Bizdiń ónim basqalardan nege tómen?

Kanadanyń Qazaqstandaǵy elshisi Shon Staıl S.Seıfýllın atyndaǵy Qazaq agrotehnıkalyq ýnıversıtetine kelip, oqytýshy-professorlarǵa, doktoranttar men magıstranttarǵa dáris oqydy. Elshi óz sózinde Kanadadaǵy agrarlyq ǵylymnyń qol jetken búgingi jetistikteri, jańa ınnovasııa men ozyq tehnologııanyń ekonomıkadaǵy orny, eldegi fermerlik sharýashylyqtardyń qyzmeti, et ónimderiniń sapasy jaıynda keńinen baıandady. Sonymen qatar, Kanadadaǵy bankterdiń jeńil nesıe berý saıasaty, memlekettik jáne jeke joǵary oqý oryndarynyń mártebesine qaramaı teń qarjylandyrylýy týraly aıtyldy. Iá, bul elden bizdiń úırenetinimiz jeterlik. Lektordyń aıtýynsha, Kanadanyń Saskachevan provınsııasy men bizdiń Soltústik Qazaqstan aımaqtarynyń aýa raıy jáne topyraq qunarlylyǵy óte uqsas. Soǵan qaramastan Kanadada dándi daqyldardyń ónimdiligi bizge qaraǵanda 2 ese joǵary. Olarda bıdaı egisiniń jalpy úlesi 40 % bolsa, qalǵandary maıly jáne burshaq tuqymdas daqyldar. Bizdiń elde egis­tiktiń 70%-dan astamyn bıdaı qu­raıdy. Sóıtip, bıdaı Qazaqstanda mo­nodaqylǵa aınalyp ketken. Al qalǵan az bóligi ǵana túrli daqyldar men mal azyǵy bolyp otyr. Bul is júzinde kerisinshe bolýy tıis. Kanadada bir sıyrdan jylyna 10 myń lıtr sút saýylsa, bizdiń elde bul aıtýǵa turmaıdy. Osydan-aq bizdiń agrarlyq ǵy­lym­nyń qanshalyqty artta qalyp qoı­ǵanyn bile berińiz. Qashan ózgeris bolady? Agrarlyq ǵy­lymǵa jańalyq ákeler batyl re­for­malardyń ýaqyty jetken sııaq­ty. О́ıtkeni, agrarlyq ǵylym aýyl sha­rýashylyǵynyń irgetasy emes pe?! «Egemen-aqparat»