Jambyl oblysynda 3400 gektar jerge sekseýil tuqymdary sebildi

TARAZ. 24 naýryz. Búginde Jambyl oblysyndaǵy orman qorynyń jalpy aýmaǵy 4,4 mln. gektar. Onyń ormandy jerleri 2,2 mln. gektar. Bul týraly egemen.kz tilshisi habarlady. Jalpy orman qory jerleri oblys aýmaǵynyń 31 paıyzyn alyp jatyr. О́tken jyly osy salaǵa jergilikti bıýdjetten bólingen 703 mln.teńge tolyq ıgerildi. Onyń ishinde mekemelerdi ustaýǵa 561 mln. teńge, olarǵa tehnıkalar men jabdyqtar alýǵa 45 mln.teńge, órtke qarsy sharalar júrgizýge 32 mln.teńge jumsaldy. Orman tuqymbaqtaryn qalpyna keltirýge jáne orman aǵashtarynyń kóshetterin ósirýge 14,5 mln. teńge bólindi. «2015 jyldyń erte kókteminde orman qory aýmaǵyna sekseýil jáne taǵy basqa orman kóshetteri arqyly 1600 gektarǵa jańadan orman aǵashtary otyrǵyzyldy. Kúzde 3400 gektarǵa sekseýil alqaptaryn tuqymdary arqyly sebý jumystary júrgizildi. Kúzgi sanaqtyń nátıjesi boıynsha 4560 gektar jer orman kómkergen alqapqa aýystyryldy. 2016 jyly ormandardy qalpyna keltirý jáne jańadan orman ósirý sharalaryn iske asyrýǵa 43,3 mln teńge bólindi. Bólingen qarjynyń esebinen erte kóktemde orman qory aýmaǵyna sekseýil jáne taǵy basqa orman kóshetteri arqyly – 900 gektar jerge jańadan orman aǵashtary otyrǵyzý, kúzde 4100 ga kólemde sekseýil alqaptaryn tuqymdary arqyly sebý jumystaryn júrgizý josparlanyp otyr», deıdi О́ńirlik kommýnıkasııalar qyzmetinde ótken brıfıngte Jambyl oblysy ákimdiginiń tabıǵı resýrstar jáne tabıǵatty retteý basqarmasy basshysynyń orynbasary Jasulan Hanalıev. О́ńirdegi ormandardy qorǵaý, olardyń qoryn molaıtý jáne jańadan orman ósirý sharalarymen 14 orman sharýashylyǵy mekemeleri men «Ormandardy qorǵaý jedel qyzmeti» aınalysady. Oralhan Dáýit. Derek, sýret: egemen.kz