Qazaqstan Respýblıkasy Energetıka mınıstrliginiń buıryǵy №176

2015 jylǵy 5 naýryz,  Astana qalasy Parnıktik gazdar shyǵaryndylary jáne sińirýleri kózderiniń memlekettik kadastryn júrgizý jáne ustaý qaǵıdalaryn bekitý týraly Qazaqstan Respýblıkasynyń 2007 jylǵy 9 qańtardaǵy Ekologııalyq kodeksiniń 158-2 babynyń 3-tarmaǵyna sáıkes buıyramyn: 1. Qosa berilip otyrǵan Parnıktik gazdar shyǵaryndylary jáne sińirýleri kózderiniń memlekettik kadastryn júrgizý jáne ustaý qaǵıdalary bekitilsin. 2. Qazaqstan Respýblıkasy Energetıka mınıstrliginiń Klımattyń ózgerýi jónindegi departamenti: 1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin; 2) Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde osy buıryqty merzimdi baspasóz basylymdarynda jáne «Ádilet» aqparattyq quqyqtyq júıesinde resmı jarııalaýǵa joldanýyn; 3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet- portalynda ornalasýyn; 4) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin. 4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Mınıstr V.ShKOLNIK Qazaqstan Respýblıkasy Energetıka mınıstriniń 2015 jylǵy 5 naýryzdaǵy №176 buıryǵymen bekitilgen Parnıktik gazdar shyǵaryndylary jáne sińirýleri kózderiniń memlekettik kadastryn júrgizý jáne ustaý qaǵıdalary 1. Osy Parnıktik gazdar shyǵaryndylary jáne sińirýleri kózderiniń memlekettik kadastryn júrgizý jáne ustaý qaǵıdalary (budan ári – Qaǵıdalar) Qazaqstan Respýblıkasynyń 2007 jylǵy 9 qańtardaǵy Ekologııalyq kodeksiniń (budan ári – Kodeks) 158-2-babynyń 3-tarmaǵyna sáıkes ázirlengen jáne parnıktik gazdar shyǵaryndylary jáne sińirýleri kózderiniń memlekettik kadastryn (budan ári – memlekettik kadastr) júrgizý men ustaý tártibin aıqyndaıdy. 2. Osy Qaǵıdalarda mynadaı uǵymdar paıdalanylady: 1) parnıktik gazdar shyǵaryndylary – parnıktik gazdardyń atmosferaǵa belgili bir ýchaskede jáne ýaqyttyń belgili bir kezeńi ishinde bosap shyǵýy; 2) parnıktik gazdardy sińirý – atmosferalyq aýadan parnıktik gazdy sińiretin prosess, tetik nemese tabıǵı keshen. 3. Qorshaǵan ortany qorǵaý salasyndaǵy ýákiletti organ (budan ári – ýákiletti organ) memlekettik kadastrdy ázirleýdi jáne júrgizýdi uıymdastyrady. 4. Memlekettik kadastryn daıyndaý eseptik jyldan keıingi jyl boıynda júzege asyrylady. 5. Memlekettik kadastrdy júrgizgende Qazaqstan Respýblıkasy Qorshaǵan ortany qorǵaý mınıstriniń 2013 jylǵy 15 mamyrdaǵy № 123-О́ «Parnıktik gazdardy túgendeý týraly eseptiń nysanyn bekitý týraly» buıryǵymen (Normatıvtik quqyqtyq aktileriniń memlekettik tiziliminde № 8497 tirkelgen) bekitilgen nysan boıynsha ázirlengen parnıktik gazdardy túgendeý týraly esepteri paıdalanylady. Bul rette ákimshilendirý sýbektileri usynatyn parnıktik gazdar shyǵaryndylaryn túgendeý týraly esepter rastaýǵa jatpaıdy. 6. Memlekettik kadastrdy júrgizý mynadaı is-sharalardy iske asyrýdy qamtıdy: 1) parnıktik gazdar shyǵaryndylary men sińirýlerin baǵalaý úshin bastapqy derekteri bar aqparattardy jınaý; 2) alynǵan derekterin taldaý jáne óńdeý, esepteýler júrgizý jáne memlekettik kadastrǵa engizý; 3) qondyrǵy operatorlarynan parnıktik gazdar shyǵaryndylary boıynsha elektrondyq esep berý múmkinshiligin berý. 7. Memlekettik kadastr parnıktik gazdar shyǵaryndylarynyń kózderi, qondyrǵy operatorlary, parnıktik gazdar shyǵaryndylary men sińirýleriniń mólsheri týraly málimetterdi qamtıdy. Buıryq Qazaqstan Respýblıkasynyń Ádilet mınıstrliginde 2015 jylǵy 10 sáýirdegi Normatıvtik quqyqtyq kesimderdi memlekettik tirkeýdiń tizilimine № 10673 bolyp engizildi.