Qostanaıda bir kúnde 3000 aǵash kósheti otyrǵyzylady

QOSTANAI. 14 sáýir. Qostanaıda eki aılyq sanıtarlyq aılyq aksııasy bastalyp ketken bolatyn. Bıyl qala men aýyldarda aǵash kóshetteri kóp egiletin bolady. Bul týraly Qostanaı qalasy ákimdiginiń baspasóz qyzmetine silteme jasaǵan egemen.kz tilshisi habarlady. Aýa raıynyń yńǵaıyna qaraı, qar erip bolysymen oblys ortalyǵyndaǵy kósheler men aýlalarda tazalyq jumystary júrgizilip jatyr. Ár vedomstvoǵa, oqý oryndary men kásiporyndarǵa tıesili aýmaqtar bólip berilgen. Mysaly Qostanaı qalasynyń ortalyǵyndaǵy Pýshkın, Baıtursynov kóshelerin qalalyq ákimdik qyzmetkerleri tazalap, kógaldandyratyn bolsa, jeńis  saıabaǵy bilim berý salasynyń enshisinde. 16 sáýir – «Búkilqazaqstandyq aǵash egý kúni» aksııasy sheńberinde Qostanaı qalasynda ǵana 3000 aǵash kósheti otyrǵyzylatyn bolady. Názıra Járimbetova. Derek, foto: Qostanaı qalasy ákimdiginiń baspasóz qyzmeti.