Jerge uqsas planeta tabyldy

Amerıka astronomdary ǵaryshtyq ǵalamat jańalyq ashty. Muhıttyń arǵy betindegi ǵalymdar jańa  qalyptasyp kele jatqan planetanyń sulbasy ústinen tústi. Olardyń aıtýlaryna qaraǵanda, bul qazirgi zamanǵy Jer sharynan aınymaıtyn ózindik bir kóshirme bolyp shyǵatyn sııaqty. Daily Mail gazetiniń jazýynsha, Kembrıdjdegi Gar­vard-Smıtson astrofızıka ortalyǵynyń oqy­mystylary kosmostan qazirgi tańda dıski retinde aınalǵanyna on mıllıon jylǵa jýyq ýaqyt bolyp qalǵan Jerge uqsas planeta tapqan. Jańalyq TW Gıdra júıesinen kórinis bergen. Ol bizdiń planetamyzǵa jaqyn, Kúnge uqsas bul juldyzdyń Jerden 176 jaryq jylyna teń qashyqtyqta ornalasqanyn da anyqtap otyr. Mamandardyń atap kórset­kenindeı, Chılıde orna­las­qan Eýropanyń ońtústikke baǵyt­­talǵan ALMA observa­torııa­syndaǵy meılinshe jańartylǵan teleskoptar bul juldyzdyń mańy­nan budan 4,5 mıllıard jyl buryn óziniń jańa paıda bolǵan shaǵyndaǵy bizdiń Kún júıesiniń orbıtasyn eske túsiretin aspan keýlegen gazdar men tozańdardan quralǵan dıskiniń sýretterin túsirip úl­gergen. Olar osy planetalardyń birine aldyn ala jańa paıda bolyp kele jatqan «Jer 2.0» degen ataý da berip qoıǵan. Sebebi, ol da onyń Gıdradan qashyqtyǵy bizdiń planetanyń Kúnmen aradaǵy aýqymyna teń kórinedi. Endi astronomdar ǵajaıyp planeta men onyń juldyzdar álemin búge-shigesine deıin zertteı túsýdi jalǵastyrmaqshy. Ol osy arqyly bizdiń uly uıamyzdyń qalyptasý prosesin de bilip shyǵýdy aldaryna maqsat etip qoıyp otyr. Murat AITQOJA.