Toǵyz jasar rekordshy

Astana qalasynda qolmen jerden kóterilýden 9 jastaǵy oqýshy bala Ámir Mahmet taǵy da balalar arasynda álemdik jáne Qazaqstan boıynsha absolıýtti rekord jasady. Buǵan deıin Á.Mahmet KIıES Qazaqstan rekordtar kitabynyń úsh márte rekordshysy bolǵan edi. Alǵashqy úlken jetistigin ol byltyr Street Workout boıyn­sha jazǵy maýsymnyń ashylý saltanaty kezinde jerden 450 ret qolymen kóterilip jasaǵan bolatyn. Ekinshi kórsetkishin Aqmola oblysynyń chempıonatynda 30 mınýtta 50 ret kóterip jasaǵan. Al úshinshisinde, Qazaq handyǵynyń 550 jyldyq mereıtoıy kezinde keýdesimen jerden 550 ret kóterildi. Ol «planka ustaý» sporttyq jattyǵýyn 60 mınýt boıy jasap, tórtinshi ret absolıýtti rekordty jańartty. Bir qara­ǵanda, oqýshy balanyń keýdeni jerden 550 ret kótere alady degenge sený qıyn. Al «planka ustaý» sporttyq jattyǵýyn 60 mınýt boıy jasaý ekiniń biriniń qolynan kele bermeıdi. О́ıt­keni, daıyndyǵy joq adam «plan­kany» eki mınýttaı, sport­shy bes mınýttaı ǵana ustaı alady. Á.Mahmettiń týǵan-týys­tary onyń rekordyn Gınnes-tiń rekordtar kitabyna engizý týraly ótinish beretinderin aıtty. Al balanyń ózi jańa rekordyn 23 sáýirde AQSh-tyń Los-Andjeles qalasynda Gennadıı Golovkınniń Domınık Ýeıdpen ótetin jekpe-jegine arnaıtynyn jetkizdi. Dastan KENJALIN, «Egemen Qazaqstan»