Qazaqstan Respýblıkasy Energetıka mınıstrliginiń buıryǵy №144 

2015 jylǵy 25 aqpan, Astana qalasy Qorshaǵan ortany qorǵaý salasyndaǵy jobalardyń ashyq konkýrstaryn ótkizý qaǵıdalaryn bekitý týraly Qazaqstan Respýblıkasynyń 2007 jylǵy 9 qańtardaǵy Ekologııalyq kodeksiniń 17-babynyń 38-8) tarmaqshasyna sáıkes buıyramyn: 1. Qosa berilip otyrǵan Qorshaǵan ortany qorǵaý salasyndaǵy jobalardyń ashyq konkýrstaryn ótkizý qaǵıdalary bekitilsin. 2. Qazaqstan Respýblıkasy Energetıka mınıstrliginiń Ekologııalyq monıtorıng jáne aqparat departamenti Qazaqstan Respýblıkasynyń zańnamasynda belgilengen tártippen: 1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin; 2) osy buıryq Qazaqstan Respýblıkasynyń Ádilet mınıstrliginde memlekettik tirkelgeninen keıin onyń kóshirmesin kúntizbelik on kún ishinde merzimdi baspasóz basylymdarda jáne «Ádilet» aqparattyq-quqyqtyq júıesinde resmı jarııalaýǵa joldanýyn; 3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Energetıka vıse-mınıstrine júktelsin. 4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Mınıstr V.ShKOLNIK Qazaqstan Respýblıkasy Energetıka mınıstriniń 2015 jylǵy 25 aqpandaǵy №144 buıryǵymen bekitilgen Qorshaǵan ortany qorǵaý salasyndaǵy jobalardyń ashyq konkýrstaryn ótkizý qaǵıdalary 1. Jalpy erejeler 1. Osy Qorshaǵan ortany qorǵaý salasyndaǵy jobalardyń ashyq konkýrstaryn ótkizý qaǵıdalary (budan ári – Qaǵıdalar) 2007 jylǵy 9 qańtardaǵy Qazaqstan Respýblıkasy Ekologııalyq kodeksiniń 17-babynyń 38-8) tarmaqshasyna sáıkes ázirlengen jáne qorshaǵan ortany qorǵaý salasyndaǵy jobalardyń ashyq konkýrstaryn ótkizý tártibin aıqyndaıdy. 2. Osy Qaǵıdalarda mynadaı uǵymdar paıdalanylady: 1) qorshaǵan ortany qorǵaý salasyndaǵy joba – qorshaǵan ortany qorǵaý salasyndaǵy belgili bir maqsatqa (maqsattarǵa) jetýge baǵyttalǵan josparlanǵan is-shara; 2) qorshaǵan ortany qorǵaý salasyndaǵy basymdyqtar – shuǵyl praktıkalyq júzege asý úshin neǵurlym mańyzdy dep tanylǵan qorshaǵan ortany qorǵaý jónindegi qyzmettiń baǵyttary. 3. Ekologııalyq baǵdarlamalardy ázirleý úshin qorshaǵan ortany qorǵaý salasyndaǵy ýákiletti organ ne jergilikti atqarýshy organdar qorshaǵan ortany qorǵaý salasyndaǵy jobalardyń (budan ári – jobalar) ashyq konkýrstaryn ótkizý jolymen qorshaǵan ortany qorǵaý jónindegi jobalardy irikteýdi júrgizedi. 2. Qorshaǵan ortany qorǵaý salasyndaǵy jobalardyń ashyq konkýrstaryn ótkizý tártibi 4. Jobalardyń ashyq konkýrsynyń prosesi mynadaı kezeńderden turady: 1) konkýrstyń sharttaryn bekitý; 2) konkýrstyq komıssııa qurý; 3) Qazaqstan Respýblıkasynyń búkil aýmaǵyna taratylatyn merzimdi baspa basylymynda habarlandyrý jarııalaý; 4) jobalardy qaraý jáne baǵalaý; 5) konkýrstyń qorytyndylarynyń hattamasyna qol qoıý. 5.Ár joba úshin konkýrstyń sharttaryn qorshaǵan ortany qorǵaý salasyndaǵy ýákiletti organ ne jergilikti atqarýshy organdar (budan ári – konkýrsty uıymdastyrýshy) bekitedi. Konkýrstyń sharttary jobalardyń maqsattaryn, merzimderin jáne iske asyrý sharttaryn qamtıtyn jobalarǵa qoıylatyn talaptardan turady. 6. Konkýrsty uıymdastyrýshy sany keminde jeti adamnan konkýrstyq komıssııa qurady. Konkýrstyq komıssııa tóraǵadan, komıssııa múshelerinen jáne hatshydan turady. 7. Jobalardyń ashyq konkýrsyn ótkizý týraly habarlandyrýda myna málimetter bolýǵa tıis: 1) konkýrsty uıymdastyrýshynyń ataýy jáne ornalasqan jeri; 2) konkýrsty ótkizý sharttary. 8. Ashyq konkýrs ótkizý týraly habarlandyrý konkýrsqa qatysýǵa konkýrstyq usynystardy qabyldaý kúnine deıin otyz kúntizbelik kúnnen keshiktirmeı Qazaqstan Respýblıkasynyń búkil aýmaǵyna taratylatyn merzimdi baspa basylymynda memlekettik jáne orys tilderinde jarııalanady. Habarlandyrýlar bir mezgilde konkýrsty uıymdastyrýshynyń ınternet-resýrsynda ornalastyrylady. 9. Konkýrstyq komıssııa jobalary bar konvertterdi jobalardyń ashyq konkýrsyn ótkizý týraly habarlandyrýda kórsetilgen merzimde jáne orynda ashady. Jobany usynǵan uıymnyń ókili jobalary bar konvertterdi ashqan kezde qatysady. 10. Jobalary bar konvertterdi ashqan kezde konkýrstyq komıssııa qatysýshy tulǵalarǵa konkýrsqa qatysýshy uıymdardyń ataýlary men ornalasqan jerlerin jáne usynylǵan jobalardyń ataýlaryn habarlaıdy. 11. Konkýrstyq komıssııa konkýrsty ótkizý qorytyndylary boıynsha osy Qaǵıdalarǵa qosymshada kórsetilgen krıterııler negizinde konkýrsqa usynylǵan jobalardy qaraıdy. Konkýrstyq jobalardy baǵalaý árbir krıterıı boıynsha balldardy qosý jolymen júrgiziledi. Eki nemese birneshe jobalyq usynystardyń jıyntyq balldary teń bolǵan jaǵdaıda, az boljamdy qundy usynyp otyrǵan jobaǵa yqylas beriledi. 12. Konkýrstyq usynystardy baǵalaýdy konkýrstyq komıssııa konvert ashylǵan kúnnen bastap on bes jumys kúni ishinde ótkizedi. 13. Konkýrs mynadaı jaǵdaılarda: 1) eger konkýrsqa konkýrs talaptaryna sáıkes keletin birde-bir joba usynylmaǵan bolsa; 2) eger qaraý nátıjeleri boıynsha barlyq usynylǵan jobalar tıimdiligi az dep baǵalansa ótkizilmedi dep tanylady. 14. Konkýrs ótpedi dep tanylǵan jaǵdaıda konkýrsty uıymdastyrýshy konkýrsty qaıta ótkizý týraly sheshim qabyldaıdy. 15. Konkýrs nátıjesinde konkýrs sharttaryna sáıkes keletin jáne joba sharttary boıynsha neǵurlym basymdy bolyp tabylatyn bir joba tańdalady. Konkýrstyń nátıjeleri konkýrsty ótkizý týraly habarlandyrý bolǵan baspa basylymynda jarııalanady. 16. Konkýrstyq komıssııanyń sheshimi ashyq daýys berýmen qabyldanady jáne eger oǵan konkýrstyq komıssııanyń qatysyp otyrǵan músheleriniń jalpy sanynyń kópshiligi daýys bergende qabyldandy dep sanalady. Daýystar teń bolǵan jaǵdaıda, konkýrstyq komıssııanyń tóraǵasy daýys bergen sheshim qabyldandy dep sanalady. Konkýrstyq komıssııanyń kez kelgen múshesi konkýrstyq komıssııanyń sheshimimen kelispegen jaǵdaıda, erekshe pikir bildiredi, ony jazbasha túrde beredi jáne konkýrs qorytyndylarynyń hattamasyna qosa tirkeıdi. Qorshaǵan ortany qorǵaý salasyndaǵy jobalardy ashyq konkýrstaryn ótkizý qaǵıdalaryna qosymsha Qorshaǵan ortany qorǵaý salasyndaǵy jobalardyń ashyq konkýrsyna usynylǵan jobalardy baǵalaý krıterııleri 1. Jobanyń qorshaǵan ortany qorǵaý salasyndaǵy basymdyqtarǵa sáıkestigi: sáıkes kelmeıdi – 0 ball; ishinara sáıkes keledi – 5 ball; tolyǵymen sáıkes keledi – 30 ball; kórsetkishterden asady – 50 ball. 2. Jobanyń baǵyttylyǵy: jurtshylyqpen jumys isteý jáne aqparat taratý – 15 ball; ǵylymı-zertteý – 25 ball; bıologııalyq ártúrlilikti qorǵaý – 30 ball; ekologııalyq taza tehnologııalarǵa ınvestısııalar – 35 ball. 3. Memlekettiń qarjylandyrý úlesi: 100 % – 10 ball; 80-nen 99 % -ǵa deıin – 15 ball; 50-den 79 %-ǵa deıin – 20 ball; 30-dan 49 %-ǵa deıin – 25 ball; 10-nan 29 %-ǵa deıin – 30 ball; 10 %-dan astam – 35 ball. 4. Joba negizdiliginiń dárejesi: joba negizdelmegen – 0 ball; ǵylymı negizdemesi bar – 25 ball; ǵylymı negizdemesi jáne tehnıka-ekonomıkalyq negizdemesi bar – 30 ball; egjeı-tegjeıli jobalyq-smetalyq qujattamasy ázirlengen – 50 ball. 5. Jobanyń ótelý merzimi: joba ótelmeıdi – 20 ball; 7 jyldan astam – 25 ball; 3-ten 6 jylǵa deıin – 30 ball; 3 jyldan kem – 35 ball. 6. Innovasııalardy taratý múmkindigi: ınnovasııalar joq – 10 ball; ınnovasııalar taratylmaıdy – 15 ball; ınnovasııalar bolashaqta taratylýy múmkin – 25 ball. 7. Qorshaǵan ortany qorǵaý salasynda basymdyqtarǵa qol jetkizý: basymdyqtarǵa qol jetkizilmeıdi – 0 ball; basymdyqtarǵa ishinara qol jetkiziledi – 10 ball; basymdyqtarǵa tolyq qol jetkiziledi – 30 ball. 8. Jıyntyq qoıylǵan balldarǵa sáıkes jobalar bylaı baǵalanady: 1) 50-den 120-ǵa deıin – tıimdiligi az; 2) 121-den 190-ǵa deıin – tıimdi; 3) 191-den 260-qa deıin – asa tıimdi. Buıryq Qazaqstan Respýblıkasynyń Ádilet mınıstrliginde 2015 jylǵy 30 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10579 bolyp engizildi.