Qadym ǵasyrdan qalǵan qabir

Altaı taýlarynyń qoınaýynan tabyldy Mońǵolııanyń Altaı taýlarynda mal baǵyp júrgen adam ejelgi molanyń ornyn tapty. Sodan keıin ol dereý mamandarǵa habar bergen. Qazir ejelgi jádigerlermen tanysý úshin arnaıy mamandar atalǵan jerge baryp, zertteý jumystaryn bastady. Hovd murajaıynyń qyzmetkeri B.Súhbaatardyń aıtýynsha, bul – Mońǵolııa jerindegi, múmkin Or­talyq Azııa­daǵy sol kúıinde saq­talǵan qabirdiń biri. Arheologtardyń boljamy bo­ıynsha, zırat Altaı jerinde 1500 jyl buryn ómir súrgen túrkitil­des taıpalardyń birine tıesili. Máıittiń janynan jyl­qynyń súıegi, júgen, sazdan ja­salǵan ydys, shómish tabylǵan. Bul zattar – kóshpeli halyqtyń tur­mysyna qajet dúnıeler. Osy­ǵan qarap, ǵalymdar onyń áıel adam ekeni jóninde boljam ja­sady. – Bizdiń paıymdaýymyzsha, mola áıel adamǵa tıesili. Sebebi, zertteý jumystary kezinde er adamǵa qa­tysty zat tappadyq. Ádette, olar jaýyn­ger retinde qarý-jaraq­ta­ry­men birge jerlenetin, – dedi B.Súhbaatar. Zırat jerden 2803 metr bıik­­tikte, taý shatqalynda or­na­las­qan. Osyǵan baılanysty bul oryn­­ǵa eshkim batyp kire al­­ma­ǵan. Tarıhı zattardyń bú­lin­beı, ári de­neniń mýmııaǵa aı­na­lýy­na aı­maqtaǵy klımattyń sal­qyn­dyǵy áser etken. Aıan ÁBDÝÁLI, «Egemen Qazaqstan»