Yqpaldastyq – ýaqyt talabyna jaýap

Parlament Senaty Áleýmettik-mádenı damý jáne ǵylym komıtetiniń tóraǵasy Aqan Bıjanov Bishkek qalasynda ótken Eýrazııalyq ekonomıkalyq odaqty damytýdyń keleshegine arnalǵan forýmǵa qatysty, dep habarlady Qazaqstan Respýblıkasy Parlamenti Senatynyń baspasóz qyzmeti. Senator óz sózinde EAEO-ǵa qatysýshy elder úshin yqpaldastyqtyń basymdyǵyn atap ótip, bul aımaqtyq birlestiktiń eleýli ekonomıkalyq áleýeti bar ekenine nazar aýdardy. A.Bıjanov qazirgi kezde osy yqpaldastyq jobasynyń qyzmet etýi úshin salmaqty quqyqtyq baza qalyptasqanyn atap ótti. Onyń negizin Eýrazııalyq ekonomıkalyq odaq týraly, Qyrǵyz Respýblıkasy men Armenııa Respýblıkasynyń EAEO týraly shartqa qosylýy týraly jáne basqa da sharttar quraıdy. Senatordyń aıtýynsha, 2015 jyldyń basynan beri 600-ge jýyq qujat qabyldandy, olardyń basym kópshiligi ónerkásip, energetıka, kólik jáne basqa da salalardy qamtıdy. Mundaı yqpaldastyq, qazirgi kezdegi jaǵdaıǵa jaýap beretini daýsyz jáne ýaqyttyń talabyna jaýap bolyp tabylady, taraptardan EAEO aıasynda da, odan tys ta ekonomıkalyq yntymaqtastyqty odan saıyn údetýdi talap etedi, dedi A.Bıjanov. Senator EAEO-nyń Eýropa men Azııadaǵy memlekettermen jáne túrli yqpaldastyq birlestikterimen, onyń ishinde ShYU-men erkin saýda aımaǵyn qurý týraly máselede yntymaqtastyqty damytýdyń tartymdy keleshegi týraly aıtty. Olarǵa da shekaralyq aımaqtaǵy yntymaqtastyqty odan ári damytý jáne EAEO-ǵa múshe memleketterdiń ózara parlamentaralyq is-qımylyn tereńdetý qajettigi de atap ótildi.