Analar men apalar tilegi

Bizdiń aldymyz toqsannyń úshe­­ýinde, sońymyz jetpistiń beseýinde, Aqtóbe oblysyndaǵy otyz bir zeınetker analarmyz. Elbasy óki­lettigin 2020 jylǵa deıin uz­artý jaıyndaǵy bastamashy top­tyń usy­nysyn, ony qoldaǵan Par­la­menttiń sheshimin qoldaıty­nymyz­dy bildirip, hat jazyp otyrmyz. Nursultan Ábishuly táýelsiz Qazaqstannyń negizin óz qolymen qalaǵan Tuńǵysh Prezıdentimiz. Elbasynyń kóregen saıasatkerligi arqasynda qazaq eli burynǵy od­aq­tastarymyzdan oq boıy ozyp shyǵyp, halyqtyń áleýmettik-eko­nomıkalyq jaǵdaıyn kóterip, on toǵyz jyldyń ishinde dúnıe jú­zindegi damyǵan elder qataryna qosyldy. 130-dan astam ulystar men ulttardyń teń quqyqtaryn saq­taı otyryp, el ishinde bar­ly­ǵy bir anadan týǵandaı tatý-tátti beıbit ómir súrýge qol jetkizdik. Saryarqanyń tórinen ásem qala Astana turǵyzyldy. Elbasynyń osyndaı uly da kóregen saıasat­kerliginiń arqasynda búkil túrki tildes memleketterdiń arasynan Qazaqstan 2010 jyly Eýropa­daǵy qaýipsizdik jáne yntymaq­tastyq uıy­myna tóraǵalyq etýge qol jetkizdi. Qol jetkizip qana qoımaı, EQYU-ǵa buryn basshy­lyq etken elderdiń tóraǵalary­nyń qoldarynan kelmegen, uıym­ǵa múshe 56 eldiń memleket jáne úki­met bas­shylaryn Astanaǵa jınap, Táýelsizdik saraıynda sammıt ót­kizildi. Sóıtip, osy sammıtte Astana Deklarasııasy qabyldandy. Endi bizder – analar men apalar Prezı­den­timizdiń dúnıe júzin moıyndatqan uly saıasatker­ligi­niń arqasynda ózimizdiń qandaı dá­rejede kún keship jatqa­ny­myz­dy baıandaımyz. Qazir oılap ot­yrsaq, keshegisiz – búgin, búgin­gisiz – erteń joq degenniń aqıqa­tyna kózimiz jetkendeı. Oblys jaǵdaıynyń jaqsarýy arqasynda ob­lys­tyń barlyq tur­ǵyn­dary zeınetaqymyzdy, eń­bek­­aq­ylar men járdemaqylardy bir kún de keshiktirmeı ýaqytynda al­yp turamyz jáne jylma-jyl zeı­netaqymyz 25-30%-ǵa ósip ot­yr. Basymyzda baspa­namyz, das­tar­qan­da asymyz, kóbimizdiń kó­ligimiz bar degendeı, adam janyna ke­rektiń bári bar. Elbasy Joldaý­ynda kórsetken «100 mektep, 100 aýrýhana» jobasy ob­lysy­myzda túgeldeı oryn­dal­dy dep aı­týǵa bolady. Oblys boı­ynsha bar­lyq fabrıka-zaýyt­tar jumys ja­saıdy, jas mamandar aýylǵa degen uranmen ınstıtýt bitirgen nemerelerimiz aýdan­darǵa, aýyldarǵa ba­ryp, óz ma­mandyqtary boıynsha eń­bek etýde. Joldamamen barǵan jas ma­man­dardyń bári turǵyn úı­men qam­­tamasyz etilip, bir joldyq kó­termeaqylaryn alyp jatyr. So­­nyń nátıjesinde, oblys boı­yn­sha jumyssyzdar sany joqtyń qa­sy. Eńbek jáne soǵys ardager­le­riniń oblys ortalyǵyn­da tegin emdelip, dári-dármegimizdi tegin ala­tyn emhanamyz jumys jasaıdy. Bizder sııaqty qarııalarǵa ne kerek?! Jyly oryn, jumsaq tó­sek, tátti taǵam emes pe. Qazir bizde osynyń bári bar, Aqtóbe ob­lysynda turmysqa qajetti zat­tar­dyń barlyǵynyń da baǵasy birqa­lypty, ósken joq. Sózimizdiń sońynda aıtar ana­lyq, ápkelik ótinishimiz: Elbasy «ha­­lyq uıǵarsa, han túıesin soıa­dy» degen qazaqtyń dana sózinen atta­maı­dy dep senemiz. О́ıtkeni, Nur­sultan Nazarbaev – respýb­lı­ka­myzdyń Tuńǵysh Prezıdenti, ha­lyqtyń qa­laý­lysy, qurmetti Elbasymyz. Bul, búkil respýblıka halqynyń, bizder sııaqty zeınetker analar­dyń tilegi, osy bizdiń tilegimiz or­yndalady dep esepteımiz. Zeınetkerler atynan hat joldaýshy Qarylǵa KEREIQYZY, barlyǵy 31 adam qol qoıǵan.