Názir Tórequlov týraly derekti fılm

«О́kiletti elshi» Sońǵy jyldary Sh.Aımanov atyndaǵy «Qazaqfılm» kıno­stý­dııasy ult múddesi men tutas­tyǵyna saı saýapty jobalardy júzege asyra bastady. Sonyń biri –  qazaqtan shyqqan tuńǵysh elshi Názir Tórequlov jaıynda túsirilgen derekti fılm.  Seısenbi kúni Almatydaǵy «Iskra» kınoteatrynda rejısser Bolat Sháripovtiń «О́kiletti elshi» at­ty derekti fılminiń tusaýy kesilip, jurt nazaryna usynyldy. Derekti fılm qazaqtan shyq­qan tuńǵysh kásibı elshi Názir Tórequlov taǵdyrynyń tarıhqa málim tustaryn keńinen qamtı­dy.  Fılmde saıası qýǵyn-súr­gin saldarynan ádiletsiz ajal qushqan elshiniń Keńes Odaǵy kezinde sińirgen eńbegi, Islam álemindegi alǵashqy dıplomat re­­tindegi ólsheýsiz róli aıty­la­dy. Sondaı-aq Stalınniń, kishi elderge júrgizilgen Keńes Oda­ǵy­nyń solaqaı saıasaty baıandalady. «Fılmdi túsirýge 9-10 aıdaı ýaqyt ketti. Materıaldar tabýda qıyndyqtar da boldy. О́zimizdiń, Reseıdiń muraǵattyq materıaldaryn paıdalandyq. Bir­qatar derekterdi Taıyr Mansu­rov­tyń  Názir Tórequlov jaıynda jazǵan kitabynan aldyq. Elshi qyzmet etken Arab Ámirliginen biz bilmeıtin derekter tabylsa, de­rekti fılm tolyǵa túser edi. Týyndynyń ssenarııin ózim jaz­dym. Bul fılmdi túsirýdegi maqsat – halqymyzdyń uly perzenti, qazaqtyń nar azamaty,   memlekettik qaıratker, dıplomat,  ókinishke qaraı, kezinde eleý­siz qalǵan  tulǵanyń atyn, esimin ke­leshek urpaqqa, jastarǵa jetkizý bolyp tabylady», – dedi atalmysh fılmniń rejısseri Bo­­lat Sháripov. Sh.Aımanov atyndaǵy «Qa­zaq­fılm» kınostýdııasynyń bas redaktory Dıdar Aman­taıdyń aıtýynsha, atalmysh derekti fılm Mádenıet mınıstrliginiń  tapsyrysy boıynsha túsirilgen. Ol «Qazaqfılm» kınostý­dııa­sy 2009 jyly 30-ǵa tarta derekti fılmdi óndiriske jibergenin, 2010 jyly 40-tan astam derekti fılm jasap shyǵarǵanyn atady. «Onyń ishinde Baýyrjan Momyshuly, Rymǵalı Nurǵa­lı­ev, Bıbigúl Tólegenova, Muhtar Maǵaýın, Ábish Kekilbaev, «Qor­qyt» týraly derekti fılmder bar. Bul fılmderdiń barlyǵy daıyn bolyp, dıskige jazyldy. О́tken jyly óndiriske jiberilgen Shámshi Qaldaıaqov pen Mir­jaqyp Dýlatov jaıyndaǵy fılm­­der aıaqtalýǵa jaqyn. Al, bıyl Kenesary Qasymov, Ázir­baıjan Mámbetov týraly,  «Ash­tyq» tý­raly fılmderdi jasaýdy josparlap otyrmyz. Aldaǵy ýaqyt­ta da qazaq álemine  úlken eńbek sińirgen, birtýar tulǵalarymyz jaıynda fılmderdi túsirýdi odan ári  jalǵastyra beremiz», – deıdi ulttyq kınostýdııanyń bas redaktory. Kınostýdııadan shyqqan bar­lyq derekti fılder beınetaspa túrinde shyǵarylyp, kógildir ek­ran arqyly kórermender na­za­ryna usynylmaq. Ulttyq kınostýdııa bul týraly telearnalarmen birqatar kelisim-shart­tarǵa qol jetkizgen. Aınash ESALI, Almaty.