Áskerı qyzmetshi qyzdar KamAZ júrgizedi

Jaqynda elimiz boıynsha áıel áskerı qyzmetshilerge KamAZ avtomobıldi tehnıkasyn júrgizýdi úıretý boıynsha sabaqtar ótkizile bastady. Onyń alǵashqy sabaǵy 83205 áskerı bóliminiń bazasynda ótti. Sabaqtar jaýyngerlik daıarlyq josparyna sáıkes aıyna bir ret praktıkalyq sabaqtarǵa aýysyp otyrady. Qarýly Kúshterde osy sabaqtarǵa jaýapty áskerılerdiń biri 83205 á/b komandıri polkovnık Aıdar Abdrahmannyń aıtýynsha, árbir áskerı qyzmetshi jynysyna qaramastan, jaýyngerlik tehnıkany júrgize alýy tıis. Áıel áskerı qyzmetshiler erlermen qatar barlyq praktıkalyq sa­baqtardy oryndaıdy. Bul soǵys kezinde áıelderdiń tehnıkany júrgizýi úshin qajet. Búginde áıel áskerı qyzmet­shilerdiń jaýyngerlik daıarlyǵyna jaqsy baǵa berilýde.  Olar erlermen birge jaýyngerlik daıarlyq baǵ­dar­lamasyn meńgerýde. Názik jan­darǵa KamAZ sııaqty aýyr teh­nıkaǵa  otyryp, onyń aýyr ró­lin ustaý ońaı emes. Degenmen, 83205 áskerı bóliminiń arýlary ózde­riniń praktıkalyq mashyqtary men jaýyngerlik daıarlyqtaryn kórsetti. – Men Qarýly Kúshterde 13 jyldan beri qyzmet atqaryp kele­min. Kún saıyn bizde jaýyngerlik ázirlikti arttyrý boıynsha sa­baqtar ótkiziledi. Jańa jyldan bastap biz KamAZ jaýyngerlik teh­nıkasyn júrgizýdi úırene bastadyq. Basynda qıyn boldy. Biz saz balshyqty jerde júrgizdik. Biraq men mashınany tez ıgerip aldym. Maǵan KamAZ-dy júrgizý óte unaıdy. Meniń oıymsha, áskerde árbir áskerı qyzmetshi urys tehnıkasyn júrgize alýy tıis, – dedi 83205 á/b áskerı qyzmetshisi, aǵa leıtenant Gúlden Álıeva. Dastan KENJALIN, «Egemen Qazaqstan»