Olqylyqtar men oralymsyzdyqtar

Temir jol kóliginde oryn alatyn keleńsiz­dik­terdi quzyrly organdar rastap berdi. Jol azabyn tartqan biledi degen, jolaýshylar muny erterek baıqaǵan bolatyn. Biraq ol zań buzýshylyqtar zańdy túrde tirkelmegen soń jabýly qazan jabyq kúıinde turǵan. Endi Bas prokýratýra temir jol kóliginde kórsetiletin qyzmetti  teksere kelip, ondaǵy jyldar boıy qalyptasqan zańsyzdyqtyń betin ashty. Birqatar poıyzdar vagondarynyń tasymaldaý qaý­ip­sizdigi talaptarǵa jaýap bermeıtindigi sondaı, júrgende qanqasy saldyr-gúldir etip, ár tesiginen jel gýlep, shań kirip, qysta sýyq tartyp, jazda qapyryqqa aınalyp berekeni qashyryp bolǵan edi. Biraq, sonda da kómekeıdi aqsha qurty jybyr­lat­qan zamanda jolaýshylardyń jol azaby búrkeme­lenip, buǵan qosa zańsyz aqsha jınaý etek alǵan. Endi Bas prokýratýra adamdardy tasymaldaý talaptaryna múlde jaýap bermeıtin jolaýshylar vagondaryn paıdalaný, naqty túrde kórsetilmegen qyzmet úshin tutynýshylardan zańsyz aqsha jınap alý, jekelegen tulǵalardyń múddesin kózdeý jáne basqa da kóptegen quqyq buzýshylyqtardy anyq­tadyq, deıdi. «Astana-Arqalyq» baǵytyndaǵy jolaýshylar poıyzynyń vagonynda elektr jabdyqtarynyń jaramsyz kúıde bolǵany anyqtaldy, sóıtip, jekelegen laýazym ıeleriniń salǵyrttyǵy ottyń tuta­nýy­na jáne órttiń shyǵýyna ákep soǵýy  múmkin jaǵdaılar týǵyzǵan. Munymen shektelmeı, osy vagondarda órt dabyly stansalary da jumys istemegen, tipti ishki baılanys ta bolmaǵan. Al kezinde olar jóndeýden ótip, tehnıkalyq ólshemderge jaýap beretin vagondar retinde reıske jiberý úshin jolaýshylar poıyzdarynyń syzbasyna engizilgen. Sol sııaqty is júzinde kórsetilmegen qyzmetter úshin tutynýshylardan zańsyz aqsha jınap alý faktileri anyqtaldy, deıdi Bas prokýratýranyń resmı ókili Jandos О́mirálıev. Aıta berse temir jol kóliginde keleńsizdik kóp eken. Máselen, tutynýshylardyń quqyqtary olar­ǵa júkterin tasymaldaý úshin vagondardy usyný kezinde de buzylǵan.  Semeı jol bólimshesinde bekitilgen josparǵa jáne tasymaldaý kestesine sáıkes júk tıeýge suranys bergen kásipkerlerge 119 vagon eshbir negizsiz jiberilmegen. Al keıbir jaǵdaılarda kerisinshe, dál osy jol bólimshesi jospardan tys, qandaı da bolmasyn ruqsatsyz «Gıtes T» jáne «Semeı-shpalopropıtochnyı zavod» JShS-ne 14 vagondy mezgilinen erte jibergen.  Bul neni bildiredi? Zańdy kerek qylmaǵan soń bıýdjet qarajatyn ońdy-soldy shashý da etek alǵan. Buǵan 78 mln. teńgeden astam bıýdjet qarajatyn maqsatsyz paıdalaný faktileri dálel kórinedi. Bul somany Kólik jáne kommýnıkasııa mınıstrliginiń Kólik jáne qatynas joldary komıteti is júzinde belgilengen qyzmet túrin tolyq kórsetpegen «Qunan Trans» JShS jáne «Arlan trans» JShS sekildi tasymaldaýshylarǵa sýbsıdııa retinde negizsiz tólegen. Aleksandr TASBOLATOV.