Qazaqstan Respýblıkasy Úkimetiniń qaýlysy №1495

2010 jylǵy 31 jeltoqsan, Astana, Úkimet Úıi Qazaqstan Respýblıkasy Úkimetiniń 2008 jylǵy 19 shildedegi № 711 qaýlysyna tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Jergilikti atqarýshy organdardyń Qazaq­stan Respýblıkasyndaǵy turǵyn úı quryly­synyń 2008-2010 jyldarǵa arnalǵan memlekettik baǵdar­lamasy sheńberinde salynǵan turǵyn úılerdi satý erejesin bekitý týraly» Qazaqstan Respýblıkasy Úkimetiniń 2008 jylǵy 19 shildedegi № 711 qaýly­syna mynadaı tolyqtyrý engizilsin: kórsetilgen qaýlymen bekitilgen Qazaqstan Respýblıkasyndaǵy turǵyn úı qurylysynyń 2008-2010 jyldarǵa arnalǵan memlekettik baǵ­dar­­lamasy sheńberinde salynǵan turǵyn úılerdi satý erejesinde: mynadaı mazmundaǵy 14-1-tarmaqpen tolyq­ty­rylsyn: «14-1. «Qazaqstan Respýblıkasynyń memlekettik bıýdjeti jáne Ulttyq Bankiniń smetasy (bıýdjeti) esebinen qamtylǵan organdardyń shtat sanyn ońtaılandyrý jónindegi sharalar týra­ly» Qazaqstan Respýblıkasy Prezıdentiniń 2010 jylǵy 27 qyrkúıektegi № 1072 Jarly­ǵy­nyń negizinde memlekettik qyzmeti toqta­tylǵan, onyń ishinde: 1) Qazaqstan Respýblıkasyndaǵy tur­ǵyn úı qurylysynyń 2005-2007 jyldarǵa arnalǵan memlekettik baǵdarlamasy sheńberinde salynǵan jáne satylmaǵan turǵyn úıdi satý týraly Turǵyn úı komıssııasynyń oń sheshimi bar; 2) Qazaqstan Respýblıkasyndaǵy turǵyn úı qu­rylysynyń 2008-2010 jyldarǵa arnalǵan mem­lekettik baǵdarlamasy sheńberinde turǵyn úıdi satýǵa úmitkerlerdi aldyn ala irikteýden ótken; 3) Qazaqstan Respýblıkasyndaǵy turǵyn úı qurylysynyń 2008-2010 jyldarǵa arnalǵan mem­lekettik baǵdarlamasy sheńberinde turǵyn úıdi satý týraly ýákiletti organnyń sheshimimen bekitilgen tólemge qabilettiligin oń baǵalaý týraly qaryz berýshiniń habarlamalaryn alǵan­nan keıin irikteýden ótken ótinish berýshilerdiń tiziminde turǵan memlekettik qyzmetshilerdiń turǵyn úıdi satyp alýǵa quqyǵy saqtalady.». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri  K.MÁSIMOV.