Qazaq fılmi

halyqaralyq festıval laýreaty Qazaqstandyq kınoshe­berlerdiń taǵy bir týyndysy elden tysqary jerde ótken óner jarysynyń aldyńǵy sapynan tabyldy. Bul joly kınorejısser Baqyt Qaıyrbekovtiń «Aspannyń máńgi aıasynda» atty fılmi Reseıde ótken 10-shy halyqaralyq fes­tıvaldiń laýreaty atandy. Atalmysh derekti lenta «Ǵylymı-kópshilik fılm­der sıklindegi úz­dik ssenarıı» atalymy boıynsha top jarǵan. Re­seı kınosy metrleriniń aı­týlarynsha, fılm kó­rermen men jıýrıdiń úl­ken qyzyǵýshylyǵyn tý­ǵyzǵan. Kartına 2015 jy­ly túsirilgen. Onyń je­lisi negizine Nursultan Nazarbaevtyń «Tarıh tol­qynynda» kitaby alynǵan. Uzyn-yrǵasy 10 serııadan turatyn fılm Qazaq han­dyǵynyń qurylý tarıhy jaıly syr shertedi. – Bul shynynda da óte baısaldy ǵylymı ssenarıı men kásibı kınematograf eńbeginiń úılesimdi qo­sylǵanyna aıǵaq bola alady. Mundaǵy jumystar álemdik joǵary deńgeıde oryndalǵan. Túsirilim de, rekonstrýksııa da, tabıǵat kórinisteri de solaı óte ǵajap jasalǵan. Meni, ásirese, óte dálme-dál ja­zylǵan ssenarıı qatty qy­zyqtyrdy. Munyń ne­gizinde úlken ǵylymı eń­bek jatqanyn da paıym­daý qıyn emes, – dedi festıvaldiń qazylar alqa­synyń tóraǵasy Vık­tor Skýbeı. Kartınaǵa qatysty jaq­sy pikir men baılamdy Reseı kınematografıs­ter odaǵy tóraǵasynyń bi­rinshi orynbasary Oleg Ivanov ta bildirgen. Ol osy fılmniń halyqaralyq deńgeıde marapat alýynyń ózi Qazaqstannyń ulttyq kınosy deńgeıiniń óskenin kórsetetinin atap ótti. Murat AITQOJA.