«Meıirim» meıirimine bóledi

Qazaqstan halqy Assambleıasynyń «Qaıyrymdylyq kerýeni» jalpyulttyq aksııasynyń sheńberinde «Analar keńesiniń» uıymdastyrýymen  «Meıirim» atty aýdandyq qaıyrymdylyq sharasy ótti. Is-sharanyń negizgi maqsaty – áleýmettik az qamtylǵan, kómekke muqtaj otbasylarǵa jáne múm­kindigi shekteýli  jandarǵa meıirimdilik nuryn seýip, olardyń tarshylyq kórmeýine sharapatyn tıgizip, qaıyrymdylyq qasterli qasıet ekenin jetkizý. Qaıyrymdylyq sharasyna aýdan ortalyǵynda shaǵyn jáne orta bıznes salasynda jumys jasap, ıgilikti isterdiń basy-qasynda júrgen kásipkerler tartyldy. Atalǵan aksııada osynaý ıgi sharaǵa muryndyq bolyp otyrǵan keńes músheleri men jeke kásipkerler 315 myń teńge kóleminde demeýshilik jasap, qyryqqa jýyq otbasy sý jańa qysqy, jazǵy kıimder­men, turmystyq zattarmen qam­tyldy. – Keńestiń alǵashqy nátı­jeli jumysy «Analar mere­kesi» qarsańynda bastaý al­dy. Ardaqty analar men mereı­toı ıelerine degen sheksiz qur­metimizdi bildirip, merekelik syı-sııapattar jasap, aıaýly jandardyń aq batasyn aldyq. Ulystyń uly kúninde «Jaqsydan tıer sharapat» ataýymen kembaǵal jandarǵa merekelik dastarqan jaıyp, baǵaly syılyqtarmen qýantyp, konserttik baǵdarlama usyndyq. Búgingi «Meıirim» aksııasy aıasynda áleýmettik jaǵdaıy tómen otbasylar men jalǵyzbasty jáne kópbalaly analarǵa qamqorlyqtyń úlgisi retinde turmystyq zattar men kıim-keshekter úlestirdik. Bul aksııaǵa «Analar keńesiniń» tóraıymy Baqtygúl Seıtqazıeva 35 myń teńge, keńestiń múshesi Baqytgúl Atasheva 9 myń teńge, Ǵalııash Dosmanova otbasynyń atynan 118 myń teńge, Raıa Shaıymova 9 myń teńge, Borash Ábdiǵaparova 7500 teńge, Láı­la Omarova 4 myń teńge, Qarlyǵash Nurymova 12 myń teńge,  Kúlpan Baıkóbenova 17800 teńge, Baqytbek Shoqanov 29740 teńge, Erlan Qarın 12500 teńge,  Nurgúl Eleýtova 7 myń teńge, Qýanyshgúl Amanova 12100 teńge, Aqmonshaq Áshimova 4 myń teńge, Gúlsinaı Bóribaeva 10500 teńge, Móldir Almatova 14 500 teńge, Qyzylgúl Kóbek 12 myń teńge kóleminde kómek kórsetip, márttik tanytty, – deıdi «Analar keńesi» tóraıymynyń orynbasary Kám­pıt Muhamedzákirqyzy. Sondaı-aq, ol keleshekte keńes jumysyn odan ári keń kólem­de jan­dandyryp, kómekke zárý jandarǵa qol ushyn beremiz dep senetindikterin bildirdi.  Gúlim YSMAǴUL  Qostanaı oblysy, Jangeldın aýdany Sýretterde: sharadan kórinis