«Men – chempıon!»

jobasy 12 myń oqýshyny qamtıdy 2000 jyly «Men – chempıon!» televızııalyq baǵdarlamasy paıda bolyp, oqýshylar arasynda sporttyń keń qulash jaıýy arqyly salamatty ómir saltyn nasıhattaýdy maqsat etken bolatyn. Jergilikti mýnısıpaldy teleradıo arnasynyń dırektory Evgenıı Sazanovtyń bastamasy mektepter tarapynan keń qoldaý taýyp, úl­ken qyzyǵýshylyq týdyrǵan. Alaıda, qarajat tapshylyǵynan jobanyń aıaqsyz qalýy talaılardy ókindirgen. Byltyr aımaq basshysy, «Nur Otan» partııasy SQOF-tyń tór­­aǵasy Erik Sulta­nov­tyń bıýd­jetten qarjy ból­dir­týi, «Zen­chenko jáne K» koman­dıt­­tik serik­testiginiń, «AKS» fır­ma­sy­nyń demeýshiligi arqasynda jaqsy joba jandanyp, qaıtadan máre aldy. «Men – chempıon!» balalar sport oıynynyń mektepishilik birinshi kezeńine 1025 komandadan 10 myńǵa tarta balǵyn belsene atsalysyp, kúshterin synasty. Ekinshi kezeńge 13 aýdan men 3 qa­lalyq komanda ótip, basty báseke 1500 oqýshynyń arasynda ótti. Jýyrda úsh kezeńnen turatyn jarystyń qorytyndysy boıynsha Aqjar aýdany men Petropavl qalasyndaǵy № 7 mekteptiń ko­man­dalary aqtyq saıysta bel­desip, bas júldeni sarapqa sal­dy. Asa tartys­ty ótken dodada petropavldyq óren­derdiń me­reıi ústem bolyp, jarystyń jeńim­pa­zy atandy. Aımaq basshysy Erik Sultanov jeńimpazdardyń tynyǵyp qaıtýy úshin «Baldáýren» saýyqtyrý la­gerine joldamalar tapsyrdy. Mundaı qurmetke 3-orynǵa kó­terilgen Esil aýdanynyń komandasy da ıe boldy. – Byltyrǵa qaraǵanda qaty­sý­shylardyń sany 1,5 esege kó­beıip, oıyn erejesi men tárti­bine ózgerister engizildi. Eń bas­ty­sy, qyzyqty ótýi úshin talap kúsheıtildi. Endi, Bilim jáne ǵy­lym mınıstrliginiń qoldaýymen respýb­lıkalyq mártebe alyp, ózge óńir oqýshylarynyń qatysýymen bıyl Qyzyljar óńirinde uıym­dastyrý uıǵarylyp otyr, – deıdi baǵdarlamanyń avtory E.Sazanov. Onyń alda josparlap otyrǵany – jobany TMD deńgeıine deıin kóterý. Ýlıanovsk qalasynda ót­ken búkilreseılik assosıasııada baǵdarlama tanystyrylymynyń sátti qabyldanýyna qaraǵanda, oıy­­nyń júzege asatynyna shek kel­tirýge bolmas. О́mir ESQALI, «Egemen Qazaqstan» Soltústik Qazaqstan oblysy Sýretti túsirgen Talǵat TÁNIBAEV