdiligine, óndiristiń qalypty júrýine óziniń oń yqpalyn tıgi­zeri anyq. «Men jastarymyz­dy jumysshy mamandyǵyn bel­sen­di meńgerýge shaqyramyn. Ju­mysshy mamandyqtaryn meńgerý kerek. Kezinde men de jumysshy kıimin kııýden bastadym, domna peshi ot-jalynynyń janynda tur­dym. Jyldar ótedi, biraq osy ómirlik tájirıbeleriń, sender qandaı ómir jolyn tańdap al­sańdar da, mindetti túrde káde­lerińe ja­­raı­dy», delingen Jol­daýda. Árıne, joǵary bilim alý da kerek. Alaıda, eńbekke tike­leı aralasatyn kásiptik ma­man­dyq ıeleri molaımaı, biz­diń qyrýar ınvestısııa tartyp iske qosyp jatqan zaýyt-fabrıkalarymyzdyń jumysy tabysty bolmaıdy.  Osy baǵyt Mem­leket basshysynyń «Ult jos­­pary – qazaqstandyq armanǵa bastaıtyn jol» maqalasynda aıqyndala túsken. Men muny eldi álemdik daǵdarystan kináratsyz shyǵarýdyń asa mańyzdy shara­larynyń biri dep oılaımyn. Prezıdenttiń kúlli qoǵamymyzǵa baǵyt-baǵdar berip otyrǵan maqa­lasynda «2017 jyly «Barsha úshin tegin kásiptik-tehnıkalyq bilim» jańa jobasyn júzege asyrý bastalady» dep kórsetilgen. Buryndary jastar, onyń ishinde aýyl balalary eńbek jolyn kásiptik-tehnıkalyq bilim alýdan bastaıtyn úrdis bar edi. Eli­miz­de júrgizilgeli otyrǵan barsha úshin tegin kásiptik-tehnıkalyq bilim berý jobasy osy jaqsy dástúrdi qaıta oraltýǵa tıis. Jalpy, Elbasynyń atap kórsetip júrgenindeı, ár jas úshin jumys­shy mamandyǵy eń senimdi jol – ómir bastaýy. Muny esten shy­ǵarýǵa bolmaıdy. Salamat DILMAǴAMBETOV,  «Qazhrom» TUK» AQ fılıaly – Aqtóbe ferroqorytpa zaýytynyń balqytýshysy.  Aqtóbe oblysy.