Arman men senim alaýy

Elimizdi aralap, Aqtóbeden Arqaǵa qaraı bettegen Azıada alaýyn Qostanaıda qysqy shil­deniń shymshylaǵan  saryshunaq aıazy qarsy aldy. Synap baǵa­nasy 30 gradýstan túspeı tur. Saqyldaǵan sary aıazdy az degendeı, ekpindeı soqqan jeldiń ózi tıgen jerin jalap ótedi. Alaıda álem kóz tigip, qulaq túrip otyrǵan VII Qysqy Azııa oıyndary alaýynyń jolyna qystyń qandaı sýyǵy da  kól­deneń tura almaıtyndaı. Kókke talpynǵan qustyń qanatyndaı qýanyshty kóńil-kúıdiń qa­maýyn­daǵy qostanaılyqtar da jyly úıde baıyz taýyp otyra almady. Jurtshylyq dostyq pen beıbitshiliktiń, eńbek pen talanttyń, júrekti tazartar jaqsylyqtardyń  tábárigindeı shyraǵdan-otty qarsy alý úshin qala ortalyǵyna aǵyldy. Merekelik bezendirilgen or­ta­lyqqa ákelingen VII Qysqy Azııa oıyndary alaýy oblys ákimi Sergeı Kýlagınge tabys etildi. Aımaq basshysy alaýdy Ál-Fa­ra­bı kó­she­simen alǵa jyl­jytty. Alaý es­tafetasy qa­la­nyń orta­lyq kóshe­leri­men júrip ótti. Mu­nan keıin alaý  tús mezgilinde Qos­tanaı qa­la­synyń qaq orta­synda úsh saǵat­tan artyq turdy.  Turǵyndar onyń janyna kelip eskertkish sýretke tústi, qyzyq­tap kórdi. Tústen keıin Azıada alaýy­nyń ekinshi satysy bastaldy. Qos­tanaı qalasyndaǵy Gagarın kóshe­si­niń boıymen alaýdy alyp ót­kenderdiń arasynda sport­shylar­men qatar, ardagerler,  jumysshy­lar, óner adamdary da bar. Olar­dyń barlyǵy da qostanaılyqtar úshin tanymal tulǵalar. Alaý­ger­lerdiń biri Valerıı Borısovtiń esimi oblys jurtshylyǵyna jaqsy tanys. Ol jeńil atletıkadan úsh Olımpııa oıyndaryna qatysty, Azııa  chempıony. Alaýgerlerdiń arasyndaǵy ardager, shańǵydan eńbek sińirgen sport sheberi, Olımpıada júlde­geri, Qazaqstannyń eńbek sińirgen jattyqtyrýshysy Ivan Garanın­niń qazaqstandyq shańǵyshylar­dyń elimiz qorjynyna altyn sa­laryna eshqandaı kúmáni joq. – VII Qysqy Azııa oıyndary sııaqty úlken sharanyń  Qazaq­stan­da ótýi, bul eń aldymen, jaýapkershilik, – deıdi sport ardageri Ivan Ivanovıch. – Bıik deńgeıdegi sport dodasy tek qazaqstandyq emes,  túgel Azııa halyqtarynyń dos­tyǵyn pash etedi. Men osy sharaǵa elimizdiń shyǵysynan qa­ty­­satyn shańǵyshylarǵa senemin. О́ıtkeni, jigitterdiń jattyq­tyrý­shylary bilikti mamandar. Qazaq­stan­dyq na­mys bir bolǵandyqtan, Qostanaıda jatyp, óskemendik shań­­ǵyshylarǵa  jankúıer bolamyn. Jankúıer demekshi, Qostanaı­dan VII Qysqy Azııa oıyndaryna toǵyz konkıshi qysqy sport­tyń eki túrinen qatysady. Qos­tanaı­lyqtar tilegi olardy da qanat­tan­dyratyn bolady. Qala­nyń qaq ortasymen júrip ótken alaýdy ustaǵandardyń arasynda  sport oıyndary men sportshy­lardyń jeńisin jankúıerge jet­kizip oty­ratyn ózimizdiń qalam­dastardyń da bolýy  zańdylyq edi. Shańǵy tebýden sport sheberi jáne ob­lystyq  «Qazaqstan-Qos­tanaı» te­le­arnasynyń sport sholýshysy Anatolıı Gavrılov, S.Berdi­qu­lov atyndaǵy respýb­lı­kalyq  baı­­qaý­dyń laýreaty Sergeı Bırk­lemen qatar, «Egemen Qazaq­stan» gazeti­niń tilshisi, respýb­lı­kalyq jýrnalıster baı­qaýynyń jeńim­pazy Dastan Kenjalın de  alaýdy 19-shy bolyp alyp ótti. Alaý qala ishin aralaǵannan keıin merekelik shara muz aı­dyny bar sport saraıyndaǵy gala-konsertke ulasty.  Keshke  qostanaılyqtar Azıada alaýyn saltanatty túrde Petropavl qala­syna shyǵaryp saldy. Názıra JÁRIMBETOVA. Qostanaı.