Qaraǵandylyq oqýshy qyz

Bıll Geıts grantyn jeńip aldy Qaraǵandyda turatyn 17 jas­taǵy oqýshy qyz Darıa Andreı­chenko Bıll Geıts grantyn jeńip alyp, álemdegi bedeldi degen joǵary oqý oryndarynyń biri – Dıýk ýnıversıtetine (Duke University) túsý múmkindigine ıe boldy. Aıta ketý kerek, Darıa – Microsoft kom­panııasynyń negizin qalaýshy Bıll Geıtstiń grantyna ıe bolǵan Qazaqstandaǵy birden-bir talapker. Qazir 11-synypta oqyp júrgen ol osydan eki jyl buryn bizdegi Ulttyq biryńǵaı testileýdiń balamasy ispetti amerıkalyq SAT syna­ǵyna óz betinshe daıyndala bas­taǵan eken. Tabandylyǵy men eń­beksúıgishtiginiń arqasynda aǵyl­shyn tilinen emtıhan tapsyryp, onlaın-suhbattan sátti ótken. Endi, mine, álemdegi áıgili oqý oryn­da­rynyń birinen shaqyrtý alyp otyr. Daryndy qyz Darıanyń ózi atalǵan oqý orny týraly bylaı deıdi: «Bul ýnıversıtetke 32 myń talapkerdiń ishinen tek baǵy janǵan 1700-i ǵana túse alady. Al dál mendegideı stıpendııaǵa álem boıynsha tek segiz adam ǵana ıelik etetin kórinedi. Ýnıversıtetten oqýǵa túskenim týraly ǵana emes, sonymen birge, stıpendııa alý úshin aqtyq synǵa shyqqanym jóninde de shaqyrtý alǵanymda, óz kózime ózim senbedim. Men tipti, olarǵa «Bul qaljyń ba?» dep jaýap jazyp ta jiberdim...». Dıýk ýnıversıtetiniń tabal­dyryǵynan attaǵaly tursa da, Darıa Andreıchenko Ulttyq bir­yń­ǵaı testileý synaqtaryna tyń­ǵylyqty túrde daıyndalyp jatyr eken. Maqsatqa jetý úshin ózine-ózi talap qoıa bilý Darıadaı talantty qyzdyń bir qyry bolsa kerek. Qaırat ÁBILDINOV, «Egemen Qazaqstan» QARAǴANDY