Bılet termınaldary ashylýda

Astanadaǵy temir jol vok­zaly ǵımaratynda poıyz bıletterin satatyn arnaıy ter­mı­naldardyń tanystyrylýy bo­lyp ótti. Jańa termınaldar Astanamen qatar elimizdiń úsh qa­lasynda, Almaty, Qara­ǵan­dy jáne Aqtóbede bir ýaqytta ashyl­dy. Jalpy sany 10-dy quraıtyn jańa tehnolo­gııa­nyń 3-eýi elordadaǵy vokzal ǵıma­rattarynda, al bireýi «Qazaq­stan temir joly» UK» AQ ǵıma­ratynda ornatylǵan. Jańa tehnologııa jolaýshy­lardyń óz-ózine qyzmet kór­se­te­tin tranzaksııalyq termı­naly dep atalady. Zamanaýı 10 avto­matty termınal ótken jyl­dyń 31 jeltoqsanynan bas­tap eli­mizdiń 4 vokzalynda jáne «Qazaqstan temir joly» UK» AQ bas ǵımaratynda paı­da­lanýǵa berilipti. Ony qol­danysqa «Jolaýshylar tasy­maly» AQ engizip otyr. Termınal jolaýshyǵa óz erkimen bıletti tańdaýǵa jáne satyp alýǵa, sondaı-aq ınternet arqyly tapsyrys bergen bıletterdi basyp shyǵarýǵa múm­kindik beredi. Qural arqy­ly memleket­aralyq jáne respýblıka ishinde qatynaıtyn bar­lyq poıyzdarǵa bılet resimdeýge bolady. Jeke tulǵaǵa óz betinshe elektrondy tehno­logııany paıdalaný arqy­ly bıletterdi tikeleı resimdeýge múmkindik beretin, olardy on­laın rejiminde satýǵa arnal­ǵan qurylǵynyń syrtqy pishini bankomatqa uqsas. Opera­sııalyq júıemen qamtamasyz etilgen bir termınaldyń quny shamamen alǵanda 50 myń dollar. Reseıden satyp alynǵan bul tehnologııa bolashaqta ta­ǵy tapsyrys­pen aldyrylýy múmkin. Jolaýshy termınaldan ózi­ne kerekti poıyz baǵytyn taý­yp, onyń júrý jáne kelý ýa­qytyn da tańdaı alady. Bılet qunyn bank kartochkasy arqy­ly tóleıdi. Tól­qujattaǵy aq­parattaryn jolaý­shy óz qoly­men engizgen soń bılet pen chekti sol sátte alady. «Jolaý­shylar tasymaly» AQ-tyń strate­gııalyq damý jáne jańa tehnologııany endirý boı­yn­sha atqarýshy dırektory Asyl­han Qaldykózovtiń aıtýyn­sha, termınaldar arqyly satyp alyn­ǵan bıletterge bank tara­pynan komıssııalyq tólemder tólen­beıdi eken. Oǵan qosa, termınal Qazaqstandaǵy barlyq bank túrlerine qyzmet kór­setedi. Bolashaqta mundaı termınaldar sany taǵy 10-ǵa kó­beımek. Olar oblys ortalyq­taryndaǵy vok­zal­darǵa orna­tylady. Jańa tehnologııa eki rejimde qyzmet kórsetedi. Onyń biri – banktik tólem júrgizý ar­qyly bıletterdi satyp alý, olardy basyp shyǵarý jáne jolaýshyǵa bıletterdi berý operasııasy bolsa, ekinshisi ınternet arqyly nemese basqa da О́QTT arqyly tapsyrys berilgen jáne tólen­gen bıletterdi tapsyrys nómiri boıynsha berý. Venera TÚGELBAI.