Qazaqstan Respýblıkasy Energetıka mınıstrliginiń buıryǵy №164

2015 jylǵy 2 naýryz,  Astana qalasy Jańartylatyn energııa kózderin paıdalaný obektileri óndirgen elektr energııasyn qarjy-esep aıyrysý ortalyǵynyń ortalyqtandyrylǵan satyp alý jáne satý qaǵıdalaryn bekitý týraly «Jańartylatyn energııa kózderin paıdalanýdy qoldaý týraly» 2009 jylǵy 4 shildedegi Qazaqstan Respýblıkasynyń Zańy 6-babynyń 10) tarmaqshasyna sáıkes buıyramyn: 1. Qosa berilip otyrǵan Jańartylatyn energııa kózderin paıdalaný obektileri óndirgen elektr energııasyn qarjy-esep aıyrysý ortalyǵynyń ortalyqtandyrylǵan satyp alý jáne satý qaǵıdalary bekitilsin. 2. Qazaqstan Respýblıkasy Energetıka mınıstrliginiń Jańartylatyn energııa kózderi departamenti Qazaqstan Respýblıkasynyń zańnamasynda belgilengen tártippen: 1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin; 2) Qazaqstan Respýblıkasynyń Ádilet mınıstrliginde memlekettik tirkelgeninen keıin kúntizbelik on kún ishinde osy buıryqty merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldanýyn; 3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin. 4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Energetıka mınıstri V.ShKOLNIK «KELISILDI»: Qazaqstan Respýblıkasy Ulttyq ekonomıka mınıstri __________________E. Dosaev 2015 jylǵy 6 naýryz Qazaqstan Respýblıkasy Energetıka mınıstriniń 2015 jylǵy 2 naýryzdaǵy №164 buıryǵymen bekitilgen Jańartylatyn energııa kózderin paıdalaný obektileri óndirgen elektr energııasyn qarjy-esep aıyrysý ortalyǵynyń ortalyqtandyrylǵan satyp alý jáne satý qaǵıdalary 1. Jalpy erejeler 1. Osy Jańartylatyn energııa kózderin paıdalaný obektileri óndirgen elektr energııasyn qarjy-esep aıyrysý ortalyǵynyń ortalyqtandyrylǵan satyp alý jáne satý qaǵıdalary (budan ári – Qaǵıdalar) «Jańartylatyn energııa kózderin paıdalanýdy qoldaý týraly» 2009 jylǵy 4 shildedegi Qazaqstan Respýblıkasynyń Zańyna (budan ári - Zań) sáıkes ázirlengen jáne Qazaqstan Respýblıkasynyń aýmaǵynda jańartylatyn energııa kózderin (budan ári – JEK) paıdalanatyn energııa óndirýshi uıymdar óndirgen elektr energııasyn qarjy-esep aıyrysý ortalyǵynyń ortalyqtandyrylǵan satyp alý jáne satý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) kommersııalyq esepke alý aspaby – elektr energııasyn kommersııalyq esepke alýǵa arnalǵan, Qazaqstan Respýblıkasynyń zańnamasynda belgilengen tártippen qoldanýǵa ruqsat etilgen tehnıkalyq qurylǵy; 2) jetkizý aıy – JEK paıdalaný obektilerinen elektr energııasyn is júzinde jetkizýdiń tıisti aıdyń birinshi kúninen bastalatyn kúntizbelik aıy; 3) jańartylatyn energııa kózderin qoldaý jónindegi qarjy-esep aıyrysý ortalyǵy (budan ári – qarjy-esep aıyrysý ortalyǵy) – júıelik operator quratyn jáne ýákiletti organ aıqyndaıtyn, JEK paıdalaný obektileri óndirgen jáne Qazaqstan Respýblıkasynyń biryńǵaı elektr energetıkasy júıesiniń elektr jelilerine berilgen elektr energııasyn Zańda kózdelgen tártippen ortalyqtandyrylǵan satyp alýdy jáne satýdy júzege asyratyn zańdy tulǵa; 4) tirkelgen tarıf – JEK paıdalaný obektileri óndirgen elektr energııasyn Zańda belgilengen tártippen qarjy-esep aıyrysý ortalyǵynyń satyp alýyna arnalǵan tarıf; 5) jańartylatyn energııa kózderinen alynatyn elektr energııasyn shartty tutynýshylar (budan ári – shartty tutynýshylar): kómirdi, gazdy, munaı ónimderi men ıadrolyq otyndy paıdalanatyn energııa óndirýshi uıymdar; Qazaqstan Respýblıkasynyń sheginen tys jerden elektr energııasyn satyp alatyn elektr energııasy naryǵynyń sýbektileri; jıyntyq qýaty otyz bes megavattan asatyn, bir gıdrotorapta ornalasqan qondyrǵylary bar gıdroelektrstansııalary; 6) gaz – shıki, taýarlyq, suıytylǵan munaı gazy jáne suıytylǵan tabıǵı gaz; 7) gıdroelektrstansııasynyń gıdrotoraby (budan ári – gıdrotorap) – gıdroelektrstansııasynyń gıdrotehnıkalyq qurylystarynyń ornalasýyna jáne jumys maqsatyna qaraı biriktirilgen, JEK paıdalanýdyń derbes obektisi retinde jumys isteı alatyn kesheni; 8) jańartylatyn energııa kózderin paıdalaný obektisi (budan ári – JEK paıdalaný jónindegi obekt) – JEK paıdalana otyryp, elektr jáne (nemese) jylý energııasyn óndirýge arnalǵan tehnıkalyq qurylǵylar jáne JEK paıdalaný obektisin ıgerý úshin tehnologııalyq turǵydan qajetti jáne JEK paıdalaný obektisi menshik ıesiniń balansyndaǵy, olarmen ózara baılanysty qurylystar men ınfraqurylym; 9) ýákiletti organ – JEK paıdalanýdy qoldaý salasyndaǵy basshylyqty jáne salaaralyq úılestirýdi júzege asyratyn ortalyq atqarýshy organ; 10) jańartylatyn energııa kózderin paıdalanatyn energııa óndirýshi uıym (budan ári – ótinish berýshi) – jańartylatyn energııa kózderin paıdalana otyryp, elektr jáne (nemese) jylý energııasyn óndirýdi júzege asyratyn zańdy tulǵa; 11) elektr energııasyn tutyný aımaǵy – JEK paıdalaný obektisi óndirgen elektr energııasyn tutynýǵa kedergi keltiretin tehnıkalyq sıpattaǵy shekteýleri joq Qazaqstan Respýblıkasynyń biryńǵaı elektr energetıkasy júıesiniń bir bóligi; 12) tehnıkalyq-ekonomıkalyq negizdemedegi tarıf (budan ári – TEN-degi tarıf) – JEK paıdalanýdy qoldaý jónindegi memlekettik saıasatty iske asyrý jónindegi ýákiletti organ nemese jergilikti atqarýshy organ bekitken jáne onymen kelisilgen JEK paıdalaný obektisin salý jobasynyń tehnıkalyq-ekonomıkalyq negizdemesinde belgilengen deńgeıden aspaıtyn elektr energııasyn bosatý baǵasy. 3. Osy Qaǵıdalarda paıdalanylǵan ózge uǵymdar Qazaqstan Respýblıkasynyń zańnamasyna sáıkes qoldanylady. 4. Osy Qaǵıdalardyń erejeleri mynalarǵa qoldanylmaıdy: 1) paıdalaný merzimi JEK paıdalanýdy qoldaý salasyndaǵy memlekettik saıasatty iske asyrý jónindegi ýákiletti organ nemese jergilikti atqarýshy organ 2013 jylǵy 21 shildege deıin bekitken jáne onymen kelisilgen JEK paıdalaný obektisiniń qurylysy jobasynyń tehnıkalyq-ekonomıkalyq negizdemesinde belgilengen ózin-ózi aqtaý merziminen asyp ketken, JEK paıdalaný obektileri bar energııa óndirýshi uıymdar; 2) jıyntyq qýaty otyz bes megavattan asatyn, bir gıdrotorapta ornalasqan qondyrǵylary bar jáne (nemese) retteýdiń táýliktik kóleminen astamyn qamtamasyz etetin sý qoımalary bar gıdroelektrstansııalary. Gıdroelektrstansııasynyń sý qoımasynyń syıymdylyǵy sý qoımasyna quıylatyn ózen aǵysynyń eseptik qamtamasyz etilýiniń táýliktik kóleminen asyp túsetin bolsa, ol retteýdiń táýliktik kóleminen astam kólemdi qamtamasyz etedi dep esepteledi. 5. Elektr energııasynyń JEK paıdalaný obektilerinen teńgerimsizdigin qarjylyq retteýdi 2004 jylǵy 9 shildedegi «Elektr energetıkasy týraly» Qazaqstan Respýblıkasy Zańynyń 5-babynyń 12) tarmaqshasyna sáıkes JEK qoldaýǵa arnalǵan tarıf boıynsha qarjy-esep aıyrysý ortalyǵy júzege asyrady. 6. Elektr energııasyn esep aıyrysý-qarjy ortalyǵyna satý úshin JEK paıdalanatyn energııa óndirýshi uıym JEK paıdalaný obektilerin elektr energııasyn kommersııalyq esepke alýdyń avtomattandyrylǵan júıelerimen qamtamasyz etedi. 7. JEK paıdalaný obektileri mynadaı túrlerge jikteledi: 1) jańadan engiziletin (jańa) JEK paıdalaný obektileri – 2013 jylǵy 21 shildege deıin JEK paıdalaný obektisiniń qurylysy jobasynyń tehnıkalyq-ekonomıkalyq negizdemesin JEK paıdalanýdy qoldaý salasyndaǵy memlekettik saıasatty iske asyrý jónindegi ýákiletti organ nemese jergilikti atqarýshy organ bekitpegen jáne onymen kelisilmegen, 2013 jylǵy 21 shildeden keıin paıdalanýǵa beriletin JEK paıdalaný obektileri; 2) qoldanystaǵy JEK paıdalaný obektileri – 2009 jyldyń shildesinen 2013 jylǵy 21 shildege deıin paıdalanýǵa berilgen, óńirlik elektr jelisi kompanııalarymen jáne (nemese) júıelik operatormen jasalǵan elektr energııasyn satyp alý-satý sharttary bar, JEK paıdalaný obektisiniń qurylysy jobasynyń tehnıkalyq-ekonomıkalyq negizdemesin JEK paıdalanýdy qoldaý salasyndaǵy memlekettik saıasatty iske asyrý jónindegi ýákiletti organ nemese jergilikti atqarýshy organ 2013 jylǵy 21 shildege deıin bekitken jáne onymen kelisilgen obektiler; 3) TEN bar JEK paıdalaný obektileri – 2013 jylǵy 21 shildeden keıin paıdalanýǵa berilgen jáne JEK paıdalaný obektisiniń qurylysy jobasynyń tehnıkalyq-ekonomıkalyq negizdemesin JEK paıdalanýdy qoldaý salasyndaǵy memlekettik saıasatty iske asyrý jónindegi ýákiletti organ nemese jergilikti atqarýshy organ 2013 jylǵy 21 shildege deıin bekitken jáne onymen kelisilgen JEK paıdalaný obektileri; 4) qaıta jańartylǵan JEK paıdalaný obektileri – qaıta jańartylatyn obektidegi jańadan engiziletin jabdyq qunynyń osy obektini qaıta jańartý jónindegi jumystar bastalǵan kezdegi qaıta jańartylatyn obektiniń aýdıtorlyq uıym rastaǵan teńgerimdik qunynyń keminde elý paıyzyn quraýy shartymen jumys istep turǵan negizgi óndirýshi jabdyqty aýystyra otyryp, 2013 jylǵy 21 shildeden keıin qaıta jańartylǵan JEK paıdalaný obektileri. 2. Jańadan engiziletin JEK paıdalaný obektilerinde óndirilgen elektr energııasyn qarjy-esep aıyrysý ortalyǵynyń ortalyqtandyrylǵan satyp alý tártibi 8. Qarjy-esep aıyrysý ortalyǵy jáne tıisti JEK paıdalaný obektisi ýákiletti organnyń ınternet-resýrsynda jarııalanǵan JEK obektilerin paıdalanatyn energııa óndirýshi uıymdardyń tizbesine (budan ári – tizbe) qosylǵan kúntizbelik 60 kún ishinde jáne elektr energııasyn jetkizý bastalǵanǵa deıin kúntizbelik otyz kúnnen keshiktirmeı ótinish berýshi osy Qaǵıdalarǵa qosymshaǵa sáıkes nysan boıynsha qarjy-esep aıyrysý ortalyǵymen elektr energııasyn satyp alý týraly shart jasasýǵa ótinim (budan ári – ótinim) beredi. 9. Qarjy-esep aıyrysý ortalyǵymen satyp alý shartyn jasasý úshin ótinish berýshi ótinimge qosa Zańnyń 7-1-baby 7-tarmaǵyna sáıkes qujattardy:usynady. 10. Qarjy-esep aıyrysý ortalyǵy ótinimdi jáne usynylǵan qujattardy alǵan kezden bastap 10 (on) jumys kúni ishinde olardy qaraıdy. О́tinish berýshi Zańnyń 7-1-baby 7-tarmaǵynda kózdelgen qujattardyń birin usynbaǵan jaǵdaıda, qarjy-esep aıyrysý ortalyǵy olar túsken kúnnen bastap 5 (bes) jumys kúni ishinde qaıtarý sebepterin kórsete otyryp, ótinimdi qaıtarady. 11. Mynadaı sharttar oryndalatyn bolsa: 1) ótinish berýshi Zańnyń 7-1-baby 7-tarmaǵynda kózdelgen qujattardy tapsyrsa; 2) JEK paıdalaný obektisi jáne ótinish berýshi tizbege qosylǵan bolsa; 3) qarjy-esep aıyrysý ortalyǵynda ótinimde kórsetilen JEK paıdalaný obektisinde óndirilgen elektr energııasyna qatysty satyp alý sharty bolmasa, qarjy-esep aıyrysý ortalyǵy ótinish berýshimen elektr energııasyn satyp alý shartyn jasasady. 12. Qarjy-esep aıyrysý ortalyǵy ótinish berýshi usynǵan qujattardyń negizinde Zańnyń 6-baby 10) tarmaqshasyna sáıkes ýákiletti organ bekitetin satyp alý shartynyń úlgi nysanyna sáıkes satyp alý shartyn jasasady. Satyp alý shartynda, «Tirkelgen tarıfterdi bekitý týraly» Qazaqstan Respýblıkasynyń Úkimetiniń 2014 jylǵy 12 maýsymdaǵy № 645 qaýlysymen bekitilgen, shartqa qol qoıylǵan sátte qoldanylatyn tirkelgen tarıf kórsetiledi. Shartqa qol qoıylǵan sátte kórsetilgen tirkelgen tarıf elektr energııasyn JEK paıdalaný obektisinen jetkizý bastalǵan sátten bastap qoldanylady jáne jyldar boıynsha keıinnen ındeksteı otyryp, 15 (on bes) jyl boıy qoldanylady. 13. Qarjy-esep aıyrysý ortalyǵymen satyp alý shartyn jasasý úshin qajetti, Zańnyń 7-1-baby 7-tarmaǵynda kózdelgen qujattar kelip túsken kúnnen bastap 10 (on) jumys kúni ishinde qarjy-esep aıyrysý ortalyǵy satyp alý sharty jobasynyń eki danasyn ótinimde kórsetilgen mekenjaı boıynsha ótinish berýshige jiberedi nemese ótinish berýshiniń qarjy-esep aıyrysý ortalyǵy ornalasqan jerdegi ýákiletti ókiline qolma-qol beredi. 14. О́tinish berýshi qarjy-esep aıyrysý ortalyǵynan satyp alý sharty jobasynyń eki danasyn alǵannan keıin kúntizbelik 30 (otyz) kúnnen aspaıtyn merzimde oǵan qol qoıady jáne qarjy-esep aıyrysý ortalyǵyna jiberedi. 15. Qarjy-esep aıyrysý ortalyǵy ótinish berýshi qol qoıǵan satyp alý shartynyń eki danasyn alǵan kezden bastap 3 (úsh) jumys kúninen aspaıtyn merzimde olarǵa qol qoıady jáne satyp alý shartynyń qol qoıylǵan bir danasyn ótinimde kórsetilgen mekenjaı boıynsha ótinish berýshige jiberedi nemese ótinish berýshiniń qarjy-esep aıyrysý ortalyǵy ornalasqan jerdegi ýákiletti ókiline beredi. 16. Satyp alý shartyna qol qoıylǵannan keıin ótinish berýshi qarjy-esep aıyrysý ortalyǵyna mynadaı qujattardy jiberedi: 1) oǵan qatysty satyp alý sharty jasalatyn JEK paıdalaný obektisin salý qurastyrý jumystary bastalǵany týraly memlekettik sáýlet-qurylys baqylaýyn júzege asyratyn memlekettik organǵa jiberilgen habarlamanyń kóshirmesi – satyp alý shartyna qol qoıylǵan kúnnen bastap 18 (on segiz) aı ishinde; 2) oǵan qatysty satyp alý sharty jasalatyn jańa JEK paıdalaný obektisin paıdalanýǵa qabyldaý týraly memlekettik qabyldaý komıssııasy aktisiniń kóshirmesi – satyp alý shartyna qol qoıylǵan kúnnen bastap 36 (otyz alty) aı ishinde; 3) oǵan qatysty satyp alý sharty jasalatyn JEK paıdalaný obektisi úshin energııa berýshi uıym men ótinish berýshi arasynda qol qoıylǵan taraptardyń teńgerimdik tıesililigi men paıdalanýdaǵy jaýapkershiliginiń arajigin ajyratý aktisiniń kóshirmesi – taraptardyń teńgerimdik tıesililigi men paıdalanýdaǵy jaýapkershiliginiń arajigin ajyratý aktisine qol qoıylǵan kúnnen bastap 10 (on) jumys kúni ishinde jáne JEK paıdalaný obektisin keshendi synaý bastalǵanǵa deıin; 4) oǵan qatysty satyp alý sharty jasalatyn JEK paıdalaný obektisi úshin energııa berýshi uıym men ótinish berýshi arasynda qol qoıylǵan elektr energııasyn kommersııalyq esepke alý shemasyn qabyldap alý aktisiniń kóshirmesi – elektr energııasyn kommersııalyq esepke alý shemasyn qabyldap alý aktisine qol qoıylǵan kúnnen bastap 10 (on) jumys kúni ishinde jáne JEK paıdalaný obektisin keshendi synaý bastalǵanǵa deıin; 5) oǵan qatysty satyp alý sharty jasalatyn JEK paıdalaný obektisiniń tehnıkalyq pasportynyń kóshirmesi – satyp alý shartyna qol qoıylǵan kúnnen bastap 42 (qyryq eki) aı ishinde. 17. Osy Qaǵıdalardyń 16-tarmaǵynyń 1) - 2) tarmaqshalarynda kózdelgen merzimderdiń qandaı da biri kúntizbelik 6 (alty) aıdan artyq merzimi buzylǵan jaǵdaıda, satyp alý sharty óziniń qoldanysyn toqtatady. 18. О́tinish berýshiniń JEK paıdalaný obektisiniń elektr qondyrǵylaryn keshendi synaý bastalǵan kún JEK paıdalaný obektisi óndirgen elektr energııasyn satyp alý bastalǵan kún bolyp tabylady, bul jaǵdaıda elektr energııasy energııa berýshi uıymnyń elektr jelilerine beriledi. Keshendi synaqtar júrgizý kezeńinde jańadan engizilgen JEK paıdalaný obektisi óndirgen elektr energııasyna kommersııalyq esepke alý aspaptarynyń ótinish berýshi men energııa berýshi uıym usynǵan naqty kórsetkishteri boıynsha qarjy-esep aıyrysý ortalyǵy aqy tóleıdi. 19. О́tinish berýshi qarjy-esep aıyrysý ortalyǵyna jáne jelisine JEK paıdalaný obektisi qosylǵan energııa berýshi uıymdy tıisti synaqtardy júrgizý bastalǵanǵa deıin kúntizbelik 30 (otyz) kún buryn JEK paıdalaný obektisiniń elektr qondyrǵylaryn keshendi synaý júrgiziletin kún týraly habardar etedi jáne aǵymdaǵy kúntizbelik jyldyń sońyna deıingi kezeńde elektr energııasyn óndirýdiń, jelige bosatýdyń aılarǵa bólingen boljamdy kólemin usynady. 20. Satyp alý shartyna sáıkes JEK paıdalaný obektisi óndirgen elektr energııasyn satyp alý bastalǵan kúnnen bastap kúntizbelik 15 (on bes) jyl ótken soń satyp alý sharty men tıisti tirkelgen tarıf óz qoldanysyn toqtatady. 21. Satyp alý shartyna sáıkes JEK paıdalaný obektisiniń elektr qondyrǵylaryn keshendi synaý bastalǵan kúnnen bastap kúntizbelik 15 (on bes) jyl boıy jańadan engizilgen JEK paıdalaný obektisi óndirgen jáne elektr jelisine bosatqan elektr energııasynyń búkil kólemi úshin qarjy-esep aıyrysý ortalyǵy ótinish berýshige aqy tóleıdi. 22. Eger paıdalanýǵa berilgen JEK paıdalaný obektisiniń is júzindegi parametrleri satyp alý shartynda kórsetilgen parametrlerden ózgeshe bolsa, qarjy-esep aıyrysý ortalyǵy men ótinish berýshi JEK paıdalaný obektisiniń sıpattamasyn is júzindegi mán-jaılarmen sáıkes keltirý úshin memlekettik qabyldaý komıssııasynyń JEK paıdalaný obektisin paıdalanýǵa qabyldaý týraly aktisiniń kóshirmesi qarjy-esep aıyrysý ortalyǵyna usynylǵan kúnnen bastap kúntizbelik 30 (otyz) kún ishinde satyp alý shartyna tıisti qosymsha kelisim jasaıdy. 23. JEK paıdalaný obektisiniń elektr qondyrǵylaryn keshendi synaý aıaqtalǵannan keıin satyp alý shartyn jasaǵan ótinish berýshi qarjy-esep aıyrysý ortalyǵyna mynadaı aqparatty: 1) elektr energııasyn óndirýdiń, jelige bosatýdyń boljamdy kólemi, elektr energııasyn jetkizýdiń aldaǵy jetkizý aıyna arnalǵan bir aılyq táýliktik saǵattyq kesteleri - aı saıyn, jetkizý aıyna deıin kúntizbelik on kún qalǵanda; 2) elektr energııasyn óndirýdiń, jelige bosatýdyń aldaǵy bir jylǵa arnalǵan, aılarǵa bólingen boljamdy kólemi - jyl saıyn, jıyrmasynshy jeltoqsanǵa qaraı; 3) elektr energııasyn jetkizýdiń aldaǵy táýlikke arnalǵan táýliktik boljamdy kesteleri - kún saıyn, Astana ýaqyty boıynsha 11 saǵat 00 mınýtqa deıin; 4) elektr energııasyn jelige bosatýdyń is júzindegi bir aılyq táýlik saıynǵy saǵattyq kólemi – jetkizý aıynan keıingi aıdyń besinshi kúninen keshiktirmeı únemi jiberip turady. 24. JEK paıdalaný obektisiniń elektr qondyrǵylaryn keshendi synaý aıaqtalǵannan keıin satyp alý shartyn jasaǵan ótinish berýshi óńirlik elektr jelilik kompanııasyna jáne (nemese) júıelik operatorǵa elektr energııasyn jetkizýdiń táýliktik (aldaǵy táýlikke arnap Astana ýaqyty boıynsha 11 saǵat 00 mınýtqa deıin) jáne aılyq (aı bastalǵanǵa deıin kúntizbelik on kún buryn) kestesin únemi jiberip turady. 25. Jelilerine JEK paıdalaný obektileri qosylǵan energııa berýshi uıymdar aı saıyn, jetkizý aıynan keıingi aıdyń besinshi kúninen keshiktirmeı qarjy-esep aıyrysý ortalyǵyna ózderiniń jelilerine JEK paıdalaný obektileri jetkizgen elektr energııasynyń kommersııalyq esepke alý aspaptary kórsetkishteriniń negizinde aıqyndalǵan kólemi týraly málimetterdi jiberedi. 26. Qarjy-esep aıyrysý ortalyǵy satyp alý shartyn jasaǵan ótinish berýshige energııa berýshi uıymnyń elektr jelisine berilgen elektr energııasy úshin ótinish berýshiniń tıisti shotynyń negizinde jetkizý aıy aıaqtalǵan kúnnen bastap kúntizbelik 30 (otyz) kún ótken soń 15 (on) bes jumys kúninen keshiktirmeı aqy tóleıdi. 27. Qarjy-esep aıyrysý ortalyǵy JEK paıdalaný obektisinde kommersııalyq esepke alý aspaptary bolmaǵan nemese olar aqaýly bolǵan kezeńde osy obektiler óndirgen elektr energııasy úshin aqy tólemeıdi. 28. Satyp alý shartyn jasaǵan ótinish berýshi elektr energııasyn óndirýdiń, jelige bosatýdyń is júzindegi jáne boljamdy kólemi men elektr energııasyn jetkizý kesteleriniń arasyndaǵy alshaqtyq úshin jaýapty bolmaıdy. 29. Eger elektr energııasyn jetkizýdiń táýliktik kestesinde málimdelgen mólsher jelige bosatý jónindegi is júzindegi derekterge 10 %-dan astam sáıkes kelmegen jaǵdaıda, júıelik operator ótinish berýshi jelige bosatqan, kommersııalyq esepke alý aspaptarynda tirkelgen is júzindegi derekterge sáıkes osy ótinish berýshiniń táýliktik kestesin qalyptastyrady. 30. Qarjy-esep aıyrysý ortalyǵy men energııa berýshi uıymnyń ýákiletti jumyskerleri tıisti ótinish berýshide qoldanylatyn qaýipsizdik tehnıkasyna qoıylatyn talaptardy saqtaǵan jáne JEK obektisine barý ýaqyty men kúni ótinish berýshimen kelisilgen jaǵdaıda, satyp alý shartyn jasaǵan ótinish berýshi olardyń JEK paıdalaný obektisi qosylǵan elektr jelilerine, JEK paıdalaný obektisine, sondaı-aq elektr energııasyn kommersııalyq esepke alý aspaptaryna qol jetkizýin qamtamasyz etedi. 31. Qarjy-esep aıyrysý ortalyǵy men ótinish berýshiler ózara esep aıyrysýdy jylyna keminde bir ret salystyryp tekserýdi júrgizedi. 32. Satyp alý shartyn jasasqan ótinish berýshige: 1) satyp alý shartynda kózdelgen óndirýshi jabdyqtyń belgilengen jıyntyq qýatyn ulǵaıtý jolymen oǵan qatysty satyp alý sharty jasalǵan JEK paıdalaný obektisin ózgertýge; 2) qarjy-esep aıyrysý ortalyǵyna JEK paıdalanýdan óndirilmegen elektr energııasyn satýǵa; 3) qarjy-esep aıyrysý ortalyǵyna elektr energııasyn basqa satyp alý sharty boıynsha satýdy qospaǵanda, oǵan JEK paıdalaný obektisinde óndirilmegen elektr energııasyn satýǵa jol berilmeıdi. 33. Qarjy-esep aıyrysý ortalyǵynyń satyp alý shartyn oryndaýdan bas tartpaıdy nemese satyp alý shartyn birjaqty tártippen buzbaıdy. 3. Qoldanystaǵy JEK paıdalaný obektilerinde óndirilgen elektr energııasyn qarjy-esep aıyrysý ortalyǵynyń ortalyqtandyrylǵan satyp alý tártibi 34. Qoldanystaǵy JEK paıdalaný obektisi bar jáne elektr energııasyn qarjy-esep aıyrysý ortalyǵyna satyp alý shemasyn tańdaǵan ótinish berýshi oǵan ótinimge qosa Zańnyń 7-1-baby 7-tarmaǵyna sáıkes qujattardy:usynady. 35. Qarjy-esep aıyrysý ortalyǵy ótinimdi jáne usynylǵan qujattardy alǵan kezden bastap 10 (on) jumys kúninen aspaıtyn merzimde olardy qaraıdy. О́tinish berýshi Zańnyń 7-1-baby 7-tarmaǵynda kózdelgen qujattardyń birin usynbaǵan jaǵdaıda, qarjy-esep aıyrysý ortalyǵy olar túsken kúnnen bastap 5 (bes) jumys kúni ishinde qaıtarý sebepterin kórsete otyryp, ótinimdi qaıtarady. 36. Mynadaı sharttar oryndalatyn bolsa: 1) ótinish berýshi Zańnyń 7-1-baby 7-tarmaǵynda kózdelgen qujattardy usynsa; 2) ótinish berýshi qarjy-esep aıyrysý ortalyǵyna elektr energııasyn satý shemasyn tańdasa jáne 2013 jylǵy 21 shildeden keıin kúntizbelik 60 (alpys) kún ishinde ýákiletti organdy jazbasha habardar etse; 3) qarjy-esep aıyrysý ortalyǵynda ótinimde kórsetilgen JEK paıdalaný obektisinde óndirilgen elektr energııasyna qatysty satyp alý sharty bolmasa, qarjy-esep aıyrysý ortalyǵy ótinish berýshimen elektr energııasyn satyp alý shartyn jasasady. 37. Qarjy-esep aıyrysý ortalyǵy jáne ótinish berýshi Zańnyń 6-baby 10) tarmaqshasyna sáıkes ýákiletti organ bekitetin satyp alýǵa arnalǵan sharttyń úlgili nysanyna sáıkes osy Qaǵıdalardyń 13 - 15-tarmaqtarynda kózdelgen tártippen shartqa qol qoıady. Satyp alý shartynda «Jańartylatyn energııa kózderin paıdalanatyn energııa óndirýshi uıymdar úshin jańartylatyn energııa kózderin paıdalaný obektisin salý jobasynyń ýákiletti nemese jergilikti atqarýshy organ bekitken jáne onymen kelisilgen tehnıkalyq-ekonomıkalyq negizdemesinde belgilengen bosatý baǵasynyń deńgeıinen aspaıtyn tarıfterdi jáne tehnıkalyq-ekonomıkalyq negizdemege sáıkes onyń qoldanylý merzimderin bekitý týraly» Qazaqstan Respýblıkasynyń Úkimetiniń 2014 jylǵy 29 sáýirdegi № 419 qaýlysymen bekitilgen tarıf tenıkalyq-ekonomıkalyq negizdemede kórsetiledi. 38. Qarjy-esep aıyrysý ortalyǵy satyp alý shartyna sáıkes JEK paıdalaný obektisine tehnıkalyq-ekonomıkalyq negizdemede belgilengen ózin-ózi aqtaýdyń qalǵan merzimi ishinde óndirilgen jáne jelige jiberilgen elektr energııasynyń barlyq kólemi úshin ótinish berýshiden satyp alady jáne tóleıdi. 39. Satyp alý sharty jáne tehnıkalyq-ekonomıkalyq negizdemedegi tıisti tarıf tehnıkalyq-ekonomıkalyq negizdemede JEK paıdalaný obektisi úshin belgilengen ózin ózi aqtaýdyń qalǵan merzimi aıaqtalǵan soń óz áreket etýin toqtatady. 40. Qoldanystaǵy JEK paıdalaný obektileri bar jáne elektr energııasyn qarjy-esep aıyrysý ortalyǵyna satý shemasyn tańdaǵan ótinish berýshilerge osy Qaǵıdalardyń 23- 33-tarmaqtarynyń erejeleri qoldanylady. 4. TEN bar JEK paıdalaný obektilerinde óndirilgen elektr energııasyn qarjy-esep aıyrysý ortalyǵynyń ortalyqtandyryp satyp alýy tártibi 41. Tehnıkalyq-ekonomıkalyq negizdemesi bar JEK paıdalaný obektileri bar nemese tehnıkalyq-ekonomıkalyq negizdemesi bar JEK paıdalaný obektisin salýdy josparlaıtyn, elektr energııasyn qarjy-esep aıyrysý ortalyǵyna satý shemasyn tańdaǵan ótinish berýshi satyp alý shartyn jasasýǵa qarjy-esep aıyrysý ortalyǵyna elektr energııasyn satýdyń shemasyn tańdaǵany týraly ýákiletti organ habardar etilgen kúnnen buryn emes jáne elektr energııasyn jetkizý bastalǵanǵa deıin 30 (otyz) kúntizbelik kúnnen keshiktirmeı ótinim beredi. 42. Qarjy-esep aıyrysý ortalyǵymen shart jasasý úshin ótinish berýshi ótinimge qosa Zańnyń 7-1-baby 7-tarmaǵyna sáıkes qujattardy:usynady. 43. Qarjy-esep aıyrysý ortalyǵy ótinimdi jáne usynylǵan qujattardy alǵan kúnnen kezden bastap olardy 10 (on) jumys kúninen aspaıtyn merzimde qaraıdy. О́tinish berýshi ótinimge qosa Zańnyń 7-1-baby 7-tarmaǵynda kózdelgen qujattardyń bireýin usynbaǵan jaǵdaıda, qarjy-esep aıyrysý ortalyǵy olar túsken kúnnen bastap 5 (bes) jumys kúni ishinde qaıtarý sebepterin kórsete otyryp, ótinimdi qaıtarady. 44. Mynadaı sharttar oryndalatyn bolsa: 1) ótinish berýshi Zańnyń 7-1-baby 7-tarmaǵynda kózdelgen qujattardy usynsa; 2) JEK paıdalaný obektisi jáne ótinish berýshi tizbege qosylǵan bolsa; 3) qarjy-esep aıyrysý ortalyǵynda de kórsetilgen JEK paıdalaný obektisinde óndirilgen elektr energııasyna qatysty satyp alý sharty bolmasa; 4) ótinish berýshi qarjy-esep aıyrysý ortalyǵyna elektr energııasyn satý shemasyn tańdaǵany týraly Qazaqstan Respýblıkasynyń Úkimeti tirkelgen tarıfterdi bekitý týraly aktisi qoldanysqa engizilgennen keıin kúntizbelik 30 (otyz) kún ishinde ýákiletti organǵa habarlasa, qarjy-esep aıyrysý ortalyǵy ótinish berýshimen elektr energııasyn satyp alý shartyn jasasady. 45. Qarjy-esep aıyrysý ortalyǵy jáne ótinish berýshi Zańnyń 6-baby 10) tarmaqshasyna sáıkes ýákiletti organ bekitetin satyp alýǵa arnalǵan sharttyń úlgi nysanyna sáıkes osy Qaǵıdalardyń 13 - 15-tarmaqtarynda kózdelgen tártippen shartqa qol qoıady. О́tinish berýshi tańdap alǵan elektr energııasyn satý shemasyna baılanysty satyp alý shartynda tehnıkalyq-ekonomıkalyq negizdemedegi nemese «Tirkelgen tarıfterdi bekitý týraly» Qazaqstan Respýblıkasynyń Úkimetiniń 2014 jylǵy 12 maýsymdaǵy № 645 qaýlysymen bekitilgen, shartqa qol qoıylǵan kezde qoldanylatyn tarıf kórsetiledi. Qol qoıylǵan kezde shartta kórsetilgen tirkelgen tarıf elektr energııasy obektiden jetkizilgen kezden bastap JEK paıdalaný obektisine deıin qoldanylady jáne jyldar boıynsha keıin ındeksteý júrgizilip, 15 (on bes) jyl ishinde qoldanylady. 46. Tehnıkalyq-ekonomıkalyq negizdemesi bar JEK paıdalaný obektileri bar nemese qarjy-esep aıyrysý ortalyǵyna elektr energııasyn satý shemasyn tańdap alǵan tehnıkalyq-ekonomıkalyq negizdemesi bar JEK paıdalaný obektilerin salýdy josparlaıtyn ótinish berýshilerge osy Qaǵıdalardyń 16 - 17 jáne 23 - 33-tarmaqtarynyń erejeleri qoldanylady. 47. Eger ótinim berý kezinde ótinish berýshiniń TEN bar JEK paıdalaný obektisi paıdalanýǵa engizilgen bolsa, ótinish berýshi ótinimmen birge qarjy-esep aıyrysý ortalyǵyna mynadaı qujattardy jiberedi: 1) osy Qaǵıdalardyń 16-tarmaǵynyń 2), 3), 4) tarmaqshalarynda kózdelgen, sondaı-aq satyp alý shartyn jasaýǵa ótinimmen bir ýaqytta aılar boıynsha bólinip, aǵymdaǵy kúntizbelik jyldyń aıaǵyna deıingi kezeńde elektr energııasyn shyǵarýdyń, jelige jiberýdiń boljanatyn kólemi; 2) osy Qaǵıdalardyń 16-tarmaǵynyń 5) tarmaqshasynda kózdelgen – satyp alý shartyna qol qoıylǵan kúnnen bastap 6 (alty) aı ishinde. 48. Qarjy-esep aıyrysý ortalyǵynyń tehnıkalyq-ekonomıkalyq negizdemesi bar JEK paıdalaný obektisi shyǵarǵan elektr energııasyn satyp alýdyń bastalatyn kúni eger keshendi synaq satyp alý sharty jasalǵanǵa deıin júrgizilmese, energııa berýshi uıymnyń elektr jelisine elektr energııasyn shyǵaratyn ótinish berýshiniń JEK paıdalaný obektisiniń elektr qondyrǵylarynyń keshendi synaǵy bastalatyn kún nemese eger keshendi synaq satyp alý sharty jasalǵanǵa deıin ótkiziligen bolsa, satyp alý shartynda kórsetilgen kún bolyp tabylady. Keshendi synaqtardy ótkizý kezeńinde tehnıkalyq-ekonomıkalyq negizdemesi bar JEK obektisi shyǵarǵan elektr energııasyn qarjy-esep aıyrysý ortalyǵy ótinish berýshi jáne energııa berýshi uıym usynǵan kommersııalyq esepke alý aspaptarynyń naqty kórsetkishteri boıynsha tóleıdi. 49. О́tinish berýshi qarjy-esep aıyrysý ortalyǵyna jáne jelisine tehnıkalyq-ekonomıkalyq negizdemesi bar JEK paıdalaný obektisi qosylǵan energııa berýshi uıymǵa eger tıisti synaq satyp alý sharty jasalǵanǵa deıin ótkizilmese, ony ótkizý bastalǵanǵa deıin kúntizbelik 30 (otyz) kún buryn JEK paıdalaný obektisiniń elektr qondyrǵylaryna keshendi synaq ótkizý kúni týraly habarlaıdy. 50. Eger ótinish berýshi elektr energııasyn qarjy-esep aıyrysý ortalyǵyna tirkelgen tarıf boıynsha satý shemasyn tańdasa, onda satyp alý sharty men tıisti tirkelgen tarıf satyp alý shartyna sáıkes tehnıkalyq-ekonomıkalyq negizdemesi bar JEK paıdalaný obektisi shyǵarǵan elektr energııasyn satyp alý bastalatyn kúnnen bastap kúntizbelik on bes jyl ótkennen keıin óziniń qoldanylýyn toqtatady. Qarjy-esep aıyrysý ortalyǵy ótinish berýshige tehnıkalyq-ekonomıkalyq negizdemesi bar JEK paıdalaný obektisi shyǵarǵan jáne energııa berýshi uıymnyń elektr jelisine ótkizgen elektr energııasynyń búkil kólimi úshin qarjy-esep aıyrysý ortalyǵy satyp alý shartyna sáıkes tehnıkalyq-ekonomıkalyq negizdemesi bar JEK paıdalaný obektisi shyǵarǵan elektr energııasyn satyp alý bastalǵan kúnnen bastap kúntizbelik 15 (on bes) jyl ishinde tóleıdi. Eger ótinish berýshi qarjy-esep aıyrysý ortalyǵyna elektr energııasyn tehnıkalyq-ekonomıkalyq negizdemedegi tarıf boıynsha satý shemasyn tańdasa, onda qarjy-esep aıyrysý ortalyǵy satyp alý shartyna sáıkes tehnıkalyq-ekonomıkalyq negizdemede JEK paıdalaný obektisi úshin belgilengen qalǵan táýliktik merzim ishinde shyǵarylǵan jáne jelige jiberilgen búkil elektr energııasyn satyp alady jáne ótinish berýshige tóleıdi. 51. Satyp alý sharty jáne tehnıkalyq-ekonomıkalyq negizdemedegi tıisti tarıf tehnıkalyq-ekonomıkalyq negizdemede JEK paıdalaný obektisi úshin belgilengen qalǵan táýliktik merzim ótkennen keıin óziniń qoldanylýyn toqtatady. 5. Qaıta jańartylǵan JEK paıdalaný obektilerinde óndirilgen elektr energııasyn qarjy-esep aıyrysý ortalyǵynyń ortalyqtandyrylǵan satyp alý tártibi 52. Qaıta jańartylǵan JEK paıdalaný obektisi bar ótinish berýshi qarjy-esep aıyrysý ortalyǵyna satyp alý shartyn jasasýǵa ótinimdi JEK paıdalaný obektisin qaıta jańartý aıaqtalǵannan keıin ony jáne tıisti JEK paıdalaný obektisin ýákiletti organnyń ınternet-resýrsynda jarııalanǵan JEK obektilerin paıdalanatyn energııa óndiretin uıymdar tizbesine (budan ári - tizbe) engizgen kúntizbelik 60 kún ishinde jáne elektr energııasyn jetkizý bastalǵanǵa deıin kúntizbelik 30 (otyz) kúnnen keshiktirmeı ótinimge qosa Zańnyń 7-1-baby 7-tarmaǵyna sáıkes qujattardy:usynady. 53. Qarjy-esep aıyrysý ortalyǵy ótinimdi jáne usynylǵan qujattardy alǵan kezden bastap 10 (on) jumys kúni ishinde olardy qaraıdy. О́tinish berýshi Zańnyń 7-1-baby 7-tarmaǵynda kózdelgen qujattardyń birin usynbaǵan jaǵdaıda, qarjy-esep aıyrysý ortalyǵy olar túsken kúnnen bastap 5 (bes) jumys kúni ishinde qaıtarý sebepterin kórsete otyryp, ótinimdi qaıtarady. 54. Mynadaı sharttar oryndalatyn bolsa: 1) ótinish berýshi Zańnyń 7-1-baby 7-tarmaǵynda kózdelgen qujattardy usynsa; 2) JEK paıdalaný obektisi jáne ótinish berýshi tizbege qosylǵan bolsa; 3) qarjy-esep aıyrysý ortalyǵynda ótinimde kórsetilgen qaıta jańartylǵan JEK paıdalaný obektisinde óndirilgen elektr energııasyna qatysty satyp alý sharty bolmasa; 4) qaıta jańartylatyn obektide engiziletin jańa jabdyqtyń quny aýdıtorlyq uıym rastaǵan osy obektini úshin qaıta jańartý jumystar bastalǵan kezdegi qaıta jańartý obektisiniń teńgerimdik qunynyń keminde elý paıyzyn quraıtyn bolsa, qarjy-esep aıyrysý ortalyǵy elektr energııasyn satyp alý shartyn ótinish berýshimen jasasady. 55. Qaıta jańartylǵan JEK paıdalaný obektileri bar ótinish berýshilerge osy Qaǵıdalardyń 12-15 jáne 23 – 33-tarmaqtarynyń erejeleri qoldanylady. 56. Satyp alý shartyna qol qoıylǵannan keıin 6 (alty) aı ishinde ótinish berýshi qarjy-esep aıyrysý ortalyǵyna qaıta jańartylǵan JEK paıdalaný obektisine tehnıkalyq pasporttyń kóshirmesin jiberedi. 57. Qaıta jańartylǵan JEK paıdalaný obektisi shyǵarǵan elektr energııasyn satyp alýdyń kúni satyp alý shartynda kórsetilgen kún bolyp tabylady. 58. Satyp alý shartyna sáıkes satyp alý sharty men tirkelgen tarıf qaıta jańartylǵan JEK paıdalaný obektisi shyǵarǵan elektr energııasyn satyp alý bastalatyn kúnnen bastap kúntizbelik on bes jyl ótkennen keıin óziniń qoldanylýyn toqtatady. 59. Qarjy-esep aıyrysý ortalyǵy ótinish berýshige satyp alý shartyna sáıkes elektr energııasyn satyp alý bastalǵan kúnnen bastap kúntizbelik 15 (on bes) jyl ishinde qaıta jańartylǵan JEK paıdalaný obektisi óndirgen jáne energııa berýshi uıymnyń jelisine jibergen elektr energııasynyń búkil kólemi úshin tóleıdi. 6. JEK obektileri óndirgen elektr energııasyn qarjy-esep aıyrysý ortalyǵynyń shartty tutynýshylarǵa ortalyqtandyrylǵan satý tártibi 60. Shartty tutynýshylar: 1) aı saıyn jetkizý aıyna deıin kúntizbelik 10 (on) kún qalǵanda qarjy-esep aıyrysý ortalyǵyna elektr energııasyn shyǵarýdyń, jelige jiberýdiń, energııa berýshi uıymdar men tutynýshylarǵa jetkizýdiń nemese Qazaqstan Respýblıkasynan tys jerlerden qabyldanatyn boljamdy aılyq kólemderi týraly aqparatty jiberedi; 2) jyl saıyn jıyrmasynshy jeltoqsanǵa deıin qarjy-esep aıyrysý ortalyǵyna aldaǵy jyly elektr energııasyn shyǵarýdyń, jelige jiberýdiń, energııa berýshi uıymdar men tutynýshylarǵa jetkizýdiń boljamdy kólemderi týraly aqparatty jiberedi. 61. 23-tarmaqtyń 1) tarmaqshasyna sáıkes alynǵan derekterdiń negizinde qarjy-esep aıyrysý ortalyǵy aı saıyn jetkizý aıyna deıin kúntizbelik 7 (jeti) kún ishinde shartty tutynýshylardyń árqaısysyna JEK paıdalaný obektilerinen elektr energııasyn jetkizýdiń boljamdy aılyq táýliktik saǵat saıynǵy kestesin jiberedi. 62. JEK paıdalanýǵa qoldaýǵa jumsalatyn shyǵyndardy qarjy-esep aıyrysý ortalyǵy elektr energııasyn shartty tutynýshylar arasynda olardyń elektr energııasyn tutynýynyń aımaǵyn eskerip, olardyń jelige jiberý úlesine barabar bóledi. 63. Qarjy-esep aıyrysý ortalyǵy shartty tutynýshylarmen Zańnyń 6-baby 10) tarmaqshasyna sáıkes ýákiletti organ bekitiletin satý shartynyń úlgi nysanyna sáıkes satý shartyn jasasady. 64. Shartty tutynýshymen satý shartyna qarjy-esep aıyrysý ortalyǵynyń birinshi basshysy nemese satyp alý shartyna qol qoıýǵa ýákiletti ózge adam eki danada qol qoıady jáne ol shartty tutynýshyǵa qol qoıý úshin kúntizbelik jyl bastalǵanǵa deıin kúntizbelik 5 (bes) jumys kúninen keshiktirilmeı jiberiledi. 65. Shartty tutynýshynyń birinshi basshysy nemese shartty tutynýshynyń atynan satyp alý shartyna qol qoıýǵa ýákiletti ózge adam qarjy-esep aıyrysý ortalyǵy daıyndaǵan satý shartyna eki danada ony alǵan kúnnen bastap 5 (bes) jumys kúninen aspaıtyn merzimde qol qoıady. 66. Shartty tutynýshy qol qoıylǵan satý shartynyń bir danasyn ony alǵan kezden bastap 7 (jeti) jumys kúni ishinde qarjy-esep aıyrysý ortalyǵyna jiberedi. 67. Qazaqstan Respýblıkasynyń elektr energııasy naryǵynda qyzmetin bastaýdy josparlaıtyn shartty tutynýshy jelige óziniń elektr energııasyn jetkizýdi bastaǵanǵa deıin kúntizbelik 10 (on) kúnnen keshiktirmeı qarjy-esep aıyrysý ortalyǵymen satý shartyn jasasady. 68. Qarjy-esep aıyrysý ortalyǵy qol qoıǵan satý shartyna shartty tutynýǵa qol qoımaǵan jáne (nemese) shartty tutynýshy tarapynan qol qoıylǵan satý shartyn qarjy-esep aıyrysý ortalyǵy jibergen kezden bastap kúntizbelik 20 (jıyrma) kún ishinde qarjy-esep aıyrysý ortalyǵy almasa, satý sharty jasalǵan bolyp esepteledi jáne Zańǵa sáıkes oryndalýǵa jatady. 69. Júıelik operator jetkizý aıynan keıingi aıdyń jıyrmasyna deıin qarjy-esep aıyrysý ortalyǵyna Qazaqstan Respýblıkasynyń elektr energııasynyń kóterme naryǵyndaǵy elektr energııasyn óndirý-tutynýdyń naqty balansyn usynady, qarjy-esep aıyrysý ortalyǵy oǵan sáıkes tólemge shotty qalyptastyryp, shartty tutynýshylarǵa jiberedi. 70. Shartty tutynýshy jetkizilgen elektr energııasy úshin qarjy-esep aıyrysý ortalyǵyna jetkizý aıy aıaqtalǵannan keıin kúntizbelik 30 (otyz) kúnnen keshiktirmeı qarjy-esep aıyrysý ortalyǵy jańartylatyn energııa kózderin qoldaýǵa tarıfter boıynsha aqy tóleıdi. 71. Eger esep aıyrysý kezeńiniń qorytyndylary boıynsha qarjy-esep aıyrysý ortalyǵynyń JEK-ti paıdalanýshy energııa óndirýshi uıymdardan elektr energııasyn satýdan alǵan aqsha somasy aǵymdaǵy aıda JEK paıdalanýdy qoldaýǵa shyǵyndardy óteý úshin qajetti shamadan az b