Mektep murajaılary arasyndaǵy baıqaý

Semeıdegi oblystyq ólke­taný murajaıy sońǵy kezde ólke tarıhyn keńinen nasıhattaý maq­satymen ıgi isterge muryn­dyq bolýda. Aıtalyq, jýyr­da atalǵan murajaıdyń bastama­symen mektep murajaılary ara­synda baıqaý ótkizildi. Oǵan qalamen birge, qala mańyndaǵy aýyldardan barlyǵy 15 mektep murajaıy qatysty. Birinshi oryndy Shúlbi kentindegi mektep-keshen murajaıy jeńip aldy. Al onyń da sebebi joq emes-ti. О́ıtkeni, birinshiden, bul murajaı jaryq ta keń, son­daı-aq jyly bólmege orna­las­tyrylǵan. Ekinshiden, murajaıda mektep tarıhymen birge, osyn­daǵy Shúlbi GES-iniń ótkeni men búgini keńinen qamtylǵan. Mura­jaıda osy óńirden tabylǵan arheologııalyq qundy jádiger­ler men kóne dúnıelikter de barshylyq. Jergilikti soǵys ardagerleri týraly derekter de mol. Al Abaı, Shákárim, Muhtar syndy ulylarǵa arnalǵan bólim óz aldyna bólek jasaqtalǵan. Jas urpaqtyń týǵan jerge, keń baıtaq Otanǵa degen súıis­penshiligi osyndaı sharalardan bastalsa kerek. Sondyqtan óńir­diń bas murajaıynyń mundaı bastamasyn quptamasqa bol­maı­dy. Dáýlet SEISENULY,Semeı.