Osy elde tamyr jaıdyq

Qazaqstan halqy Assambleıasynyń «Máńgilik El: bir el – bir taǵdyr» taqyrybymen bastalǵan HHII sessııasynyń ashylý saltanatynda sóz sóıleı otyryp, Elbasy N.Nazarbaev qýǵyn-súrgin jyldary myńdaǵan cheshen, ıngýsh, koreı men evreı sekildi tegi bólek, tilegi bir jandar qazaq dalasynan pana tapqanyn esine alyp edi. Olar sol surapyl kezeńde baýyryna basqan meıirban halyqtyń keńpeıildiligin umytpaıtyndaryn, ómir boıy alǵys aıtyp ótkenderin aıta kelip, Qazaqstan halqy Assambleıasynyń quryl­ǵan kúninde – 1 naý­ryzda, barlyq ulttyń bir-birine jáne osy adamdardy qabyldaǵan, aıaýshy­lyq bildirgen qazaqtarǵa alǵys aıtý kúni dep belgilen­se ádiletti bolar edi degen edi. Mine, bıyldan bas­­tap 1 naý­ryz Alǵys aıtý kúni dep belgilendi. Semeıdiń oblystyq tarıhı-ólketaný mýzeıinde osy merekege arnalǵan «Osy elde tamyr jaıdyq biz» atty shara ótkizildi. Sharaǵa qalamyzdaǵy «Dostyq úıinen» qazaq, tatar, ózbek, nemis sııaqty birneshe mádenı-etnostyq birlestiktiń ókilderi qatysty. Olar óz birlestikteri jaıly aıta otyryp, ult­tyq ónerlerin de pash etti. «Aısha bıbi» orta­ly­ǵynyń jetekshisi A.Boqbasarova, tatar birles­tiginen R.Ibragımova, ózbek birlestiginen M.Baltaǵojına, nemis birlestiginen O.Mıýller Qazaq­stanǵa qalaı kelgenderin áńgimeleı oty­ryp, jatsynbaı baýyryna tartqan qazaq hal­qyna alǵystaryn bildirdi. Semeı qalasyndaǵy balet mektebiniń tárbıelenýshisi J.Sháripova tatar halqynyń bıin bılese, «Glıýk» klýbynyń bıshileri nemis halqynyń bıin bıledi. Lázzat ÁLJAN, Semeı oblystyq tarıhı-ólketaný mýzeıiniń qyzmetkeri   Shyǵys Qazaqstan oblysy