Bankomattan aqsha alý

endi kartochkasyz da júzege asady Bankomattan qolma-qol aqshany plastıkalyq kartasyz-aq ala berýge bolatyn kez keldi. Ol úshin qolyńyzda smartfonyńyz bolsa jetkilikti. Bul – elimizdegi Jınaq bankiniń qazaqstandyqtarǵa usynyp otyrǵan teńdessiz qyzmet túri. «Jınaq banki onlaın» jańa servısi bank kartasy joq, alaıda, qolma-qol aqshany qajet etetin jandarǵa úlken kómek. – Atalǵan qyzmet túri iske qosylǵannan beri bank klıentter arasynda keńinen tanymal boldy. Eki aı ishinde kartanyń kómeginsiz 50 mıllıonǵa jýyq qarjy alyndy, – deıdi «Jınaq banki» aksıonerlik qoǵamynyń bólshek bıznesi jónindegi basqarma tóraǵasynyń orynbasary Andreı Tımchenko. Bankomattan plas­tı­kalyq kartanyń kó­meginsiz aqsha alý úshin eki talap oryndalýy kerek. Birinshi – «Jınaq banki onlaın» júıesinen sıfrlyq kod alyp, aqshany ala berýge bolady. Ol úshin onlaın júıeniń mobıldi paraqshasyna nemese onyń web-nusqasyna enip, qoljetimdi operasııa­lar tiziminen «kartasyz qolma-qol aqsha alý» atty bel­gini tańdaý kerek. Onda aqshanyń somasy keminde 1000 teńgege teń bolǵany durys. Munan soń klıent sıfrlyq kodtyń birinshi bóligin alady. Ekinshi bólikti alý úshin uıaly telefon nómirin engizgen jón. Osy nómirge kod jazylǵan sms-habarlama keledi. Osylaısha bank operasııasyn ret-retimen júr­gizip, sońynda qolma-qol aqshaǵa qol jetkizesiz. Aıtpaqshy, qupııa sóz 24 saǵatqa deıin qoljetimdi bolady, al aqsha kartaǵa qaıtarylady. Talǵat RAIYMBEK, «Egemen Qazaqstan»