Bıznesti transformasııalaýǵa joǵary baǵa

Jaqynda «Qazaqstan temir joly» UK» AQ dırektorlar keńesi músheleriniń qatysýymen kompanııanyń bıznesti transformasııalaý baǵdarlamasyn júzege asyrýdyń qorytyndylaryna arnalǵan májilis bolyp ótti. Májilis barysynda «Qazaqstan temir joly» UK» AQ-tyń atalǵan baǵdarlamasynyń menedjeri Talǵat Imanov jobalaý komandasy atqarǵan jumys týraly qysqasha aıtyp berdi. «Birinshi kezeń aıasynda barlyq bıznes-úderisterdiń, 1 jáne 2-deńgeıdegi dızaın-úderisterdiń dıagnos­tıkasy qarastyrylyp, bıznes-arhıtektýrasynyń tujyrymdamasy qalyptastyryldy. Ekinshi kezeń sheńberinde bıznes-bastamalarǵa taldaý jasalyp, jobalardyń portfeli jasaqtaldy, sondaı-aq, qajetti resýrstarǵa, ınvestısııalar men kútiletin tıimdilikke baǵalaý júrgizildi», dep habarlady  T.Imanov. «Qazaqstan temir joly» UK» AQ dırektorlar keńesiniń tóraǵasy Adamas Ilkıavıchıýs atap kórsetkendeı, úlken jumystar júrgizilgen. Kompanııa kommersııalyq arnaǵa kóshýdiń jańa baǵytymen senimdi júrip keledi. Korporatıvti damý jónindegi basqarýshy dırektor – transformasııalar baǵdarlamalarynyń demeýshisi Erkin Jýsanbaev kompanııanyń osy baǵytqa 2000 jyldan – temirjol kóligin reformalaý memlekettik baǵdarlamasy men «Temirjol kóligi týra­ly» Qazaqstan Respýblıkasynyń Zańy qabyldanǵan kezden bastap túskenin atap ótti. «QTJ-nyń» 2016-2018 jyldarǵa arnalǵan transformasııalaý jónindegi jol kartasyna 27 joba enedi. Dırektorlar keńesiniń múshelerine logıstıka men júk tasymaldaýdaǵy, saýda-sattyq pen opera­sııalyq qyzmettegi, aktıvter men satyp alýlar basqar­masyndaǵy basty ózgerister kóldeneń tartyldy. Kezdesý konstrýktıvti únqatysý pishiminde ótip, talqylanǵan máseleler boıynsha óte tyǵyz pikir almasýlarǵa jalǵasty. «Qazaqstan temir joly» UK» AQ dırektorlar keńesiniń músheleri kompanııa qyzmetindegi keń aýqymdy ózgeristerdi júzege asyrý boıynsha atqarylyp jatqan sharalar keshenine tolyq qoldaý bildirip, jasalǵan jumysqa joǵary baǵa berdi.   «Egemen-aqparat»