Qazaqstanym – qarashańyraǵym

Etnosaralyq tatýlyq – saıası turaqtylyq negizi Ulttar men konfessııalar arasyndaǵy tatýlyq – Táýelsiz Qazaqstannyń basty jetistigi. Elimizdiń bul rette dúnıejúzine úlgi bolatyn orny bar. Qazaqstan halqy Assambleıasy qurylǵannan beri talaı ıgi ister júzege asyryldy. Jıyrma jyldyq óz tarıhynda Assambleıa jan-jaqty damyp, eleýli ózgeristerdi bastan keshirdi. Onyń damýy barysynda Elbasymyz N.Nazarbaevtyń etnosaralyq toleranttylyq pen qoǵamdyq kelisimniń qazaqstandyq úlgisi qalyptasty. Osy jyldar ishinde Qazaqstan halqy Assambleıasynyń ınstıtýttyq qury­lymy nyǵaıyp, qoǵamdy uıystyrýshy áleýeti tolysty. Búginde Assambleıa el Pre­zıdenti tóraǵalyq etetin kons­tı­tý­sııalyq organ bolyp tabylady. Bul onyń erekshe mártebesin aıqyndaıdy. Biregeı bul ınstıtýt elimizdegi barlyq etnos ókilderin ortaq maqsatqa uıys­tyra otyryp, elimizdegi tu­raqtylyqty saqtaýǵa jáne el da­mýyna aıtýly úles qosyp keledi. Egemen elimizde túrli etnos­tardyń mádenıetteri, tilderi, dástúrleriniń damýyna qajetti barlyq jaǵdaı jasalǵan. Etno­mádenı birlestikterdiń sa­ny turaqty ósýde, qazir ol 800-den asady. Sonymen qatar, 28-i respýblıkalyq, onyń ishinde 15 tilde gazet-jýrnal jaryq kórse, 8 tilde radıobaǵdarlama, 7 tilde telebaǵdarlama efırge shyǵady. О́zbek, tájik, uıǵyr jáne ýkraın tilderinde bilim beretin 88 mektep jumys isteıdi, 108 mektepte 22 etnostyń tili jeke pán retinde oqytylady. Al Uıǵyr aýdany – Alma­ty oblysyndaǵy shalǵaı aýdan­dardyń biri. Aýdanymyzda qazaq pen uıǵyrlar tatý-tátti ómir sú­rýde. Ultaralyq qaqtyǵystar joq, qoıymyz qoralas, ózimiz aralasyp ómir keshýdemiz. «Nur Otan» partııasynyń Uı­ǵyr aýdandyq fılıaly ult­tar dostyǵy aıasynda ár­túrli is-sharalardy turaqty túr­de uıymdastyryp, olardy oıdaǵydaı júzege asyryp otyrady. Elbasy ótken 2015 jyldyń sáýir aıynda Qazaqstan halqy Assambleıasynyń HHII sessııasynda sóılegen sózinde: «Qazaqstan halqy Assambleıasy qurylǵan kún – 1 naýryzdy jyl saıyn barlyq etnostardyń bir-birine meıirbandyq tany­typ, ol adamdardy óz týǵa­nyndaı qabyldaǵan qazaqtarǵa alǵys aıtý kúni retinde atap ótý ádiletti bolar edi. Bul kún meıi­rimdiliktiń, búkil qazaq­standyqtar­dyń bir-birine degen dostyǵy men mahabbatynyń jarqyn merekesi bola alar edi», – dep osy bir aıtýly kúndi mereke retinde atap ótýdi usynǵan bolatyn. Aıtýly bul mereke Uıǵyr aýdanynda da jańasha bastama alyp, keń kólemde atap ótil­di. Jyl saıyn jyl basy – Naýryz aıynda qazaqtar men uıǵyrlardyń, orystardyń, aýdanda turatyn basqa da etnos ókilderiniń salt-dástúrleri jurt­shylyqqa pash etiledi. Al 1 mamyr – Qazaqstan halqynyń birligi kúni merekesi qar­sańynda túrli taqyrypta is-sharalar ótkiziledi. Sondaı-aq, aýdan­nyń 80 jyldyǵyna oraı, osy óńirdi meken etetin halyqtardyń áde­bıeti, mádenıeti kópshilikke usynylyp, ulttardyń dostyǵy, ult­aralyq qatynastardyń tu­raq­tylyǵy dáripteldi. «Ortaq meken – Jer shary, Tóbemizde bir aspan. Barlyq ulttyń balasy, Dostyǵymyz jarasqan», – dep aqyn jyrlaǵandaı, ynty­maq pen bereke-birlikti «Nur Otan» partııa­sy eshqashan esten shyǵarǵan emes. Máýlen NUROV, «Nur Otan» partııasy Uıǵyr aýdandyq fılıaly tóraǵasynyń birinshi orynbasary Almaty oblysy