Saıahatshy Sapar aǵa

qazaq dalasy jaıly derekti fılm túsirmekshi Qazaqtyń kıeli topyraǵynda dúnıege kelip, jer sharyn sharlap saıahatshy atanǵan Sapar Ysqa­qovty bireý bilse, bireý bilmes. Ol álemniń 120-dan astam elin aralap shyqqan. Saıahat jasap, ár eldiń dástúri men máde­nıetine qanyqqan. Búginde Sapar Ysqaqov Táý­el­­sizdikke tartý jasaý maqsa­tynda derekti fılm toptamasyn túsi­rýdi qolǵa aldy. «Uly Dalanyń máń­gilik eli» atty teletýyndy elimiz egemendiginiń 25 jyldyǵyna arnalady. Fılm 40-50 bólimnen turady. – Bizdiń maqsatymyz qazaq tulparynyń tuıaǵy qaı jerge deıin jetkenin kórsetý bolyp otyr. Bul – búgingi urpaqqa batyr babalarymyzdyń júrip ótken jolyn, kúsh-jigeri men qajyr-qaıratyn úlgi etý. Sonymen qatar, aq naızanyń ushymen olar­dyń qandaı órkenıetti el qurǵa­nyn aıtý, – deıdi Sapar Ysqaqov. Atalǵan jobada memlekettiń qurylý tarıhy qamtylady. Eks­pedısııa bıylǵy sáýir aıynda bas­talyp, osy jyldyń qara­shasyna deıin sozylady. Sapar barysynda túsirilim toby Reseı, Mońǵolııa, Túrikmenstan, Ázerbaıjan, Ýkraı­na, Bolgarııa sekildi birneshe memleketti aralaıdy. Aıta keteıik, joba avtory bul derekti fılmdi qazaqstan­dyq­tarǵa Táýelsizdiktiń 25 jyl­dyǵy merekesi qarsańynda kór­setýdi jos­parlap otyr. Talǵat RAIYMBEK, «Egemen Qazaqstan»