Qazaqstan Respýblıkasy Bilim jáne ǵylym mınıstrliginiń buıryǵy №263

2015 jylǵy 28 sáýir,  Astana qalasy «Oqýlyqtardy, oqý-ádistemelik keshenderi men oqý-ádistemelik quraldaryn ázirleý, olarǵa saraptama, synaq ótkizý jáne monıtorıng júrgizý, olardy basyp shyǵarý jónindegi jumysty uıymdastyrý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 24 shildedegi № 344 buıryǵyna ózgeris engizý týraly «Bilim týraly» Qazaqstan Respýblıkasynyń 2007 jylǵy 27 shildedegi Zańynyń 5-baby 27) tarmaqshasyna sáıkes buıyramyn: 1. «Oqýlyqtardy, oqý-ádistemelik keshenderi men oqý-ádistemelik quraldaryn ázirleý, olarǵa saraptama, synaq ótkizý jáne monıtorıng júrgizý, olardy basyp shyǵarý jónindegi jumysty uıymdastyrý qaǵıdalaryn bekitý týraly» Qazaqstan Respýblıkasy Bilim jáne ǵylym Mınıstriniń 2012 jylǵy 24 shildedegi № 344 buıryǵyna (normatıvtik quqyqtyq aktilerdi memlekettik tirkeý tiziliminde № 7876 bolyp tirkelgen, «Egemen Qazaqstan» gazetiniń 2012 jylǵy 19 qyrkúıektegi № 609-614 (27687) sanynda jarııalanǵan) mynadaı ózgeris engizilsin: osy buıryqpen bekitilgen oqýlyqtardy, oqý-ádistemelik keshenderi men oqý-ádistemelik quraldaryn ázirleý, olarǵa saraptama, synaq ótkizý jáne monıtorıng júrgizý, olardy basyp shyǵarý jónindegi jumysty uıymdastyrý qaǵıdalary osy buıryqqa qosymshaǵa sáıkes mynadaı jańa redaksııada jazylsyn. 2. Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti (S.N. Nıýsýpov): 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkeýden ótken soń resmı jarııalaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym vıse-mınıstri E.N. Imanǵalıevqa júktelsin. 4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasy Bilim jáne ǵylym mınıstri A.SÁRINJIPOV Qazaqstan Respýblıkasy Bilim jáne ǵylym mınıstriniń 2015 jylǵy 28 sáýirdegi № 263 buıryǵyna qosymsha Qazaqstan Respýblıkasy Bilim jáne ǵylym mınıstriniń 2012 jylǵy 24 shildedegi № 344 buıryǵymen bekitildi Oqýlyqtardy, oqý-ádistemelik keshenderi men oqý-ádistemelik quraldaryn ázirleý, olarǵa saraptama, synaq ótkizý jáne monıtorıng júrgizý, olardy basyp shyǵarý jónindegi jumysty uıymdastyrý qaǵıdalary 1. Jalpy erejeler 1. Osy oqýlyqtardy, oqý-ádistemelik keshenderi men oqý-ádistemelik quraldaryn ázirleý, olarǵa saraptama, synaq ótkizý jáne monıtorıng júrgizý, olardy basyp shyǵarý jónindegi jumysty uıymdastyrý qaǵıdalary (budan ári – Qaǵıdalar) «Bilim týraly» Qazaqstan Respýblıkasy Zańynyń 5-babynyń 27) tarmaqshasyna sáıkes ázirlendi jáne oqýlyqtardy, oqý-ádistemelik keshenderi men oqý-ádistemelik quraldardy daıyndaý, saraptaý, synaqtan ótkizý, monıtorıng júrgizý jáne basyp shyǵarý tártibin anyqtaıdy. 2. Osy Qaǵıdalarda kelesi uǵymdar qoldanylady: 1) avtor – shyǵarmashylyq eńbegimen ǵylym, ádebıet, óner týyndylaryn, sonyń ishinde oqý jáne/nemese ádistemelik materıaldardy jasaǵan jeke tulǵa; 2) avtorlyq ujym – seriktes avtorlar retinde jınaqtalǵan jeke tulǵalar toby; 3) ádisker – naqty oqý pánin (oqý pánderin) oqytý ádistemesi salasynyń mamany; 4) ázirleýshi – oqý ádebıetteriniń mazmunyn jobalaýmen, mazmundaýmen jáne resimdeýmen aınalysatyn jeke nemese zańdy tulǵa; 5) baspa – baspa ónimin daıyndaý men basyp shyǵarýdy júzege asyratyn kásiporyn; 6) jumys berýshi – qyzmetker eńbek qatynasynda turǵan jeke nemese zańdy tulǵa; 7) qaǵaz júzindegi oqýlyqtyń elektrondyq nusqasy – qurylymy, mazmuny jáne kórkem bezendirilýi oqýlyqtyń baspa formasyna sáıkes keletin elektrondyq basylym; 8) qosymsha ádebıet – Qazaqstan Respýblıkasynyń memlekettik jalpyǵa mindetti bilim berý standarty (budan ári – QR MJBS), úlgilik oqý josparlary men úlgilik oqý baǵdarlamalaryn iske asyrýǵa yqpal etetin, oqýlyq pen oqý-ádistemelik keshen jıyntyǵyna kirmeıtin basylym; 9) oqý ádebıetterine ǵylymı jáne pedagogıkalyq saraptama jasaý – oqý basylymy mazmunynyń QR MJBS talaptaryna, úlgilik oqý josparlary men úlgilik oqý baǵdarlamalaryna, qazirgi ǵylymı ustanymdarǵa, al ádistemelik apparattyń bilim alýshylardy oqytý, tárbıeleý jáne damytý maqsattaryna, psıhologııalyq-pedagogıkalyq ǵylym talaptaryna sáıkestigin baǵalaý; 10) oqýlyq – oqý pánin (pándi) júıeli baıandaıtyn, QR MJBS, úlgilik oqý josparyna jáne úlgilik oqý baǵdarlamasyna sáıkes keletin jáne osy oqý basylymynyń túri retinde resmı bekitilgen oqý basylymynyń túri; 11) oqýlyqtardy, oqý-ádistemelik keshender men oqý-ádistemelik quraldardy synaqtan ótkizý – bilim berý uıymdarynyń oqytý prosesinde oqýlyqtardyń, oqý-ádistemelik keshender men oqý-ádistemelik quraldardyń paıdalaný praktıkasyn keshendi zerdeleý; 12) oqýlyqtar, oqý-ádistemelik keshender men oqý-ádistemelik quraldar monıtorıngi – oqýlyqtardy, oqý-ádistemelik keshender men oqý-ádistemelik quraldardy bilim berý prosesine engizý nátıjeleri jónindegi aqparatty jınaqtaý, saqtaý, óńdeý jáne taratý; 13) oqý ádebıeti – bilimdik, sonymen birge rýhanı-adamgershilik jáne tárbıeleý maqsattaryna qol jetkizýge baǵyttalǵan, jeke jáne (nemese) olardyń jıyntyǵy boıynsha barlyq qabyldanǵan oqý basylymdarynyń túrlerin qamtıtyn ártúrli bilim salasyndaǵy baspa shyǵarmalar; 14) oqý-ádistemelik keshen (OÁK) – bilim alýshynyń oqý páni (pánder) boıynsha bilim mazmunyn meńgerýin qamtamasyz etýge baǵyttalǵan jáne oqýlyqqa ilespe bolatyn jekelegen oqý jáne ádistemelik basylymdardyń jıyntyǵy; 15) oqý basylymy – naqty bilim berý (oqý) baǵdarlamasy boıynsha bilim berý prosesinde paıdalanýǵa arnalǵan basylym; 16) oqý-ádistemelik qural (budan ári – OÁQ) – oqý pániniń jeke elementterin zerdeleý maqsatynda oqýlyqty tolyqtyratyn nemese ishinara almastyratyn jáne osy oqý basylymynyń túri retinde resmı bekitilgen, oqý pánderiniń (pániniń) bóligin júıeli baıandaýdy qamtıtyn oqý basylymynyń túri; 17) oqýlyqqa elektrondyq qosymsha (budan ári – EQ) – mýltımedııalyq elementterdi, praktıkalyq jáne baqylaý jumystaryn qoldana otyryp, oqýlyqtyń mazmunyn keńeıtetin jáne/nemese tolyqtyratyn elektrondyq ınteraktıvti oqý materıaly; 18) pedagog-praktık – pedagogıkalyq bilimi bar, oqý-ádistemelik qyzmettiń tehnologııasyn erkin meńgergen, birneshe jyldar aralyǵynda kásibı qyzmette joǵary nátıjelerge qol jetkizgen bilim berý uıymyndaǵy laýazymdy tulǵa; 19) sarapshy – saraptama júrgizýge tartylatyn, bilim berý, ǵylym, tehnıka jáne basqa da salalarda kem degende bes jyl eńbek ótili jáne tıisti biliktiligi bar jeke tulǵa; 20) túpnusqa-maket – bolashaq basylymnyń tıisti betine ár beti tolyǵymen sáıkes keletin, syrtqy elementteri men qurylymy boıynsha aıaqtalǵan kitaptyń túpnusqasy; 21) ýákiletti organ – Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti; 22) elektrondyq jetkizgishterdegi oqý basylymy – oqytýdy avtomattandyrýǵa arnalǵan, oqý kýrsyna sáıkes keletin jáne oqý jumystarynyń ár alýan túrlerin qamtamasyz etetin, sandyq, mátindik, grafıkalyq, aýdıo, vıdeo jáne ózge aqparattyń jıyntyǵy retinde usynylǵan basylymdar. Elektrondyq basylym elektrondyq jetkizgishte oryndalýy, sonymen birge ınternet-resýrstarda ornalastyrylýy múmkin. Elektrondyq oqý basylymdaryna kelesiler kiredi: elektrondyq oqýlyq, elektrondyq oqý quraly, elektrondyq oqý-ádistemelik keshen, vıdeo-, aýdıo- materıaldar, sandyq bilim berý resýrstary, vırtýaldy zerthanalar jáne t.b. 2. Oqýlyqtardy, oqý-ádistemelik keshender men oqý-ádistemelik quraldardy daıyndaý tártibi 3. Oqýlyqtardy, oqý-ádistemelik keshender men oqý-ádistemelik quraldardy daıyndaýdy óz betinshe avtor, avtorlyq ujym nemese baspa uıymdastyrady. Arnaıy bilim berýge arnalǵan oqýlyqtar, oqý-ádistemelik keshender men oqý-ádistemelik quraldar memlekettik tapsyrys boıynsha nemese ázirleýshiniń esebinen ázirlenedi jáne basyp shyǵarylady. 4. Oqýlyqtardy, oqý-ádistemelik keshender men oqý-ádistemelik quraldardy daıyndaý QR MJBS-ǵa, tıisti bilim berý deńgeıiniń úlgilik oqý josparlaryna, oqý páni (pánderi) boıynsha úlgilik oqý baǵdarlamalaryna, psıhologııalyq-pedagogıkalyq jáne dıdaktıkalyq talaptarǵa sáıkes júzege asyrylady. 5. Avtor, avtorlyq ujym oqýlyqtardy, oqý-ádistemelik keshender men oqý-ádistemelik quraldardy daıyndaý boıynsha óz qyzmetin kelesi talaptardy eskere otyryp júzege asyrady: 1) oqý páni (pánderi) boıynsha neǵurlym ózekti bilimderdi engizý; 2) usynylǵan oqý jáne ádistemelik materıaldardyń durystyǵy; 3) bilim alýshylardyń jas, psıhologııalyq jáne fızıologııalyq erekshelikteri men múmkindikterin esepke alý; 4) oqý materıaly mazmunynyń kásibı baǵyttylyǵy. 6. Avtor, avtorlyq ujym QR MJBS-ǵa sáıkes ýákiletti organ bilim berý uıymdarynda paıdalanýǵa ruqsat etken bastaýysh, negizgi orta jáne jalpy orta bilim berý deńgeılerine arnalǵan oqýlyqtardyń, oqý-ádistemelik keshender men oqý-ádistemelik quraldardyń mazmunyn árbir tórt jylda, arnaıy bilim berý uıymdary úshin árbir alty jylda óńdeıdi. 3. Oqýlyqtardy, oqý-ádistemelik keshender men oqý-ádistemelik quraldardy saraptamadan ótkizý tártibi 7. Ýákiletti organ barlyq bilim berý deńgeılerine arnalǵan oqýlyqtarǵa, oqý-ádistemelik keshender men oqý-ádistemelik quraldarǵa ǵylymı jáne pedagogıkalyq saraptama boıynsha taqyryptyq jospardy (budan ári – taqyryptyq jospar) kelesi jylǵa aǵymdaǵy jyldyń qarashasyna deıin bekitedi. 8. «Oqýlyq» ortalyǵy oqýlyqtarǵa, oqý-ádistemelik keshender men oqý-ádistemelik quraldarǵa ǵylymı jáne pedagogıkalyq saraptamany taqyryptyq josparǵa sáıkes júrgizedi. 9. Taqyryptyq josparǵa engizilgen oqýlyqtarǵa, oqý-ádistemelik keshender men oqý-ádistemelik quraldarǵa, sonyń ishinde elektrondyq jetkizgishterdegi ǵylymı jáne pedagogıkalyq saraptama jasaý respýblıkalyq bıýdjet esebinen júrgiziledi. Taqyryptyq josparǵa engizilmegen oqýlyqtarǵa, oqý-ádistemelik keshender men oqý-ádistemelik quraldarǵa, sonyń ishinde elektrondyq jetkizgishterdegi ǵylymı jáne pedagogıkalyq saraptama jasaý ázirleýshiniń esebinen júrgiziledi. 10. Oqýlyqtarǵa, oqý-ádistemelik keshender men oqý-ádistemelik quraldarǵa, sonyń ishinde elektrondyq jetkizgishterdegi ǵylymı jáne pedagogıkalyq saraptama jasaý mektepke deıingi tárbıe men oqytý, bastaýysh, negizgi orta, jalpy orta bilim berý deńgeılerine ǵalymdardy, joǵary jáne birinshi sanatty muǵalimderdi jumyldyra oty­ryp jasalady, tehnıkalyq jáne kásiptik bilim berý mamandyqtary boıynsha ǵalymdar men tehnıkalyq jáne kásip­tik bilim berý uıymdarynyń oqytýshylary, óndiris, kásiporyn jáne basqa da uıym ókilderi tartyla otyryp júrgiziledi. Joǵary bilim berýdiń mamandyqtaryna arnalǵan oqýlyqtarǵa, oqý-ádistemelik keshender men oqý-ádistemelik quraldarǵa saraptama ǵalymdardy, joǵary oqý oryndarynyń oqytýshylaryn, óndiris, kásiporyn jáne basqa da uıym ókilderin jumyldyra otyryp jasalady. 11. Ýákiletti organ oqýlyqtardy, oqý-ádistemelik keshender men oqý-ádistemelik quraldardy saraptamaǵa qabyldaýdy mektepke deıingi tárbıe men oqytý, bastaýysh, negizgi orta, jalpy orta bilim berý deńgeıleri úshin aǵymdaǵy jylǵy qańtar men mamyr aralyǵyndaǵy kezeńde, tehnıkalyq jáne kásiptik, joǵary jáne joǵary oqý ornynan keıingi bilim berý deńgeıleri úshin aǵymdaǵy jylǵy qańtar men qazan aralyǵyndaǵy kezeńde uıymdastyrady. 12. Oqý ádebıetiniń avtory, avtorlyq ujymy, baspasy jáne ázirleýshileri ýákiletti organǵa kelesi materıaldardy jiberedi: 1) oqýlyqtarǵa, oqý-ádistemelik keshender men oqý-ádistemelik quraldarǵa saraptama júrgizý týraly ótinish; О́tinishte oqý ádebıetiniń tıtýl paraǵyna sáıkes avtor(lar)dyń aty-jóni men tegi, QR MJBBS-daǵy (tehnıkalyq jáne kásiptik, orta bilimnen keıingi bilimniń úlgilik oqý josparlary) oqý pániniń (pánderiniń) atyna sáıkes ataýy, synyby (kýrsy), basylym tili, shyqqan jyly, basylǵan orny kórsetiledi. О́tinishte sonymen birge jurtshylyqtyń keń aýqymynyń qol jetkizýi úshin «Oqýlyq» ortalyǵynyń ınternet-resýrsynda qaǵaz júzindegi oqýlyqtyń elektrondyq nusqalaryn ornalastyrý týraly ótinishi kórsetiledi («Joba» belgisimen PDF formatynda). Qaıta ázirlengen oqýlyqtar, oqý-ádistemelik keshender men oqý-ádistemelik quraldar úshin ótinishke ázirleýshiler (avtory, avtorlyq ujym) týraly málimetter jáne baılanys telefondary qosa beriledi. 2) oqýlyqtardy, oqý-ádistemelik keshender men oqý-ádistemelik quraldardy basýǵa jáne/nemese qaıta basýǵa avtorlyq quqyq berý týraly kelisimsharttyń áreket etý merzimi men aımaǵyn, basylym taralymyn jáne t.b. kórsete otyryp, ujymdyq negizde avtorlardyń menshiktik quqyqtaryn basqaratyn avtormen (avtorlarmen) nemese uıymmen jasalǵan kelisimsharttyń kóshirmesi; 3) oqýlyqtyń (sonyń ishinde onyń elektrondyq nusqasy PDF formatta), OÁK, OÁQ, EQ túpnusqa-maketteriniń jáne qorapta sońǵy tutynýshyǵa arnalǵan elektrondyq jetkizgishterdegi oqýlyqtar, oqý-ádistemelik keshender men oqý-ádistemelik quraldar CD (DVD)-dıskiniń úsh danasy; 4) tehnıkalyq jáne kásiptik, joǵary jáne joǵary oqý ornynan keıingi oqýlyqtar, oqý-ádistemelik keshender men oqý-ádistemelik quraldar úshin pán boıynsha oqý baǵdarlamasy; 5) oqýlyqtarǵa, oqý-ádistemelik keshender men oqý-ádistemelik quraldarǵa túsindirme jazba. Túsindirme jazba qaıta daıyndalǵan basylym úshin negizgi tujyrymdamalyq oılarynan, ózektilik deńgeıin baǵa­laýdan, ázirlemeniń jańashyldyǵynan, QR MJBS-ny, úlgilik oqý baǵdarlama talaptaryn iske asyrýdan, qaıta basyl­ǵan oqý basylymdary úshin – avtordyń (avtorlyq ujymnyń) engizgen ózgeristeri men tolyqtyrýlarynan turýy tıis. 6) úsh pikir: pán boıynsha pedagog-praktıktiń, pán boıynsha ádiskerdiń, ǵalymnyń. Pikirde avtordyń bilim berý uıymdarynda bilim berý deńgeıine baılanysty oqý basylymyna ishinara synaqtan ótkizý nátıjeleri, basylymnyń maqsatty arnalýy kórsetiledi; 7) tehnıkalyq jáne kásiptik bilimniń oqý basylymdary úshin – tehnıkalyq jáne kásiptik bilim berý uıymdarynyń respýblıkalyq oqý-ádistemelik birlestik sheshiminen úzindi, joǵary jáne joǵary oqý ornynan keıingi bilimniń oqýlyqtar, oqý-ádistemelik keshender men oqý-ádistemelik quraldary úshin – mamandyqtardyń toptary boıynsha oqý-ádistemelik birlestiktiń sheshiminen úzindi; 8) elektrondyq jetkizgishterdegi oqýlyqtar, oqý-ádistemelik keshender men oqý-ádistemelik quraldar úshin – paıdalanýshylarǵa arnalǵan ornatý jáne basshylyqqa alý nusqaýlyǵy erkin nysanda. 13. Ýákiletti organ usynylǵan materıaldardyń tolyqtyǵyn osy Qaǵıdalardyń 12-tarmaǵyna sáıkes anyqtaıdy. Ýákiletti organ bes kúntizbelik kún ishinde kelip túsken materıaldardy saraptama jasaý úshin «Oqýlyq» ortalyǵyna jiberedi. 14. Ǵylymı jáne pedagogıkalyq saraptamany ótkizý ýákiletti organnan «Oqýlyq» ortalyǵy materıaldardy qabyldaǵan kúnnen bastap kúntizbelik alpys kún ishinde uıymdastyrylady jáne júrgiziledi. 15. Oqýlyqtarǵa, oqý-ádistemelik keshender men oqý-ádistemelik quraldarǵa ǵylymı jáne pedagogıkalyq saraptama ótkizý QR MJBS-ǵa, úlgilik oqý josparlary men oqý baǵdarlamalaryna, ǵylymı jáne ádistemelik apparattyń – bilim alýshylardy oqytý, tárbıeleý men damytý maqsattaryna, psıhologııa-pedagogıka ǵylymynyń qazirgi zamanǵy talaptaryna sáıkestigin baǵalaý maqsatynda júrgiziledi. Oqýlyqtarǵa, oqý-ádistemelik keshender men oqý-ádistemelik quraldarǵa, sonyń ishinde elektrondyq jetkizgish­terdegi ǵylymı jáne pedagogıkalyq saraptama QR MJBS-ǵa, úlgilik oqý josparlary men oqý baǵdarlamalaryna, OÁK-tiń ádistemelik jáne ǵylymı apparatyna qoıylatyn talaptaryna sáıkestigin baǵalaý maqsatynda júrgiziledi. Oqýlyqtarǵa, oqý-ádistemelik keshender men oqý-ádistemelik quraldarǵa ǵylymı jáne pedagogıkalyq saraptama tolyqtyǵyn qamtamasyz etý maqsatynda baspa ýákiletti organǵa sonymen birge elektrondyq nusqada usynady. Saraptamany júrgizgen ýaqytta qaǵaz júzindegi oqýlyqtar, oqý-ádistemelik keshender men oqý-ádistemelik quraldardyń elektrondyq nusqasy «Oqýlyq» ortalyǵynyń ınternet-resýrsynda jurtshylyqtyń keń aýqymynyń qol jetimdiligin qamtamasyz etý jáne eskertýler men usynystardy berý úshin ornalastyrylady. Saraptama nátıjeleri boıynsha saraptamalyq sheshim shyǵarylady. 16. Saraptamalyq sheshim negizinde «Oqýlyq» ortalyǵy saraptama qorytyndysyn daıyndaıdy. Saraptama nátıjeleri boıynsha saraptama qorytyndysy kelesi tujyrymdardyń birin qamtýy kerek: 1) bastaýysh, negizgi orta jáne jalpy orta bilim deńgeıine arnalǵan oqýlyqtarǵa, oqý-ádistemelik keshender men oqý-ádistemelik quraldarǵa, sonyń ishinde elektrondyq jetkizgishterde: oń saraptamalyq sheshim alǵan jaǵdaıda – «bilim berý uıymdarynda paıdalanýǵa usynylady», qaıta daıyndalǵan oqý ádebıetterine – «bilim berý uıymdarynda synaqtan ótkizýge usynylady»; saraptamalyq sheshimde joıýdy qajet etetin eskertýler bolǵan jaǵdaıda – «О́ńdeýdi qajet etedi», sonyń ishinde qaıta daıyndalǵan oqý ádebıetteri úshin; teris saraptamalyq sheshim alǵan jaǵdaıda – «Bilim berý uıymdarynda paıdalanýǵa usynylmaıdy», qaıta daıyndalǵan oqý ádebıetterine – «bilim berý uıymdarynda synaqtan ótkizýge usynylmaıdy»; 2) mektepke deıingi tárbıe men oqytý, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim deńgeıiniń oqýlyqtary, oqý-ádistemelik keshenderi men oqý-ádistemelik quraldary úshin, sonyń ishinde elektrondyq jetkizgishterde – «bilim berý uıymdaryna paıdalanýǵa usynylady»; saraptamalyq sheshimde joıýdy qajet etetin eskertýler bolǵan jaǵdaıda – «О́ńdeýdi qajet etedi»; teris saraptamalyq sheshim alǵan jaǵdaıda – «bilim berý uıymdaryna paıdalanýǵa usynylmaıdy». 17. Ýákiletti organ avtorǵa (avtorlyq ujymǵa) nemese baspaǵa saraptama nátıjeleri týraly habarlaıdy. 18. «Oqýlyq» ortalyǵynyń saraptama qorytyndysyna sáıkes avtor (avtorlyq ujym) nemese baspa óńdeýdi talap etetin oqýlyqtardy, oqý-ádistemelik keshender men oqý-ádistemelik quraldardy óńdeýden keıin ýákiletti organǵa qaıta saraptama ótkizýge ýákiletti organnan saraptamalyq sheshimdi alǵan kúnnen bastap kúntizbelik otyz kún ishinde usynylady. Oqýlyqtardy, oqý-ádistemelik keshender men oqý-ádistemelik quraldardy qaıta saraptamadan ótkizýge baılanysty barlyq shyǵystar (memlekettik tapsyrystan basqa) avtor, avtorlyq ujym nemese baspa esebinen óteledi. Ekinshi ret qaıtarylǵan nemese bilim berý uıymdarynda paıdalanýǵa usynylmaǵan oqý basylymdary aǵymdaǵy kúntizbelik jyl ishinde saraptamaǵa qabyldanbaıdy. 19. Saraptamaǵa usynylǵan oqý basylymy ázirleýshige qaıtarylmaıdy. 4. Oqýlyqtardy, oqý-ádistemelik keshender men oqý-ádistemelik quraldardy synaqtan ótkizý jáne monıtorıng júrgizý tártibi 20. Qazaqstan Respýblıkasynyń Bilim jáne ǵylym mınıstrligi oqýlyqtardy, oqý-ádistemelik keshender men oqý-ádistemelik quraldardy synaqtan ótkizetin bilim berý uıymdarynyń tizimin oqýlyqtardyń, oqý-ádistemelik keshender men oqý-ádistemelik quraldardyń ázirleý tilin jáne bilim deńgeıin eskere otyryp qalyptastyrady. 21. Oblystardyń, Almaty jáne Astana qalalarynyń bilim basqarmalary oqýlyqtardyń, oqý-ádistemelik keshender men oqý-ádistemelik quraldardyń synaqtan ótkizý nátıjelerin «Oqýlyq» ortalyǵyna usynady. 22. «Oqýlyq» ortalyǵy oqýlyqtardyń, oqý-ádistemelik keshender men oqý-ádistemelik quraldardyń synaqtan ótken materıaldaryna taldaý jasaıdy, Respýblıkalyq komıssııa qaraýyna taldamalyq anyqtama ázirleıdi. 23. Ýákiletti organ mektepke deıingi, bastaýysh, negizgi orta, jalpy orta bilim deńgeıleri oqýlyqtardyń, oqý-ádistemelik keshender men oqý-ádistemelik quraldardyń monıtorıngin oqýlyqtar, oqý-ádistemelik keshender men oqý-ádistemelik quraldardyń sapasyn baǵalaý men bilim berý uıymdarynyń oqý ádebıetterimen qamtamasyz etilýin taldaý maqsatynda júrgiziledi. 24. Oblystardyń, Astana jáne Almaty qalalarynyń bilim basqarmalary ýákiletti organǵa kelesi oqý jylyna Tizbege sáıkes tenderdiń nátıjeleri boıynsha oqýlyqtar, oqý-ádistemelik keshender men oqý-ádistemelik quraldardy jetkizý jóninde memlekettik satyp alý týraly aqparatty aǵymdaǵy jyldyń jıyrma besinshi mamyryna deıin, al on besinshi tamyzdan keshiktirmeı bastaýysh, negizgi orta jáne jalpy orta bilim berý deńgeıleriniń oqýlyqtary, oqý-ádistemelik keshender men oqý-ádistemelik quraldarymen qamtamasyz etilý týraly aqparatty usynady. 25. Ýákiletti organ oqýlyqtar monıtorınginiń nátıjeleri boıynsha bilim berý uıymdary tarapynan suranyssyz qalǵan oqýlyqtardy, oqý-ádistemelik keshender men oqý-ádistemelik quraldardy Tizbeden alyp tastaý týraly sheshim qabyldaıdy. Tizbeden alynyp tastalǵan oqýlyqtar, oqý-ádistemelik keshender men oqý-ádistemelik quraldar týraly aqparat ýákiletti organnyń www.edu.gov.kz saıtynda ornalastyrylady. 26. Qazaqstan Respýblıkasy Bilim jáne ǵylym mınıstrligi oqýlyqtardy, oqý-ádistemelik keshender men oqý-ádistemelik quraldardy saraptama jáne synaq júrgizý nátıjelerin qarastyrý jónindegi Respýblıkalyq komıssııany (budan ári – Respýblıkalyq komıssııa) qurady. Qazaqstan Respýblıkasy Bilim jáne ǵylym mınıstrligi Respýblıkalyq komıssııanyń quramyn buıryqpen tórt jylǵa bekitedi. Respýblıkalyq komıssııanyń quramyna otandyq bilim berýdi damytý boıynsha jumys tájirıbesi bar memlekettik, qoǵamdyq jáne úkimettik emes uıymdardyń, pedagogıkalyq jáne ǵylymı qoǵamdastyqtyń ókilderi kiredi. Ýákiletti organ Respýblıkalyq komıssııa janynan oqýlyqtardyń, oqý-ádistemelik keshender men oqý-ádistemelik quraldardyń ǵylymı jáne pedagogıkalyq saraptama nátıjelerin qarastyratyn pándik komıssııalardy qurady. Pándik komıssııa quramy bir jyl merzimge bekitiledi. Árbir pándik komıssııa quramyna jetekshi, ǵalymdar jáne pán muǵalimderinen turatyn komıssııanyń tórt múshesi kiredi. Jetekshi Respýblıkalyq komıssııa quramyna kiredi. Pándik komıssııa oqýlyqtardyń, oqý-ádistemelik keshender men oqý-ádistemelik quraldardyń ǵylymı jáne pedagogıkalyq saraptama nátıjelerin qarastyrady. 27. Respýblıkalyq komıssııa: 1) qor jınaý sıkli boıynsha qaıta basylatyn mektepke deıingi, bastaýysh, negizgi orta, jalpy orta bilim deńgeıindegi oqýlyqtardyń, oqý-ádistemelik keshender men oqý-ádistemelik quraldardyń saraptama júrgizý nátıjesin tekseredi; 2) barlyq bilim berý deńgeıine arnalǵan oqýlyqtardy, oqý-ádistemelik keshender men oqý-ádistemelik quraldardy daıyndaý, saraptaý, synaqtan ótkizý, monıtorıng júrgizý jáne basyp shyǵarý tetikterin jetildirý boıynsha usynystardy daıyndaıdy; 3) pándik komıssııalardyń usynystaryn qarastyrý negizinde qorytyndy májiliste oqýlyqtardy, oqý-ádistemelik keshender men oqý-ádistemelik quraldardy oqý prosesinde qoldaný boıynsha kelesi sheshim qabyldaıdy: «oqý prosesinde paıdalanýǵa usynylady»; «oqý prosesinde paıdalanýǵa usynylmaıdy»; 4) orta bilim berý deńgeıine arnalǵan qaıta daıyndalǵan oqýlyqtardyń, oqý-ádistemelik keshender men oqý-ádistemelik quraldardyń bilim berý uıymdaryndaǵy synaqtan ótkizý nátıjelerin qarastyrady. Respýblıkalyq komıssııa synaqtan ótkizý materıaldaryn qaraý negizinde oqýlyqtardy, oqý-ádistemelik keshender men oqý-ádistemelik quraldardy oqý prosesinde paıdalaný týraly kelesi sheshim qabyldaıdy: «oqý prosesinde paıdalanýǵa usynylady»; «oqý prosesinde paıdalanýǵa usynylmaıdy». 28. Respýblıkalyq komıssııa otyrysy jylyna eki retten kem emes ótkiziledi. Otyrys respýblıkalyq komıssııa músheleriniń jartysynan kóp bóligi qatysqanda zańdy bolyp tabylady. Respýblıkalyq komıssııa pándik komıssııalardyń usynystary negizinde paıdalanýǵa usynylǵan oqý ádebıetteriniń tizimin bilim berý uıymdarynda paıdalanýǵa ruqsat etilgen oqýlyqtardyń, oqý-ádistemelik keshenderdiń, oqý quraldarynyń jáne basqa da qosymsha ádebıetterdiń, onyń ishinde elektrondyq jetkizgishterdiń Tizbesin (budan ári – Tizbe) ýákiletti organnyń qaraýy men bekitýine engizedi. 29. Tizbege bir oqý páni boıynsha besten artyq emes balama oqýlyqtar, oqý-ádistemelik keshender men oqý-ádistemelik quraldar engiziledi. Ýákiletti organmen bekitilgen Tizbe ýákiletti organnyń www.edu.gov.kz ınternet-resýrsynda ornalastyrylady. Oqýlyqtardyń elektrondyq nusqasy bilim alýshylar men bilim berý uıymdaryn oqýlyqtarmen, oqý-ádistemelik keshender jáne oqý-ádistemelik quraldarmen qosymsha qamtamasyz etý úshin PDF formatynda «Oqýlyq» ortalyǵynyń ınternet-resýrsynda ornalastyrylady. 5. Oqýlyqtardy, oqý-ádistemelik keshender men quraldardy basyp shyǵarý tártibi 30. Mektepke deıingi tárbıe men oqytý, bastaýysh, negizgi orta jáne jalpy orta bilim berý uıymdary úshin oqý ádebıetterin basyp shyǵarý Tizbege sáıkes júzege asyrylady. 31. Tizbege engen oqýlyqtar, oqý-ádistemelik keshender men oqý-ádistemelik quraldar ázirleýshiniń qarajaty esebinen basylyp shyǵarylady. 32. Ýákiletti organnyń «Bilim berý uıymdarynda paıdalanýǵa ruqsat etiledi» degen grıfi mektepke deıingi, bastaýysh, negizgi orta, jalpy orta bilim berý deńgeıleriniń oqý ádebıetteri úshin kelesi tórt oqý jyly ishinde, arnaıy bilim berý uıymdary úshin kelesi alty oqý jyly ishinde qoldanysta bolady, tehnıkalyq jáne kásiptik, joǵary jáne joǵary oqý ornynan keıingi bilim berý deńgeıleriniń oqý ádebıetteri úshin shektelmeıdi. 33. Tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim beretin uıymdar úshin oqý ádebıetterin basyp shyǵarý «Oqýlyq» ortalyǵynyń oń saraptamalyq sheshimi negizinde respýblıkalyq bıýd­jettiń, oqý ornynyń nemese avtordyń, avtorlar ujymynyń nemese baspanyń qarajaty esebinen júzege asyrylady. Buıryq Qazaqstan Respýblıkasynyń Ádilet mınıstrliginde 2015 jylǵy 5 maýsymda Normatıvtik quqyqtyq kesimderdi memlekettik tirkeýdiń tizilimine №11281 bolyp engizildi.