Jasa, Qazaqstan! Jelbire, qazaq baıraǵy!

Qazaqstan Respýblıkasy Ulttyq Bankiniń resmı habary

Almaty  2011 jylǵy 15 qańtar

«Qazaqstan Respýblıkasynyń Ulttyq Banki týraly» Qazaqstan Respýblıkasynyń 1995 jylǵy 30 naýryzdaǵy № 2155 Zańyna sáıkes Qazaqstan Respýblıkasynyń Ulttyq Banki 2011 jylǵy 17 qańtardan bastap 2011 jylǵy Qazaqstandaǵy VII Azııa oıyn­da­ryna  arnalǵan 2011 jylǵy úlgidegi nomınaly 2000 teńgelik eskertkish banknotalardy aınalysqa shyǵarady. 2011 jylǵy úlgidegi nomınaly 2000 teńgelik eskertkish banknotanyń sıpattamasy Taralymy: 20 000 000 dana О́lshemi: 139h73 mm Basym túsi: kókshil-jasyl Bet jaǵy Basym beınesi – tiginen. Ortalyq bóliginde «Astana-Báıterek» monýmenti beınelengen. Banknotanyń ortasynda qoıý jasyl jáne kók jolaqtarda Qazaqstan Respýblı­ka­synyń memlekettik ánurany notalarynyń fragmentteri aq túspen beınelengen, osy jerge nomınaldyń sandyq bel­gisiniń kontýry aq syzyqtarmen júrgizilgen. «Báıterek» monýmentiniń sol jaǵynda Qazaqstan Respýblıkasynyń memlekettik eltańbasy altyn túspen beınelengen. Joǵarǵy oń jaq bólikte Qazaqstan Respýblıkasynyń memlekettik týy beınelengen. Banknotanyń tómengi jaǵynda ashyq alaqan jáne ózgermeli boıaýmen oryndalǵan qar ushqyny beınelengen. Tómengi sol jaǵynda nomınaldyń memlekettik tildegi áriptik belgisi ornalasqan. «QAZAQSTAN ULTTYQ BANKI» jazýy tómende oń jaǵynda tiginen ornalasqan, onyń ústinde jalǵan aqsha jasaý jaýapkershiligin eskertetin «Banknot­tar­dy qoldan jasaý zańmen qýdalanady» degen memlekettik  tildegi jazý ornalasqan. Syrt jaǵy

Basym beıne – kóldeneń. Negizgi beıne: taý aıasyndaǵy shańǵyshy jáne VII Azııa oıyndarynyń sımvolıkasy. Tómengi sol jaq bóliginde banknota no­mı­nalynyń sandyq belgisi, al tómende ortada orys tilindegi áriptik belgi  or­nalasqan. Joǵaryda ortasynda «QA­ZAQSTAN ULTTYQ BANKI» jazýy jáne emıtent banktiń logotıpi basyl­ǵan. Jalǵan aqsha jasaý jaýapkershiligin eskertetin «Pod­delka banknot presledýetsıa po zakoný» degen orys tilindegi jazý ashyq jerdiń joǵarǵy sol jaq bury­shynda ornalasqan. Banknotanyń bú­kil ónboıynda ashyq oryndarǵa q­a­zaq­tyń ulttyq oıý-órneginiń motıvi paıdalanylǵan.

Jasa, Qazaqstan! Jelbire, qazaq baıraǵy!

Azıada alaýy – Shymkentke 13 qańtar kúni sham jamyraǵan shaqta ushaqpen jetti. Alaý es­ta­fetasyn Shymkent qalasynda ótkizilýi boıynsha uıymdas­tyrý komıtetiniń tóraǵasy, oblys ákiminiń orynbasary Á.Bektaev, tóraǵa orynbasarlary – Shym­kent qalasynyń ákimi A.Jetpisbaev pen oblystyq týrızm jáne sport basqarma­sy­nyń bastyǵy Bolat Qyryqbaev jáne “Qazaq­stan­nyń Halyq Banki” AQ ob­lystyq fılıaly­nyń tóraǵasy Á.Maqulbaev bas­ta­ǵan delegasııa qarsy alyp, áýejaıda BAQ ókil­derimen baspasóz-máslıhaty ótti. 14 qańtar. A.Asqarov atyn­daǵy ıppodrom mańaıy qara­ǵurym jurt. Saltanatty konsert. Birer aptadan beri tuman­dy Albıon sekildi túneriń­kirep turǵan Shymkent aspany­nan qylaýlap qar jaýdy. Aqsha qar jáne qardaı appaq kıim kıgen alaý estafeta­syna qaty­satyn adamdar qalanyń tún­digin serpigendeı kúıge túsirdi. Azııa oıyndary Olımpııa oıyn­dary sııaqty tórt jylda bir-aq ret bolatyn sport merekesi. Ony ótkizý qurmetine dúnıe júzinde bási bólek, ózindik orny bar, áleýeti kúshti memleketter ǵana ıe bolady. Osyndaı qurmet Qazaq­stanǵa kórsetildi. Jınalǵan jurt­qa oblys ákimi Asqar Myr­zah­metov osyny aıtty. Keshe ǵana Qytaıdyń Gýanchjoý qalasynda ótken jazǵy Azııa oıyndarynda oblystar ara­synan birinshi oryn alǵan aımaq­tyń basshysy qysqy Azııa oıyn­daryn ótkizý mártebe­sine ıe bolý Elbasymyzdyń ar­qasy ekendigin aıtyp, endi sport­taǵy derjava mem­­l­eketterdiń birine aınalamyz dedi. M.Áýezov atyndaǵy OQMÝ ýnıversıtetiniń rektory, akademık Ýálıhan Bıshimbaev zııaly qaýym atynan aq tileý aıtty. Saǵat 12-de Alaý estafetasy dı­reksııasy basshysynyń orynba­sary S.Qurmanbek pen Alaý saq­shylary sahnaǵa shyǵyp, ottyq­tan birinshi Alaý qutyny tutan­dyryp, oblys ákimi A.Myrzah­me­tov­ke tapsyrdy. Alaý alyp júgirgen oblys bas­shysyn halyq quttyqtady. “Alǵa, Qazaqstan!” deıdi júzderi alaý­laǵan jankúıerler, oqýshy­lar. Oblys ákimi estafetany Muh­tarhan Dildabekovke tapsyr­dy. On segiz jasynda boksqa kelip, aınaldyrǵan tórt-bes jyldyń ishinde keıbir boksshylardyń qııa­lyna syımaıtyn jeńisterge jetken, Olımpııa oıyndary men álem chempıonatynyń aqtyq sy­nynda óner kórsetken oǵlan alaýdy alyp Báıdibek bı kóshesimen júgirdi. Biz karateden halyqaralyq dá­re­jedegi sport sheberi, Qazaq­stan­nyń birneshe dúrkin chem­pıony, Azııa chempıonaty men Azııa oıyndarynyń júldegeri, qazaq dalasynyń batyry – Qajymuqan Muńaıtpasovtyń nemeresi Shat­tyq Qajymuqanmen tildestik.

– Mundaı baıraqty básekeni ótkizý nesibesi anaý-mynaý memleketterge buıyra bermeıdi, – deıdi Shattyq. – Keshe ǵana Eýropanyń tórinde otyryp tóre­lik aıtyp, jyl sońynda 56 mem­lekettiń basshylarynyń basyn qosyp sammıt ótkizgen súıikti Otanymyz úshin qýanyshym jú­regimdi jarardaı bolyp tur. Alaý alyp júgirý qurmetine ıe bol­ǵanymdy ózime zor baqyt sa­naımyn. Otanymyzdyń márte­be­si qashanda bıik bolyp, osy Azıadada sportshy­lary­myz­dyń bıik nátıjelerge jetýine shyn júrekten tilektespin. Alaý estafetasyn alyp júgirýshiler Báıdibek bı, Qo­naev dańǵyly arqyly Jeltoq­san kóshesiniń boıyndaǵy Abaı saıabaǵyna jetti. Túski astan keıin B.Momyshuly kóshesi ar­qyly Táýke han dańǵylyn ba­syp, Qazybek bı kóshesi men Ordabasy alańyna jetkizildi. Kórkem gımnastıkadaǵy kórkem qyzymyz, Azııa jáne Azııa oıyn­darynyń absolıýtty je­ńim­pazy, Álem kýbogynyń júl­degeri Álııa Júsipovanyń qoly­nan alaýdy alǵan sport ardageri Mahambet Saparbaev saltanat­ty túrde sahnaǵa kóterilip qa­zandyqtaǵy alaýdy jaqty. Mereke sońy konserttik baǵ­darlamaǵa ulasty. Baqtııar TAIJAN , Shymkent.