Taldyqorǵan garnızonyndaǵy tekseris

2016 jyldyń 12 sáýirinde Qorǵanys mınıstri Imanǵalı Tasmaǵambetovtiń basshylyq etýimen Taldyqorǵan gar­nızonynyń bólimderinde tekseris bastaldy. Eki kún boıy qorǵanys vedomstvosy basshysynyń jetekshilik etýimen jaýyngerlik daıarlyq jos­paryn oryndaý jóninde júıeli jumys engizilgen áskerlerdiń jaýyngerlik ázirliginiń irgeli negizderi tekserildi. Bul joly buǵan jiti nazar aýdarylǵanyn erekshe atap ótken jón. Sebebi, júıeli jumystyń maqsaty ásker­lerdiń udaıy jaýyngerlik ázirligin qamtamasyz etý, jeke quramǵa talap etiletin áskerı-kásibı daıar­lyqtyń, sondaı-aq, áskerdiń arnalýyna sáıkes úılesimdiligi men jaýyngerlik jáne ózge de tapsyrmalardy oryndaý deńgeıine qol jetkize otyryp, bir qalypta ustap turý jáne jetildirý bolyp tabylady. «Qarapaıymnan – kúrdelige» qaǵıdaty jaýyngerlik daıarlyqtyń negizgi baǵyttarynyń biri bolyp tabylady. Áskerlerdiń tá­jirıbesinde ony iske asyrý qurylymdyq, uıymdastyrýshylyq jáne ádistemelik turǵyda úsh ólshemshart boıynsha júzege asyrylýy tıis», – dep atap ótti Iman­ǵalı Tasmaǵambetov. Jumys qorytyndysy boıynsha 18404 áskerı bóliminiń komandıri, podpolkovnık J.Er­muhanov, Aeroutqyr áskerler­i­­niń qolbasshysy, general-maıor A.Ju­­makeev jáne basqa da laýazymdy adamdar tyńdaldy. Tekserý aıaqtalysymen ásker­ler­diń jaýyngerlik daıarlyq júıesin jetildirý jáne áskerı tártipti nyǵaıtý boıynsha naqty tapsyrmalar berildi. «Egemen-aqparat»