ASTANA. 30 naýryz. Qazaqstan Prezıdenti Nursultan Nazarbaev Eýropalyq keńes tóraǵasy Donald Týskpen kezdesti. Bul týraly akorda.kz-ke silteme jasaǵan egemen.kz tilshisi habarlady.
Kezdesý barysynda taraptar saıası, saýda-ekonomıkalyq, mádenı-gýmanıtarlyq salalardaǵy Qazaqstan men Eýropalyq odaqtyń yntymaqtastyǵy máselelerin talqylady.
Memleket basshysy Eýroodaq Qazaqstannyń syrtqy saıasatyndaǵy mańyzdy vektordyń biri ekenin jáne saýda-ekonomıkalyq ózara is-qımyldyń basymdyǵy bar baǵyty bolyp sanalatynyn aıtty. Qazaqstan Prezıdenti elimizdiń syrtqy saýda aınalymynyń jartysynan astamy Eýroodaqtyń úlesine tıetinine nazar aýdardy.
Sondaı-aq, Nursultan Nazarbaev osy aıda Qazaqstan Respýblıkasy Parlamenti Senaty Eýropalyq odaqpen aradaǵy keńeıtilgen jáne strategııalyq seriktestik týraly kelisimdi ratıfıkasııalaǵanyn aıtyp, bul oqıǵa taraptardyń yntymaqtastyǵyn jańa sapaly deńgeıge kóteretinine senim bildirdi.
Donald Týsk Qazaqstan men Eýroodaqtyń tyǵyz seriktestigi álemdik ekonomıkadaǵy daǵdarys úrdisterine qaramastan nyǵaıa beredi dep úmittenetinin aıtty.
Sonymen qatar, taraptar kezdesý barysynda kún tártibindegi halyqaralyq máselelerge toqtaldy. Atap aıtqanda, Ýkraınadaǵy jáne Aýǵanstandaǵy ahýal, terrorızmge qarsy is-qımyl máseleleri talqylandy.
Talǵat Raıymbek.
Derek, foto: akorda.kz.
