Uly Otan soǵysynyń 71 jyldyǵyn merekeleý qarsańynda «Nur Otan» partııasy «Birlik» fılıalynyń «Mádenıet» bastaýysh partııa uıymy «Urpaqtar umytpaıtyn Uly Jeńis» taqyrybynda Uly Otan soǵysy jáne tyl ardagerlerimen kezdesý uıymdastyrdy.
Kezdesý 1941-1945 jyldarǵy Uly Otan soǵysynda qazaqstandyqtardyń maıdanda jáne tylda kórsetken batyrlyǵy men erjúrektigi týraly jastarǵa jetkizý, patrıotızmge tárbıeleý, olardyń boıynda elimizdiń ótken tarıhyna qurmet sezimi men tarıhty bilýge degen qyzyǵýshylyǵyn arttyrý maqsatyn kózdedi.
Sharaǵa Uly Otan soǵysynyń ardagerleri – Sosıalıstik Eńbek Eri, I dárejeli Dańq, «Qurmet» ordenderiniń jáne «Erligi úshin» medaliniń ıegeri Leonıd Kartaýzov, Eńbek Qyzyl Tý, III dárejeli Dańq, «Qurmet» ordenderiniń jáne «Jaýyngerlik qyzmeti úshin» medaliniń ıegeri Qadam Beken, eńbek ardageri, tyl eńbekkeri, bıologııa ǵylymdarynyń kandıdaty, dosent Bostan Shahmanov, eńbek ardageri, tyl eńbekkeri, «Úzdik eńbegi úshin» medaliniń ıegeri Kúlásh Ysqaqova jáne partııa músheleri qatysty.
Qonaqtarǵa arnalǵan sózinde «Nur Otan» partııasy «Birlik» fılıalynyń «Mádenıet» bastaýysh partııa uıymy tóraǵasynyń orynbasary, Mádenıet jáne sport mınıstrligi Din isteri komıtetiniń tóraǵasy Ǵalym Shoıkın ardagerlerge jeńiske qol jetkizýde jaýyngerlik eńbegi men qaharmandyq kúsh-jigeri jáne óskeleń urpaqtyń beıbit ómir súrýin qamtamasyz etýge qosqan baǵa jetpes úlesi úshin óz alǵysyn bildirdi. Onyń aıtýynsha, aldyńǵy qatarly jetistikterde jáne qazirgi zamanǵy Qazaqstannyń tabysty damýynda soǵysta jáne soǵystan keıingi memlekettiń qurylysynda qıynshylyqty bastan ótkergen aǵa urpaqtyń úlesi aıryqsha baǵaly. Sondyqtan, Qazaqstannyń búgingi urpaǵy osyny este ustap, elimizde beıbitshilikti saqtaý úshin barlyǵyn jasaý kerek dep, óz oıyn jetkizdi.
Uly Otan soǵysynyń ardagerleri Leonıd Kartaýzov pen Qadam Beken soǵysqan jerlerin, Máskeý, Stalıngrad, Tıraspol, Mınsk, Kıshınev, Varshava qalalaryn azat etý boıynsha áskerı operasııalar týraly baıandap berdi. Sonymen qatar, qonaqtar 1945 jyly 9 mamyrda Berlın qalasynda Jeńis kúnin toılap, Reıhstagqa Jeńis týyn tigýi týraly óz oılarymen bólisip, qazaqstandyq jas urpaqtarǵa beıbitshilik, turaqtylyq jáne elimizge tynyshtyq tiledi.
L.Kartaýzov tyń ıgerý kezinde atqarǵan jumystary týraly aıtyp berdi. Soǵysta eki aıaǵynan aıyrylǵanyna qaramastan, traktorǵa otyryp, óziniń qajyrly eńbegi úshin elimizdiń eń joǵary marapatyna ıe bolǵanyn jetkizdi.
Tyl eńbekkerleri B.Shahmanov pen K.Ysqaqova aýyl sharýashylyǵy salasynda balalar men áıelderdiń táýlik boıy barlyq halyqpen birge maıdanǵa qajetti azyq-túlik ónimderimen qamtamasyz etý kezeńindegi eńbek tylynda bolǵan ómir qıyndyqtaryn aıtty. Olar jaqyndary men týystarynan aıyrǵan áskerı jáne áskerden keıingi ómirde oryn alǵan taǵdyrlaryndaǵy qıyndyqtary týraly da aıtty.
Kezdesýge shaqyrylǵan ardagerler qazaqstandyq urpaqtyń sabaqtastyǵyn taǵy da atap, óz qoldarymen «Nur Otan» partııasynyń jańadan qabyldanǵan múshelerine partııalyq bıletterdi tapsyrdy. Ardagerler jas partııa múshelerine óz batalaryn berip, Qazaqstan Prezıdenti – «Nur Otan» partııasynyń Kóshbasshysy N.Á.Nazarbaevtyń saıasatyn júzege asyrýda tabystar tiledi.
Kezdesý sońynda «Mádenıet» bastaýysh partııa uıymynyń basshylary ardagerlerdi kele jatqan Uly Otan soǵysyndaǵy Jeńistiń 71 jyldyǵymen taǵy da quttyqtap, estelikke syılyqtar tapsyrdy.
«Egemen-aqparat».
