Mektep basshysy qandaı bolýy kerek?

Qazirgi zamanda bilim berý uıymynyń kóshbasshysy qan­daı bolýy kerek? Ol qandaı qasıetterimen erekshelenýi kerek? Mine, «О́rleý» BAUO AQ fılıa­ly Jambyl oblysy boıynsha pe­dagogıkalyq qyzmetkerlerdiń biliktiligin arttyrý ınstıtýtynyń uıymdastyrýymen ótken «Bilim berý uıymynyń isker-kóshbas­shysy» oblystyq forýmy osy saýalǵa jaýap izdedi. Qazirgi tańda mektep basshy­synyń kásibı quzyrettiligi zert­­teýshilik, basqarýshylyq, peda­gogıkalyq, kommýnıkatıvtik, dıag­nostıkalyq daǵdylardy qamtıdy. Forýmnyń basty maq­saty, bilim berý júıesinde shyǵarmashyl basshynyń joǵary kásibı deńgeıin aıqyndaý, kásibı ımıdjin qalyptastyrý jáne bilim berý júıesin jańartý jaǵdaıyna jekeleı qosqan úlesin zerdeleý arqyly oblys kóleminde taratý boldy. Baıqaý barlyq aýdandar men Taraz qalasynda ótkizilip, sonyń ishinde, ásirese, Taraz qalasy men Baızaq, Shý, T.Rysqulov, Jýaly, Qordaı aýdandarynyń bilim bólimderi baıqaýdyń joǵary deń­geıde ótýine erekshe atsalysty. 73 bilim berý uıymynyń basshysy qatysyp, sonyń ishinde 12 mektep basshysy oblystyq baıqaýǵa joldama aldy. Sondaı-aq, baıqaý jeńimpazdary men nomınanttary zertteýleriniń nátıjelerin engizý boıynsha óz tájirıbelerimen, jańalyqtarymen bólisti. Bilim berý uıymy bas­shy­lary­nyń jetistikteri tanys­ty­rylyp, baıqaý beınerolıkteri, mýltımedııalyq tusaýkeserler men ádistemelik kórme kórsetilip, nátıjesinde Taraz qalasyndaǵy №43 orta mektebiniń dırektory Gúlnar Raptaeva bas júldeni jeńip aldy. Bıbi ARǴYNBAIQYZY, Jambyl oblysy boıynsha «О́rleý» pedagog qyzmetkerlerdiń biliktiligin arttyrý ınstıtýtynyń bas mamany Jambyl oblysy