О́zara yntymaqtastyqqa óris keń

Jaqynda EKSPO-2017 halyqaralyq mamandandyrylǵan kórmesiniń komıssary Rápil Joshybaev bastaǵan qazaqstandyq delegasııanyń Sıngapýr Respýblıkasyna sapary ótti. Sapar kezinde R.Joshybaev Sın­gapýr Respýblıkasynyń Joǵarǵy memlekettik syrtqy ister mınıstri Muhamad Malıkı Osmanmen, Týrıstik agentter ulttyq assosıasııasynyń prezıdenti Devınder Orımen, Saýda jáne ındýstrııa mınıstrligi basshylarymen, Sıngapýrdyń EKSPO-2017-ge qatysýyna jaýapty tulǵalarmen jáne memlekettiń iskerlik toptarymen kezdesti. Sıngapýrdyń syrtqy saıasat vedomstvosynda eki el yntymaq­tastyǵynyń ahýaly men perspektıvalary talqylandy jáne sıngapýrlyq taraptyń EKSPO-2017-ge qatysýy týraly pikirlermen almasýy ótti. Komıssar suhbattasýshyǵa Qa­zaq­stannyń kórmege daıyndyq sheń­berindegi atqarylyp jatqan jumysy týraly habarlady. M.Osman ózi tara­pynan Sıngapýr memleketiniń halyq­aralyq kórmege qatysý qy­zy­ǵýshylyǵy týraly jáne kórme­niń álemdik qoǵamdastyqqa mańyz­dy­lyǵyn atady. Sıngapýrdyń halyqaralyq kór­melerge qatysýy úshin jaýapty Saýda jáne ındýstrııa mınıstrliginde EKSPO-2017 kórmesi týraly tusaý­keser ótkizildi. Kezdesýde memlekettik bıýdjetten damýyna 2007 jyldan beri «jasyl» energetıka sektorynyń 3,4 mlrd. dollar bólinetindigi eskerildi. Búgin bul sala 18 myń jumys ornyn qamtamasyz etedi. Taraptar Sıngapýrdyń «jasyl» energetıka salasyndaǵy jetistikterin kórsetýge EKSPO-2017 kórmesi jaqsy alań bolatynyna senim bildirdi. Týrızm salasynda birlesken jo­balardyń júzege asyrylýy, sın­gapýrlyq týrıstik kompanııalardy yn­ty­maqtastyqqa tartý jáne eki el asta­nasy arasynda áýe qatynasyn ashý múmkindigi Sıngapýrdyń Týrıs­tik agentter ulttyq assosıasııasynda (TAUA) talqylandy. Kezdesýler nátıjesinde «Astana EKSPO-2017» Ulttyq kompanııasy men TAUA arasynda týrızm boıynsha Yntymaqtastyq memorandýmyna qol qoıyldy. Qujat boıynsha EKSPO-2017 kórmesin Sıngapýrda jáne Qazaqstandy Sıngapýrdyń eń tartymdy týrıstik baǵyttary retinde ilgeriletý kútilýde.   «Egemen-aqparat».