Balasyna «Gıtler» dep at qoıǵan

AQSh-taǵy erli-zaıyptylar ata-analyq quqyqtarynan aıyryldy Amerıkanyń Nıý-Djersı shtatynda turatyn Isıdor Kempbell men onyń zaıyby Djoıs Lın balalaryna «Adolf Gıtler» jáne «Arıı násili» dep qoıǵandary úshin ata-analyq quqyqtarynan aıyrylyp qaldy. Osyndaı nasıstik ıdeıaǵa kózsiz urynyp otyrǵan erli-zaıyptylardy qýdalaý 2008 jyly bastalǵan. Sol joly olar jergilikti kondıterlerge «Týǵan kúnińmen, Gıtler!» degen jazýy bar tortqa tapsyrys bergen eken. Al, mekeme qyzmetkerleri birden balalardy qorǵaý qyzmetine shaǵym bildirgen. Osydan keıin áleýmettik sala qyzmetkerleri olardyń úılerine kelip, jaǵdaıdy jan-jaqty teksergen. Olar otbasynan óte óreskel kórinip turǵan eshteńe baıqaı qoımaǵan. Soǵan qaramastan, kishkentaı Gıtler men Arıı násilin áke-shesheleriniń qoldarynan alyp, ózderimen birge ala ketken. Keıinirek nasızmdi ýaǵyzdaýshy Isıdor men Djoıs ata-analyq qu­qyqtarynan aıyrylǵan. Balalardyń ákesi, óziniń «násildik bólinýshiliktiń bar ekenine» qatty senetinin, biraq óz perzentterin qorlaý uǵymynda bol­maǵanyn aıtyp shaǵynǵan. Soǵan qaramastan, sot alǵan betinen qaıtpaǵan. Bul oqıǵa álem nazaryna endi ǵana usynylyp otyr. Onyń ózi sáýirdiń 5-inde áleýmettik jelide osy oqıǵa týraly túsirilgen «Meet The Hitlers» atty derekti fılm or­nalastyrylǵannan keıin ǵana belgili bolǵan. Rýslan IGILIK.